وحدت نیوز(کراچی) مجلس وحدت مسلمین صوبہ سندھ کےڈپٹی سیکریٹری جنرل سید علی حسین نقوی نے تمام ضلعی ذمہ داران و کارکنان سے گذارش کی ہے کہ مون سون کی بارشوں کے سبب جہاں بھی عوام کسی دشواری میں مبتلا ہوں تو عوام کی بلا تفریق مدد کے لیے آگے بڑھیں اور صوبائی مسئولین کو بھی مسائل سے آگاہ کریں تاکہ ہم سے جو ممکن ھوسکے ہم سب دوست مل کر وہ خدمت کرسکیں۔

 انہوںنےمزیدکہاکہ صوبائی حکومت سے ہمیں کسی بھی قسم کی عوامی ریلیف کی کوئی امید نہیں، ہمیں اپنی مدد آپ کے تحت عوام کے مسائل کرنے کی کوشش کرنی ہے۔ انشاءاللہ ہمارےخلوص نیت کے سبب اللہ ھماری مدد فرمائے گا اور اسباب پیدا فرمائے گا۔ عوام کو ہم نے مشکل وقت میں تنہا نہیں چھوڑنا ہے ،جہاں ہم صوبائی مسئولین کی ضرورت ھو ہم دوستوں کی خدمت کے لیئے حاضر ہیں۔

وحدت نیوز(کراچی) بارش کے بعدشہرقائد کی موجودہ بدترین صورتحال کی ذمہ دار پاکستان پیپلز پارٹی اور متحدہ قومی موومنٹ ہیں۔ گذشتہ تین دہائیوں سے حکومت میں رهنے والی ان دونوں جماعتوں کی کرپشن اور نااہلی کی وجہ شھر کو بدترین حالات کا سامنا ہے۔دوروز کی بارش نے تمام حکومتی دعووں کی قلعی کھول دی ہے ۔ ان خیالات کااظہار مجلس وحدت مسلمین کراچی ڈویژن کے ڈپٹی سیکریٹری جنرل علامہ مبشر حسن نے وحدت ہاؤس کراچی سے میڈیا کو جاری بیان میں کیا۔

انہوںنے کہاکہ بارش کی پیشگی اطلاع کے باوجود سندھ حکومت اور شہری حکومت نے بروقت اقدامات نہیں کیئے ۔ مختلف علاقوں خصوصاًملیر ، لانڈھی ،کورنگی اور دیگرمیں نالوں کی صفائی کے بعد گندا فضلہ سڑکوں پر چھوڑ دیا گیا جوکہ شدید بارش کے بعد واپس نالوں میں رہائشی مکانات میں داخل ہوگیا ہے ۔ اس حکومتی نااہلی کے سبب وبائی امراض پھیلنے کے شدید خطرات لاحق ہوچکے ہیں ۔

ان کا مزیدکہاتھاکہ شہر میں نکاسی آب کا موثر نظام نا ہونے کےسبب شہر میں جگہ جگہ برساتی پانی کھڑا ہے جس سے شہریوں کو آمد ورفت میں شدید دشواری لاحق ہے ۔ 70برس گزرجانے کے باوجود ہماری بلدیاتی ادارے بارشوں کے بعد کی صورت حال کامقابلہ کرنے کی صلاحیت سے محروم ہیں ۔اربوں روپے کے بجٹ ہڑپ کرجانے والی حکومتیں شہریوں کو بنیادی سہولیات فراہم کرنے کی بھی اہلیت نہیں رکھتیں ۔

وحدت نیوز(سکردو) ایم ڈبلیو ایم گلگت بلتستان صوبائی سکریٹری جنرل سید علی رضوی نے کہا ہے کہ سکردو حلقہ 1، حلقہ 2 اور 3 کی باتیں کرنا مناسب نہیں، جو لوگ اختلافی باتیں کرتے ہیں ان پر کڑی نگاہ رکھی جانی چاہیئے، سکردو ہم سب کا چہرہ ہے، اس کی خوبصورتی بھی ہم سب کی بنیادی ذمہ داری ہے، الگ الگ گروپس بنانے سے ہماری طاقت تقسیم ہو گی اور ہم منتشر ہو کر رہ جائیں گے۔ تینوں حلقوں کے عوام اپنے مشترکہ مفادات کے تحفظ کیلئے متحد ہو جائیں، غیر سنجیدہ قدم اٹھایا گیا تو مستقبل میں پریشانیاں بڑھیں گی بعض قوتیں ہماری وحدت کو تقسیم کر کے ہماری زمینوں پر قبضہ کرنا چاہتی ہیں، ایسے میں ہمیں اپنے اردگرد کے ماحول پر نظر رکھنا ہو گی۔ سکردو میں میڈیا سے بات چیت کرتے ہوئے انہوں نے کہا کہ میں پچھلے کئی روز سے مسلسل سوشل میڈیا کو فالو کررہا ہوں کچھ پوسٹ اور کمنٹس دیکھ کر بہت ہی صدمہ پہنچا اور میڈیا سے بات کرنے پر مجبور ہوگیا بہت ساری آئی ڈیز ایسی ہیں جہاں سے صرف اختلافی پوسٹ شیئر ہوتی ہیں۔

