وحدت نیوز(کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نےجلوس ہائے میلاد النبیؐ نے کہاکہ ایک مرتبہ پھر شیعہ سنی مسلمانوں نےعظیم الشان جشن میلاد النبیؐ مناکر دشمنان اسلام کے ناپاک عزائم کو خاک میں ملادیاہے، نواسہ رسول ؐ امام حسین ؑ کا غم اور رسول خداؐ کی ولادت کا جشن امت مسلمہ کی مشترکہ میراث ہے، مملکت خداداد پاکستان کے حکمران اور سیاست دان اگر رسول کریم ﷺ کے اسوہ حسنہ پر عمل کریں تو ملک کو درپیش مشکلات اور دہشت گردی جیسے عفریت سے مکمل چھٹکارہ ممکن ہے، ان خیالات کا اظہارانہوںنے  جشن عید میلادالنبیﷺ کے موقع پر کراچی کے مختلف مقامات ملیر ،بن قاسم ٹائون، لانڈھی ،کورنگی،محمودآباد اورسولجر بازارسمیت دیگر علاقوں میں ایم ڈبلیوایم کی جانب سے قائم استقبالیہ کیمپوں، سبیلوں اور جلوس ہائے میلاد النبیؐ کے شرکاءسے خطاب کرتے ہوئے کیا۔

 انہوں نے مزید کہاکہ  مجلس وحدت مسلمین پاکستان کے سربراہ علامہ راجہ ناصر عباس جعفری نے پیغمبر اعظم ﷺ کی یوم ولادت کے مناسبت سے ملک بھر میں۱۲ تا۱۷ ربیع الاول تک ہفتہ وحدت منانے کا اعلان بھی کیا ہے جس کی پر نور محافلوں کا آغاز کر دیا گیاہے، سرورکائنات رحمت للعالمین کی ذات اقدس ہی مسلم امہ کے درمیان مرکزِوحدت ہے۔ عید میلادالنبی ﷺ کے جلوسوں میں جس اتحاد و یگانگت کے ساتھ شیعہ سنی عوام شریک ہوئے اس سے بخوبی اس بات کا انداز لگا یا جا سکتا ہے کہ پاکستان میں شیعہ سنی یک جان اور متحد ہیں،نفرت اور دہشت گردی پھیلانے والوں کا دونوں مکتب سے کوئی تعلق نہیں،ماہ ربیع الاول کے ان بابرکت ایام میں جس عملی وحدت کا مظاہرہ دیکھنےمیں آیا یہ اس بات کی واضح دلیل ہے کہ فرقہ پرستوں کو اپنے مذموم عزائم میں شکست ہوئی ہے،،دہشت گرد دراصل ملک میں فرقہ واریت کو ہوا دے کر مسلمانوں کو آپس میں دست و گریبان کرکے ملکی سالمیت کو نقصان پہنچانا چاہتے ہیں۔

وحدت نیوز(بہاولپور) مجلس وحدت مسلمین پاکستان کے سربراہ علامہ راجہ ناصر عباس جعفری کی ہدایت پر جنوبی پنجاب کے دیگر اضلاع کی طرح بہاولپور میں بھی عید میلادالنبی کے موقع پر دیگر ملی تنظیموں اور جماعتوں کے ساتھ مل کر فرید گیٹ پر استقبالیہ کیمپ لگایا گیا، استقبالیہ کیمپ میں ایم ڈبلیو ایم کے سیکرٹری جنرل سید اظہر حسین نقوی سمیت دیگر رہنما موجود رہے۔ بہاولپور سے جاری بیان کے مطابق12 تا 17 ربیع الاول ہفتہ وحدت کے سلسلے میں مجلس وحدت مسلمین پاکستان کے پروگرام کے مطابق ملی جذبہ وحدت کے فروغ کے لیے لگائے گئے استقبالی کیمپ پر مومنین کی بھرپور شرکت کی اور عیدمیلادالنبی کے جلوسوں کا استقبال کیا گیا، پھول پہنائے گئے، پتیاں نچھاور کی گئیں اور گلے مل کر مبارکبادیں دی گئیں اور پانی کی سبیل بھی لگائی گئی، سید اظہر حسین نقوی کا کہنا تھا کہ الحمداللہ ہر سال مجلس وحدت مسلمین 12ربیع الاول کے موقع پر اپنے اہلسنت بھائیوں کو خوش آمدید کہنے کے لیے کیمپ لگاتی ہے، محبت کی یہی فضا قائم رکھیں گے۔ اس موقع پر اہلسنت علمائے کرام اور عمائدین نے مجلس وحدت مسلمین کی اس کاوش کا سراہا۔

