وحدت نیوز(بہاولنگر) مجلس وحدت مسلمین سینٹرل پنجاب کے صوبائی سیکرٹری جنرل علامہ عبدالخالق اسدی نے بہاولنگر کا دورہ کیا، یوم عاشور کے موقع پر بم دھماکے کے متاثرین سے ملاقات کی اور ہسپتال جا کر زخمیوں کی عیادت بھی کی۔
اس موقع پر ضلع بہاولنگر کے سیکرٹری یوتھ شاہ زیب، ضلع پاکپتن کے ڈپٹی سیکرٹری یوتھ عامر عباس زیدی اور یوتھ کے دیگر جوان موجود تھے۔ وفد نے ضلع کے مختلف علاقوں کے مومنین سے بھی ملاقات کی۔
علامہ عبدالخالق اسدی نے وفد کے ہمراہ ڈسٹرکٹ ہیڈکوارٹر ہسپتال بہاولنگر کا دورہ کیا، جہاں دھماکے میں زخمی عزاداروں کی عیادت کی اور ہر ممکن تعاون کی یقین دہانی کرائی۔
علامہ عبد الخالق اسدی نے دورہ بہاولنگر کے موقع پر خانوادگان شہداء سے ملاقات کی، شہداء کے لواحقین سے اظہار تعزیت کی اور اس سانحے کے خلاف ہر فورم پر آواز اٹھانے کی یقین دہانی کرائی، بہاولنگر کے مظلومین کو تنہاء نہیں چھوڑیں گے، حکومت ملک دشمن دہشتگردوں کو کیفر کردار تک پہنچائے، ہم ان شاء اللہ اپنے عظیم شہداء کے پاکیزہ لہو کو رائیگاں جانے نہیں دینگے۔