سید علی رضوی کا مزید کہنا تھا کہ لہذا ہمیں ایسی آئی ڈیز پر کڑی نظر رکھنا ہو گی، یہاں یہ بات قابل ذکر اور قابل تقلید ہے کہ سنجیدہ لوگ اختلافی باتیں کرنے والوں کو سمجھاتے نظر آتے ہیں۔ انہوں نے کہا کہ سوشل میڈیا کے ٹول کو اچھے مقاصد کیلئے استعمال کیا گیا تو مسائل کے حل میں مدد ملے گی ورنہ علاقے میں تباہی آئےگی۔ انہوں نے کہا کہ الیکشن لڑنے والے کچھ لوگوں کا مقصد اتحاد نہیں بلکہ ذاتی مفاد ہوتا ہے، انہیں عوام کے اتحاد سے کوئی دلچسپی نہیں ہوتی ہے بلکہ وہ اپنے چیلوں کے ذریعے  اتحاد کو پارہ پارہ کرنے کی کوشش کریں گے، اس لیئے عوام کو اپنی صفوں میں اتحاد کو برقرار رکھنے کی ضرورت ہے۔ انہوں نے کہا کہ سکردو کے مشترکہ مفادات کے تحفظ کیلئے تینوں حلقوں کے سنجیدہ پڑھے لکھے لوگوں پر مشتمل ایک تھنک ٹینک بنانے کی  ضرورت ہے۔ اگر تھنک ٹینک بنانے میں ہم کامیاب ہوئے تو بڑے مسائل حل ہونگے۔

وحدت نیوز(لاہور) مجلس وحدت مسلمین پاکستان کے سربراہ علامہ راجہ ناصر عباس کا کہنا ہے کہ اتحاد اور وحدت کا فروغ ہمارا منشور ہے، امام خمینی نے بھی تمام مکاتب فکر کو اتحاد کی دعوت دی اور اسی وحدت کی بدولت ایران میں انقلاب برپا ہوا۔ وہ لاہور میں ایم ڈبلیو ایم شعبہ خواتین کے زیراہتمام تقریب تقسیم انعامات سے خطاب کر رہے تھے۔ تقریب میں ایم ڈبلیو ایم شعبہ خواتین کی سربراہ، رکن پنجاب اسمبلی سیدہ زہرا نقوی بھی موجود تھیں۔

 علامہ راجہ ناصر عباس جعفری نے کہا کہ ایم ڈبلیو ایم خواتین کی تربیت پر بھی خصوصی توجہ دے رہی ہے، کیونکہ ایک عورت کی تربیت پورے خاندان کی تربیت ہے اور تربیتی ورکشاپس کا یہ سلسلہ لاہور سے باہر دیگر اضلاع تک بھی پھیلا دیا جائے گا۔ انہوں نے کہا کہ اصلاح کا کام اپنی ذات سے شروع کریں، جس نے اپنی اصلاح کر لی اس نے معاشرے کی اصلاح کر لی۔

انہوں نے قائد شہید علامہ عارف حسین الحسینی کی برسی کے حوالے سے کہا کہ اسلام آباد کے پریڈ ایونیو میں شاندار اور تاریخی اجتماع ہوگا، جس میں ملک بھر سے عاشقان حسینی شریک ہوں گے۔ انہوں نے کہا کہ شہید قائد ؒ کے اسلوب و روش پر چلتے ہوئے مجلس وحدت مسلمین آج بھی رہبر معظم انقلاب آیت اللہ خامنہ ای حفظہ اللہ کی زیر قیادت عالمی استعماری قوتوں کے ناپاک عزائم کے مقابل میدان عمل میں ڈٹی ہوئی ہے، غیبت امام زمانؑ میں ولی فقیہ اور مراجعین کا کرادر انتہائی اہمیت کا حامل ہے۔

انہوں نے کہا کہ تاریخ گواہ ہے کہ داعش جیسے وحشی گروہ کے مقابل آئمہ اطہارؑ کے مزارات مقدسہ اور اتبات عالیہ کا تحفظ اور دفاع ولی امر مسلمین آیت اللہ خامنہ ای اور دیگر مراجعین کی بابصیرت قیادت کی بدولت ہی ممکن ہوا۔

