وحدت نیوز(اسلام آباد)سینیٹر علامہ راجہ ناصر عباس جعفری چیئرمین مجلس وحدت مسلمین پاکستان نے اپنے ایک بیان میں کہا ہے کہ راولپنڈی کہوٹہ کے قریب بس کھائی میں گرنے سے قیمتی انسانی جانوں کےضیاع پر گہرے دکھ اور افسوس کا اظہار کرتا ہوں ۔اندوہناک واقعے میں جاں بحق افراد کے سوگوار خاندانوں سے دلی تعزیت و ہمدردی کرتا ہوں۔واقعے میں زخمی ہونے والے افراد کی جلد صحت یابی کیلئے دعا گو ہوں۔مقامی انتظامیہ اور ریسکیو ادارے زخمیوں اور متاثرہ افراد کی فی الفور اور ہرممکن مدد کریں۔حکومت ملک بھر میں فٹنس سرٹیفکیٹ کے بغیر چلنے والی گاڑیوں کو فوری اور سختی سے بند کرے۔بس کمپنیوں کے مالکان خود ہی پرانی گاڑیوں کو بند کریں تاکہ آئے روز انسانی جانوں کا نقصان نہ ہو۔