وحدت نیوز(لاہور) مجلس وحدت مسلمین شعبہ خواتین لاہور کی جانب سے والٹن کے مقام پر یونٹ قائم کیا گیا اور سمر کیمپ کا انعقاد بھی کیا گیا۔موضوعاتِ درس میں فقہی احکام،معرفت امام زمانہ علیہ السلام، بنیادی عقائد و نظریات،حفظ سورہ الفجر و احادیث شامل تھے۔

فرائض تدریس محترمہ حنا تقوی سیکرٹری جنرل مجلس وحدت مسلمین شعبہ خواتین لاہور،محترمہ عظمیٰ نقوی ڈپٹی سیکرٹری جنرل، محترمہ فرحانہ سیکرٹری شعبہ تعلیم اور محترمہ نجبہ سیکرٹری شعبہ تربیت نے سرانجام دیےخواتین کے کردار پر گفتگو کرتے ہوئے محترمہ حنا تقوی کا کہنا تھا کہ دنیا میں معاشرتی اصلاح  یا احیاۓترویج  مذہب کی کوئی بھی تحریک خواتین کی شمولیت کے بغیر کامیاب نہیں ہوسکتی کیونکہ وہ ان افراد کی تربیت کرتی ہیں جن سے مستقبل کا معاشرہ تشکیل پاتا ہے۔ محترمہ عظمیٰ نقوی نے یونٹ اراکین کو تنظیم کے منشور سے آگاہ کیا۔

وحدت نیوز(لاہور) مجلس وحدت مسلمین پاکستان ضلع سینٹرل لاہور کی کابینہ کی حلف برداری وحدت ہاوس پنجاب میں ہوئی اس موقعہ پر صوبائی ڈپٹی سیکرٹری جنرل علامہ محمد اقبال کامرانی نے کابینہ کا اعلان کیا اور نامزد کابینہ سے حلف لیا ، حلف اٹھانے والوں میں آرگنائزر علی عمران شیخ ، سید عقیل نقوی ، شعیب جعفری ، خرم زیدی ، ریحان علی ، نقی مہدی ، سید فرقان  حیدر  رضوی ، ارشاد رضوی ، سید فصاحت بخاری ، سید علی رضا گیلانی ، سید اطہر نقوی شامل تھے  حلف برداری کی تقریب میں سابق صوبائی سیکرٹری جنرل علامہ سید مبارک علی موسوی ، سید حسین زیدی ، رائے ناصر علی ،باقر حسین بھٹی نے بھی شرکت کی کابینہ کے شعبہ جات کا اعلان جلد کر دیا جائے گا۔

وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے وزیر ستان اور تربت میں سکیورٹی فورسزپر دہشت گردوں کے حملے کی سخت الفاظ میں مذمت کی ہے ۔ مرکزی سیکریٹریٹ سے جاری اپنے بیان میں انہوں نے کہاکہ دونوں دہشت گرد حملوں میں پاک فوج کے 10 جوانوں نے جام شہادت نوش کیا۔مادر وطن پر اپنی قیمتی جانیں قربان کرنے والے تمام شہداءکو خراج تحسین پیش کرتے ہیں ۔

انہوں نے کہاکہ پاکستان کو اس وقت بارڈر کے اندر اور باہر دونوں جانب سے شدید خطرات کا سامناہے ۔ داعش کا منحوس سایہ ہماری سرحدوں پر منڈلارہا ہے ۔ پاکستان کے غیور عوام اپنے مسلح افواج کے شانہ بشانہ تمام خطرات کا مقابلہ کرنے کیلئے تیارہیں ۔ پاکستان کا دفاع مضبوط ہاتھوں میں ۔ بزدل دشمن پیچھے سے وار کرکے بہادری کے دعوے کرتا ہے ۔ بھارت اور این ڈی ایس پاکستان کو عدم استحکام سے دوچار کرنے کے درپہ ہیں ۔

وحدت نیوز (اسلام آباد) وفاقی وزارت مذہبی امور نے حج پالیسی کی طرح زیارات مقامات مقدسہ کیلئےزیارات پالیسی پر کام شروع کر دیا ہے۔ اس سلسلے میں وفاقی وزراء اور شیعہ علما و عمائدین کاباضابطہ مشاورتی اجلاس وزارت مذہبی امور کے دفترمیں منعقدہوا۔تفصیلات کے مطابق زیارات پالیسی کے تحت حج عمرہ کی طرز پر ٹوور آپریٹرز ماڈل برائے زائرین تیار کیا جائے گا۔ زیارات پالیسی کی حج 2019ء کے بعد کابینہ سے منظوری لی جائے گی۔وزارت مذہبی امور کے ذرائع کا کہنا ہے کہ پالیسی مرتب کرنے کا فیصلہ وفاقی وزیر مذہبی امور پیر نور الحق قادری کی زیر صدارت اجلاس میں ہوا۔