وحدت نیوز (کراچی) مجلس وحدت مسلمین پاکستان کے زیر اہتمام ملک بھر میں عید میلادالنبی ﷺ کے جلوسوں کا پُرتپاک استقبال کیا گیا،درودوسلام اور لبیک یا رسول اللہ ﷺ کے نعرے ہر طرف فضا میں گونجتے رہے۔اتحاد بین المسلمین کے اس فقیدالمثال مظاہرےکو شیعہ سنی علما کی طرف سے زبردست خراج تحسین پیش کیا گیا۔وفاقی دارالحکومت اسلام آباد سمیت چاروں صوبوں آزاد کشمیر اور گلگت بلتستان میں ملت جعفریہ سے تعلق رکھنے والے افراد علمائے کرام اور عمائدین نے جشن عید میلاد النبی کے جلوسوں میں بھرپور شرکت کی۔ایم ڈبلیو ایم کراچی ڈویژن کی جانب سے شہر کے 50سے زائد مقامات پر استقبالیہ کیمپ اور سبیلوں کا اہتمام بھی کیا گیا ۔

کراچی میں نمائش چورنگی ،محمود آباد،بلدیہ ٹاؤن،انچولی،نیو کراچی،گلشن اقبال،گلستان جوہر ،ملیر جعفر طیار سوسائٹی،کھوکھراپار،لانڈھی ،کورنگی،بن قاسم ٹائون ،اسٹیل ٹاؤن سمیت مختلف علاقوںمیں مجلس وحدت مسلمین کے عہدیداران اور علمائے کرام نے جلوس ہائے میلاد مبار ک کے شرکاءکاوالہانہ استقبال کیا، ان پر گل پاشی ، مشروبات اور نیاز سے ان کی تواضع کی اور مٹھائیاں بھی تقسیم کی گئیں، جبکہ گلشن وقار بن قاسم ٹائون میں ایم ڈبلیوایم کی جانب سے جلوس میلاد النبیﷺ بھی نکالاگیا جس میں شیعہ سنی علمائے کرام نے خطاب کیا جبکہ تمام مسالک کےافراد نے بڑی تعدادمیں شرکت کی،مرکزی استقبالیہ کیمپ سولجر بازارمیں صوبائی سیکریٹریٹ کے باہر لگایا جہاں سیکریٹری جنرل کراچی ڈویژن علامہ صادق جعفری نے شرکائے جلوس میلاد کو خوش آمدید کہا، متحدہ قومی موومنٹ پاکستان کے سابق سربراہ ڈاکٹر فاروق ستار سمیت دیگر سیاسی وسماجی شخصیات نے ایم ڈبلیوایم کے استقبالیہ کیمپ کا خصوصی دورہ کیا اور ایم ڈبلیوایم کے رہنمائوں کے ہمراہ شرکائے جلوس کو سبیل پیش کی۔

مختلف مقامات پر استقبالیہ کیمپوں اور جلوسوں میں ایم ڈبلیوایم کے مرکزی رہنما علامہ سید احمد اقبال رضوی، ڈویژنل رہنما علامہ صادق جعفری، علامہ مبشر حسن، علامہ علی انور جعفری، علی حسین نقوی،ناصرحسینی، علامہ نشان حیدر، علامہ غلام محمد فاضلی، میر تقی ظفر، احسن عباس رضوی، عارف رضا زیدی سمیت دیگر رہنمائوں نے خطاب کرتے ہوئے کہاکہ ایک مرتبہ پھر شیعہ سنی مسلمانوں نے جشن میلاد النبیؐ مل کر مناکر دشمنان اسلام کے ناپاک عزائم کو خاک میں ملادیاہے، نواسہ رسول ؐ امام حسین ؑ کا غم اور رسول خداؐ کی ولادت کا جشن امت مسلمہ کی مشترکہ میراث ہے، مملکت خداداد پاکستان کے حکمران اور سیاست دان اگر رسول کریم ﷺ کے اسوہ حسنہ پر عمل کریں تو ملک کو درپیش مشکلات اور دہشت گردی جیسے عفریت سے مکمل چھٹکارہ ممکن ہے ۔

