وحدت نیوز(ٹوبہ ٹیک سنگھ)  مجلس وحدت مسلمین پاکستان صوبہ پنجاب کے ڈپٹی سیکرٹری جنرل ڈاکٹر سید افتخار حسین نقوی کی قیادت میں ایم ڈبلیو ایم ٹوبہ ٹیک سنگھ کے نمائندہ وفد نے ڈی پی او ٹوبہ ٹیک سنگھ سے ان کے آفس میں ملاقات کی۔اس ملاقات میں باہمی دلچسپی سمیت ضلع میں مذہبی ہم آہنگی کے فروغ ، فرقہ واریت کی لعنت سے پاک پاکستان ، ماہ رمضان میں شہادت امیر المومنین ؑ کی مجالس و جلوس ہائے عزاداری ، بے گناہ عزاداروں کو فور شیڈیول میں ڈالنےجانے اور باہمی اعتماد سازی کو فروغ دینے شیعہ شہریوں اور انتظامیہ کے درمیان تعلق کو مثالی بنانے پر گفتگو ہوئی ۔ملاقات میں شیعہ علماء بشمول مولانا ہدائت حسین ہدائتی ، مولانا محمد حسین جعفری ، ضلعی سیکرٹری جنرل سید محمد حسن جعفری ، سیکرٹری سیاسیات سید ناصر شیرازی شامل تھے۔