وحدت نیوز(اسلام آباد) مجلس وحدت مسلمین کے زیر اہتمام اسلام آباد، لاہور، کراچی، کوئٹہ، پشاور، ملتان، آزادکشمیر اورگلگت بلتستان سمیت ملک کے مختلف شہروں میں آج 22مئی بعد از نماز جمعہ القدس ریلیاں نکالی جائیں گی جن کی قیادت ایم ڈبلیو ایم کے مرکزی اور صوبائی رہنما کریں گے۔ مرکزی ریلی کا آغاز امام بارگاہ اثنا عشری جی سکس ٹو سے سہ پہر دو بجے مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری کی قیادت میں ہو گا۔

لاہور سے نکالی جانے والی القدس ریلی ایم ڈبلیو ایم کے ڈپٹی سیکرٹری جنرل علامہ احمد اقبال رضوی کی قیادت میں روانہ ہو گی۔القدس ریلیوں کے انعقاد کا مقصد فلسطین، کشمیر اور یمن سمیت دنیا کے مظلومین کی حمایت اور طاغوتی و استکباری قوتوں کے خلاف نفرت کا اظہار کرنا ہے۔مجلس وحدت مسلمین کی مرکزی قیادت نے ایم ڈبلیو ایم کے کارکنان اور ملت تشیع سے اپیل کی ہے کہ وہ اپنے اپنے شہروں میں منعقدہ القدس ریلیوں میں بھرپور انداز سے شرکت کر کے ظلم کے خلاف آواز بلند کریں۔