رہنمائوںنے کہاکہ مجلس وحدت مسلمین پاکستان کے سربراہ علامہ راجہ ناصر عباس جعفری نے پیغمبر اعظم ﷺ کی یوم ولادت کے مناسبت سے ملک بھر میں۱۲ تا۱۷ ربیع الاول تک ہفتہ وحدت منانے کا اعلان بھی کیا ہے جس کی پر نور محافلوں کا آغاز کر دیا گیاہے، سرورکائنات رحمت للعالمین کی ذات اقدس ہی مسلم امہ کے درمیان مرکزِوحدت ہے۔ عید میلادالنبی ﷺ کے جلوسوں میں جس اتحاد و یگانگت کے ساتھ شیعہ سنی عوام شریک ہوئے اس سے بخوبی اس بات کا انداز لگا یا جا سکتا ہے کہ پاکستان میں شیعہ سنی یک جان اور متحد ہیں،نفرت اور دہشت گردی پھیلانے والوں کا دونوں مکتب سے کوئی تعلق نہیں،ماہ ربیع الاول کے ان بابرکت ایام میں جس عملی وحدت کا مظاہرہ دیکھنےمیں آیا یہ اس بات کی واضح دلیل ہے کہ فرقہ پرستوں کو اپنے مذموم عزائم میں شکست ہوئی ہے،،دہشت گرد دراصل ملک میں فرقہ واریت کو ہوا دے کر مسلمانوں کو آپس میں دست و گریبان کرکے ملکی سالمیت کو نقصان پہنچانا چاہتے ہیں۔

وحدت نیوز(ملتان) جشن ولادت باسعادت خاتم المرسلین حضرت محمد مصطفیٰ ﷺکے موقع پرشیعہ سنی ملکر کر پورے ملک میں بارہ تا سترہ ربیع الاول ہفتہ وحدت منائینگے، اس پورے ہفتے میں مشترکہ اجتماعات کرینگے، ریلیوں میں شرکت کرینگے اور عظیم وحدت کا پیغام دینگے، ہم تمام مکاتب فکر کو دعوت دیتے ہیں کہ وہ ان اجتماعات میں شرکت کرکے عملی وحدت کا مظاہرہ کریں اور دشمن کی سازش کو ناکام بنا دیں،ملک کے چپے چپے میں شیعہ سنی ملکرمیلاد البنی کے جلوس نکالیں،ایم ڈبلیوایم کے کارکنان سبیلیں لگائیں اور شرکائے جلوس کا استقبال کریں، ان خیالات کا اظہارمجلس وحدت مسلمین پاکستان جنوبی پنجاب کے سیکریٹری جنرل علامہ اقتدار نقوی، متحدہ مسلم موومنٹ کے سربراہ ڈاکٹر اکمل مدنی،تحریک منہاج القران کے یاسر ارشاد،مولانا ہادی حسین ہادی نے جشن ولادت باسعادت بنی آخرالزمانﷺکی آمد کے موقع پر ملتان پریس کلب میں مشترکہ پریس کانفرنس سے خطاب کرتے ہوئے کیا،اس موقع پر سمیت دیگر رہنما موجود تھے ۔

کانفرنس سے خطاب میں مجلس وحدت مسلمین پاکستان جنوبی پنجاب کے سیکریٹری جنرل علامہ اقتدار نقوی نے کہا کہ دنیا بھر کی طرح سرزمین پاکستان میں بھی شیعہ سنی متحد ہیں، کوئی فرقہ واریت نہیں ہے، چند مٹھی بھرتکفیری سوچ کے حاملے افراد ملک کے امن کو غارت کرنا چاہتے ہیں جنہیں ہم اپنے اتحاد سے ناکام بنا دیں گے، نبی کریمﷺ کی ذات اقدس دنیا بھی مسلمانوں کیلئے نقطہ وحدت ہے، عالم اسلام معاشرتی مشکلات اور عالم کفر کی سازشوں سے نبردآزما ہونے کیلئے سیرت پیغمبر ختمی مرتب ﷺسے استفادہ کرے۔

 انہوں نے کہا کہ عالم اسلام اس وقت عالمی استعماری قوتوں کی سازشوں کی زد پر ہے،یمن، نائجیریا،عراق،شام امریکی گماشتوں کی تجربہ گاہ بنے ہوئے ہیں، امت مسلمہ کو قرآن وسنت اوراہلبیت ؑ سے متمسک رہ کر عالم کفرکی تمام تر نجس سازشوں کا مقابلہ کرنا ہو گا، پاکستان میں تکفیری سوچ کے حامل مٹھی بھر دہشت گرد عناصرکو محب رسول ﷺشیعہ سنی عوام پر مسلط کرنے کی ناکام کوشش کی جارہی ہے، جسے عوام کو تدبراور فرست کے ساتھ ناکام بنانا ہوگا۔

