وحدت نیوز(اسلام آباد)بلوچستان میں بھارت، اسرائیل اور سعودی نواز دہشتگردوں  نے جس بے دردی سے شیعہ مسلمانوں کو شہید کیا ہے اس کی جتنی مذمت کی جائے کم ہے۔ بلوچستان مچھ میں 11شیعہ ہزارہ کان کنوں کی بہیمانہ قتل پر اظہار مذمت کرتے ہوئے مجلس وحدت مسلمین پاکستان شعبہ جوانان کے مرکزی سیکریٹری علامہ اعجاز حسین بہشتی کا کہنا تھا کہ ہاتھ باندھ کر بے گناہ مزدوروں کو شہید کرنے والوں کے خلاف فوری اور سخت کاروائی ہونی چاہئے۔

علامہ اعجاز بہشتی کا کہنا تھا کہ بھارت، اسرائیل اور سعودی عرب ملک عزیز پاکستان کے خلاف پھر سرگرم ہوگئے ہیں۔ دشمن نہیں چاہتا کہ پاکستان پُرامن ہو اسی لئے بلوچستان میں آج شیعہ مسلمانوں کو ٹارگٹ کیا گیا ہے تاکہ فرقہ واریت کو ہوا دی جا سکے۔ حکومت اور سیکورٹی اداروں کو چاہئے کہ جس طرح وزیرستان میں دہشت گردوں کے خلاف آپریشن کیا ہے اسی طرح بلوچستان میں بھی آپریشن کیا جائے۔