وحدت نیوز(کراچی) ایم ڈبلیوایم کی مرکزی پولیٹیکل کونسل کے رکن سید عارف رضا زیدی نے کہا ہے کہ مجلس وحدت مسلمین کی قیادت، مومنین کی استقامت اور مسلسل 16 دنوں تک متعصب SSP کے خلاف دھرنا دینے اور بالآخر اسکے تبادلہ پر تمام مومنین جیکب آباد کو مبارکباد پیش کرتے ہیں.متعصب SSP نے 21 رمضان کا جلوس نکالنے پر شرکاء جلوس پر لاٹھی چارج کر کے 100 کے قریب مومنین کو زخمی جبکہ 200 سے زائد مومنین پر دھشتگردی کے دفعات کے تحت ایف آئی آر دج کی تھی۔

انہوں نے مزید کہاکہ مومنین جیکب آباد سمیت تمام شیعہ جماعتوں نے مجلس وحدت مسلمین کی قیادت میں مسلسل 16 دنوں تک دھرنا دیا جس کے باعث اس متعصب SSP بشیر احمد بروہی کو جو کالعدم سپاہ صحابہ کے بدنام زمانہ دھشتگرد حفیظ بروہی کا بھانجا ہے کو تبدیل کروا دیا.مومنین کی اس مشترکہ جدوجہد نے ایک بار پھر ثابت کیا ہے کہ اگر ہم یکجا ہو کر ایک ہدف کی جانب اگے بڑھیں اور استقامت دکھائیں تو کامیابی ہمارے قدم چومتی ہے۔