کانفرنس سے خطاب کرتے ہوئے ڈاکٹر اکمل مدنی کا کہناتھا کہ نبی کریم ﷺکی ولادت باسعادت کے موقع پر تمام امت مسلمہ کو مبارک باد پیش کرتے ہیں،رسول ﷺ کایوم ولادت تمام عالم اسلام کیلئے اتحاد ویکجہتی کا مظہر ہے، نبی کریم ﷺ کی تعلیما ت کی روشنی میں تمام مسالک ومذاہب کو بھائی چارے، اتحاد اور باہمی رواداری پر مشتمل معاشرے کو فروض دینا چاہئے، آج جشن میلاد النبی ﷺ کے پرمسرت موقع پر مجلس وحدت مسلمین کی جانب سے تمام مسالک کے علمائکی یہ مشترکہ پریس کانفرنس اتحاد امت کا منہ بولتا ثبوت ہے۔

کانفرنس سے تحریک منہاج القران کے صدر یاسر ارشاد کا کہنا تھا کہ پاکستانی قوم نبی کریم ﷺ کے جشن میلاد کے موقع پر یہ اعلان کر رہے ہیں کہ پوری قوم ناموس مصطفی ﷺ کت تحفط اور عقیدہ ختم نبوت کے تحفظ کیلئے متحد ہیں ۔نبی کریم ﷺ کی زات گرامی کی والحانہ محبت میں کسی بھی قسم کی کوئی تفریق نہیں ہے۔ پریس کانفرنس میں مجلس وحدت مسلمین جنوبی پنجاب کے ڈپٹی سیکرٹری جنرل سلیم عباس صدیقی. سید ندیم عباس کاظمی. اور دیگر موجود تھے۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے افغانستان کے دارالحکومت کابل میں جشن عید میلاد النبیﷺ کے اجتماع پر تکفیری دہشت گردوں کے خود کش حملے کے خلاف مرکزی سیکریٹریٹ سے جاری اپنے مذمتی بیان میں کہاکہ کابل میں جشن عید میلاد النبی صلی علیہ وآلہ وسلم کے اجتماع پر خود کش دھماکے کی شدید مذمت کرتے ہیں،دشمن اسلام اور مسلمانوں کو بدنام کرنے کے لئے تکفیری دہشت گردوں کی پشت پناہی کر رہا ہے،شدت پسندوں اور تکفیریت کیخلاف مسلم امہ کو متحد ہو کر لڑنا ہوگا،افغانستان میں امریکہ انڈیا اسرائیل گٹھ جوڑ کے سبب خطے کے دہشتگرد معصوم لوگوں کے خون سے ہولی کھیل رہے ہیں،جب تک خطے سے امریکہ کے ناپاک وجود کا خاتمہ نہیں ہوتا قتل غارت گری کا سلسلہ جاری رہے گا، مجلس وحدت مسلمین پاکستان عاشقان رسول ﷺ کے پر امن اجتماع پر بذدلانہ حملے کی پر روز مذمت کرتی ہے جبکہ قیمتی انسانی جانوں کے نقصان پر شہداء کے اہل خانہ کے غم میں برابر کی شریک ہے۔

وحدت نیوز(سکھر) عید میلاد النبی ص و ھفتہ وحدت کی مناسبت سے مجلس وحدت مسلمین سندھ کے سیکریٹری جنرل علامہ مقصودعلی ڈومکی نے سکھر پریس کلب میں پریس کانفرنس سے خطاب کیا۔انہوں نے کہا کہ امام خمینی رح کے فرمان پرلبیک کہتے ہوئے ھفتہ وحدت کو بھرپور انداز سے منائیں گے۔ مجلس وحدت مسلمین کے کارکن استقبالیہ کیمپس لگا کرجلوس میلادالنبی ص کا پھولوں کی پتیاں نچھاور کرکے استقبال کریں گے۔ اس موقع پر ایم ڈبلیو یم ضلع سکھر کے ڈپٹی سیکریٹری جنرل برادر احسان علی شر ایڈوکیٹ سیکریٹری روابط برادر محسن سجاد اور سیکریٹری سیاسیات ان کے ہمراہ تھے۔