سربراہ مجلس وحدت مسلمین پاکستان علامہ راجہ ناصر عباس جعفری نے شرکائے اجلاس کے سامنےمسائل کے حل کیلئے لانگ ٹرم پالیسی کے نکات پیش کرتےہوئے کہاکہ وائس آف کاروان سالار، بلوچستان شیعہ کانفرنس، سندھ خیبرپختونخواکی مختلف تنظیمات سے مشاورت کے بعد ایک پالیسی دستاویزتشکیل دی ہے جسے وفاقی وزارت مذہبی امور کے حوالے کردیا گیا ہے ۔

لانگ ٹرم پالیسی پر پیش رفت میں وقت درکار ہے جبکہ محرم اور صفر ایک ماہ کا قلیل وقت رہ گیاہے لہذٰا شارٹ ٹرم پالیسی کے تحت کچھ ہنگامی اقدامات کرنا ضروری ہیں ، سب سے پہلے وزارت مذہبی امور کے تحت بنائی گئی امور زائرین کمیٹی کو فوری طور پر ختم کیا جائے جس سے وفاق المدارس الشیعہ پہلے ہی علیحدگی اختیارکرچکاہے ۔ اس کمیٹی کے خاتمے کے ساتھ ہی پرانے نظام کو دوبارہ نافذالعمل کیا جائے ۔ دوسرے صوبوں سے زیارت کیلئے جانے والے زائرین سے بلوچستان میں داخلے پر این او سی کا قانون ختم کیا جائے، بلوچستان بھی پاکستان کا حصہ ہےاور اپنے ہی ملک کے ایک صوبے سے دوسرے صوبے میں جانے کیلئے کسی این او سی کی ضرورت نہیں ہے۔

انہوں نےمزید کہا کہ کوئٹہ سے تفتان تک 635 کلومیٹر کا راستہ ہے جس میں کسی قسم کی کوئی سہولت میسر نہیں، زائرین کو نماز، استراحت اور بیت الخلا ءکی سہولیات فراہم کی جائیں۔علامہ ناصر عباس جعفری نے کہا کہ کانوائے کی تعداد میں اضافہ کیا جائے تاکہ زائرین کو کوئٹہ اور تفتان میں لمبے عرصے تک قیام کی تکلیف نہ اٹھانی پڑے۔اس پر حکام نے یقین دہانی کروائی کہ انشاءاللہ کوئٹہ تفتان روٹ پر ہر 150سے 200کلومیٹر کے فاصلے پر استراحت گاہیں اور ہوٹل قائم کیئے جائیں گے ۔

سربراہ مجلس وحدت مسلمین نے کہا کہ بغداد میں موجود پاکستانی سفارتخانے کے عملے کو نجف یا کربلا مین تعینات کیا جائے تاکہ زیارات کے دوران جن زائرین کے پاسپورٹ گم ہوجاتے ہیں انہیں اپنے ملک واپس آنے کیلئے فوری دستاویزات فراہم کی جاسکیں۔انہوں نے حکومتی نمائندوں سے کہا کہ جو لوگ تفتان بارڈر پر دوران اربعین کیمپ (موکب)لگانا چاہتے ہیں انہیں این او سیز جاری کی جائیں اورعراق میں موکب کیلئے ادویات لے جانےوالے افراد کو سہولیات فراہم کی جائیں۔

حکام نے کہاکہ ڈی جی حج کی طرح ڈی جی زیارات تعینات کیاجائے گا۔پہلے سے موجود زیارت ڈیکس کو مزید وسعت دی جائے گی۔زیارت ڈیکس کے تحت ڈائریکٹر جنرل کی کربلا میں تعیناتی جبکہ مشہد اور نجف میں زیارتی آفیسرز تعینات کیئے جائیں گے۔کربلا میں پاکستان ہاؤس کی فوری تعمیر کا کام شروع کیا جائے گا۔حج کے موقع پر مکہ اور مدینہ میں قائم حج مشن کی طرز پر ایران ، عراق اور شام میں زائرین مشن قائم کیئے جائیں گے۔ زائرین کی آمد ورفت کیلئے ٹرین ، بس ، فیری اور ہوائی جہاز کے ذرائع کا موثر استعمال یقینی بنایا جائے گا۔

وزارت مذہبی امور نے کہاکہ کوئٹہ میں موجود حاجی کیمپ کو زائرین کیلئےکھولا جائے کیونکہ حج کے علاوہ یہ پورا سال بند رہتا ہے۔اس پر علامہ راجہ ناصرعباس جعفری نے کہاکہ حاجی کیمپ کوئٹہ شہر سے باہر ہونے کے باعث وہاں کھانے پینے اور دیگر ضروریات زندگی کی سہولیات کا فقدان ہے لہٰذا وہاں ایک مارکیٹ کا قیام عمل میں لایا جائے تاکہ زائرین کو کوئی مشکل پیش نا آئے ۔

اجلاس میں ایران اور عراق زیارتوں کی پالیسی کے خدوخال پر ایڈیشنل سیکرٹری وزارت مذہبی امور نے بریفنگ دی۔ اجلاس کے شرکاء کو بریفنگ میں بتایا گیا کہ زیارات میں حضرت امام رضاؑ، حضرت امام حسینؑ، امام عبدالقادر جیلانی، امام ابو حنیفہ، بہاالدین نقشبندی بخاری کے مزارات شامل ہیں۔وزارت مذہبی امور کے حکام نے اجلاس کے شرکاء کو بتایا کہ سال میں تقریباً6لاکھ سے زائد زائرین ایران ،عراق جاتے ہیں۔

 ایڈیشنل سیکرٹری وزارت مذہبی امور نےمزید کہاکہ وزارت مذہبی امور کےماتحت زائرین ڈیسک 1979سے فعال ہے جوکہ پاکستا ن اور ہندوستان کے درمیان ایک معاہدے کے تحت تشکیل دی گئی تھی جس کے تحت ہر سال ہندو، مسلم اور سکھ یاتری پاکستان اور ہندوستان کے مختلف مقدس مقامات کی زیارت پر جاتے ہیں ۔

اس موقع پر پیر نور الحق قادری نے کہا کہ اس سال ایران، عراق جانے والے زائرین کے لئےزیارات پالیسی کی حج کے فوری بعد وفاقی کابینہ سے منظوری لی جائے گی۔ وفاقی وزیر برائے مذہبی امور نے کہا کہ امسال زائرین ایران وعراق حج عمرہ کی مانند زیارات پر جائیں گے۔ حکومت زائرین کو مکمل سہولیات اور سکیورٹی فراہم کرے گی۔پالیسی کی تشکیل کے سلسلے میں شیعہ علمائے کرام کے ساتھ ملکر زیارات پالیسی مرتب کی جائے گی۔

 زیارات پالیسی کی تشکیل کے لئے منعقدہ مشاورتی اجلاس میں وزیراعظم کے مشیر برائے اوورسیز پاکستانی زلفی بخاری ،پارلیمانی سیکریٹری برائے مذہبی امور آفتاب جہانگیر ، وفاقی سیکرٹری محمد مشتاق احمد،علامہ امین شہیدی، علامہ عارف واحدی ،علامہ محمد حسین اکبر، غضنفر مہدی،سید محسن شہریار نے شرکت کی۔

وحدت نیوز(لاہور) مجلس وحدت مسلمین شعبہ خواتین لاہور کی جانب سے حسن ٹاؤن کے مقام پر پہلے سے قائم شدہ یونٹ میں تقریب حلف برداری کا انعقاد کیا گیا کیا۔ محترمہ حنا تقوی سیکرٹری جنرل ایم ڈبلیو ایم شعبہ خواتین لاہور نے یونٹ اراکین سے حلف لیا اس موقعے پر محترمہ عظمیٰ نقوی ڈپٹی سیکرٹری جنرل بھی ہمراہ موجود تھیں۔ضلع کے باقی یونٹس کی طرح  حسن ٹاؤن یونٹ میں بھی دینی و تربیتی سمر کیمپ کا کا انعقاد کیا گیا۔ ضلعی مسئولین نے اس کیمپ میں مختلف دینی و فقہی موضوعات پر درس و تدریس کی خدمات انجام دیں۔

معرفتِ امام زمانہ علیہ السلام پر گفتگو کرتے ہوئے محترمہ حنا تقوی کا کہنا تھا کہ صاحب العصر عج رفیع الشان شخصیت کی معرفتِ کاملہ ہر کس و ناکس کے لئے ممکن نہیں ہے تاہم ہر نام لیوا کے لئے ضروری ہے کہ وہ بقدر ظرف و بساط اپنے امام سے واقف ہو۔بصورتِ دیگر اس کی زندگی جہل پر مبنی ہو گی اور اس کی موت بھی جہالت کی موت ہو گی۔محترمہ عظمیٰ نقوی نے اراکین یونٹ کی حوصلہ افزائی کی اور سمر کیمپ کے کامیاب انعقاد پر مبارکباد پیش کی۔

وحدت نیوز(فیصل آباد) آئی ایس او طالبات فیصل آباد کی جانب سے منعقدہ سمر کیمپ کے دوسرے روز مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے مھدویت کے موضوع پر اپنا دوسرا لیکچر دیا۔ انھوں نے کہا کہ ہم جس دور میں زندگی بسر کر رہے ہیں اگر اپنے وقت کے امام ع کی معرفت حاصل نہ کی اور انتظار و ظھور کے تقاضوں کو پورا نہ کیا تو جہالت و پستی میں غرق رہینگے۔

 انھوں نے قائد شھید علامہ عارف حسینیؒ کی اکتیسویں برسی کی مناسبت سے ناصران ولایت کانفرنس میں شرکت کی دعوت دیتے ہوۓ کہا شھید قائد عارف حسینیؒ امام زمانہ کے سچے پیرو تھے جنھوں نے اپنے عمل اور قوم و ملت کے لیے انتھک محنت اور خلوص سے اپنے فرائض سر انجام دیے اور منزل شہادت پر فائز ہوے آپؒ نے میدان عمل میں ثابت کر دکھایا کہ منتظرِ حقیقی کو کن اصولوں کے تحت زندگی گزارنی چاہیئے۔