انہوں نے کہا کہ برسی میں بھرپور شرکت یقینی بنائیں، تاکہ وحدت کا اظہار ہوسکے، ہمیں فرقہ واریت کی حوصلہ شکنی کرنا ہوگی، فرقوں سے قوم کا بہت نقصان ہوا ہے، ملت اسلامیہ کو سب سے زیادہ نقصان فرقہ واریت نے پہنچایا ہے۔ انہوں نے مزید کہا کہ نظام ولایت مکتب تشیع کے درمیان نقطہ وحدت ہے۔ اسلام کو دین و سیاست کی جدائی نے نقصان پہنچایا۔ ہماری خوش قسمتی ہے کہ ہمارے ہادی و امام ہدایت اور حکومت سمیت وادیوں میں کامل ہیں۔ محراب و ممبر کو مکتب سیاست دین الہیہ کی ترویج کیلئے استعمال کیا جاتا تو آج ہمارے اجتماعی حقوق غصب نہ ہوتے۔ انہوں نے کہا کہ ان شاء اللہ ایم ڈبلیو ایم شہید قائد کی یاد کو زندہ رکھتے ہوئے سالہائے گذشتہ کی طرح اس سال بھی شہید کی 31ویں برسی کو شایان شان انداز میں منائے گی۔

وحدت نیوز(جیکب آباد) مجلس وحدت مسلمین ضلع جیکب آباد کے زیراہتمام نائیجیریا میں جاری ظلم و بربریت کے خلاف احتجاجی مظاہرہ کیا گیا اس موقع پر خطاب کرتے ہوئے مجلس وحدت مسلمین پاکستان کے مرکزی ترجمان  مقصود علی ڈومکی نے کہا ہے کہ دنیا نائیجیریا میں جاری انسانیت سوز مظالم کا نوٹس لے کیونکہ بہاری حکومت نے جس طرح معصوم انسانوں کا قتل عام کیا ہے اورپرامن شہریوں پر گولیاں چلائی ہیں اس سے انسانیت کا سر شرم سے جھک گیا ہے۔                  

انہوں نے کہا کہ ابراہیم زکزاکی کی حمایت عالم انسانیت پر فرض اور قرض ہے۔ یہی سبب ہے کہ عالم انسانیت اس فرض اور قرض کی ادائیگی کے لئے دنیا بھر میں سراپا احتجاج بن چکی ہے۔ لندن،نیویارک انڈونیشیا سے لے کر پاکستان تک کروڑوں انسان حضرت بلال حبشی ؓ کے اس حقیقی پیرو کی حمایت میں صدائے احتجاج بلند کر رہے ہیں۔ زکزاکی کسی ایک سرزمین کے ہی نہیں اب ایک عالمی لیڈر کا درجہ رکھتے ہیں۔ دنیا کے با ضمیر انسان زکزاکی خاندان اور ان کے ساتھیوں کے لہو کے ہر قطرے کا ظالموں سے جواب لیں گے۔

انہوںنے مزیدکہاکہ چند روز قبل ایک بار پھر نائیجریا میں نائیجیرین پارلیمنٹ کے سامنے اور ملک کی شاہراہوں پر جس طرح پرامن مظاہرین پر گولیاں چلائی گئیں اس نے عصر حاضر کے یزید و حرملا کا چہرا دنیا کے سامنے بے نقاب کر دیا۔ اس موقع پر ایم ڈبلیو ایم کے رھنما مولانا حسن رضا غدیری ضلعی قائم مقام سیکرٹری جنرل مولانا منور حسین سولنگی مولانا ارشاد علی انقلابی آئی ایس او کے ڈویژن صدر اللہ بخش میرالی نے بھی خطاب کیا۔

وحدت نیوز(اسلام آباد) راولپنڈی اسلام آباد کے درجنوں آئمہ جمعہ والجماعت کا مجلس وحدت مسلمین کے تحت شہید قائد عارف الحسینیؒ کی برسی کے موقع پر منعقدناصران ولایت کانفرنس کی حمایت کا اعلان ۔علمائے کرام اور متولیان مساجد وامام بارگاہوں کا ناصران ولایت کانفرنس میں بھرپور عوامی شرکت کا عزم ۔

تفصیلات کے مطابق راولپنڈی اسلام آباد کے تین درجن سے زائد علمائے کرام اور بانیان ومتولیان مساجد وامام بارگاہوں نے علامہ راجہ ناصرعباس جعفری کی دعوت پر ایم ڈبلیوایم کے مرکزی سیکریٹریٹ میں ظہرانے میں شرکت کی ۔ علمائے کرام اور معززین کے اس وفدمیں امام جمعہ جی سکس اسلام آباد جناب علامہ طاہرعباس ، امام جمعہ یادگار حسین جناب علامہ اعجاز حسین موسوی ، امام جمعہ مسجد امام محمد باقرؑ جی 13 اسلام آباد و مدرس جامعہ کوثر جناب علامہ عقیل اصغر کاظمی،پیش امام دربار بری امام جناب علامہ سید سجاد حسین نقوی ،امام جمعہ علی مسجد بھارہ کہو جناب ڈاکٹرمحمد حسنین نادر،امام جمعہ علی پور فراش جناب مولانا ظہیر سبزواری صاحب،  امام جمعہ سوان گارڈن اسلام آباد جناب علامہ محمد شریف ، امام جمعہ جناب علامہ نور عباس ، امام جمعہ ڈھوک رتہ جناب علامہ علی اکبر کاظمی ،امام جمعہ و جماعت جناب علامہ اکبر علی صادقی اوراس کے علاوہ چھبیس خطیب و آئمہ جمعہ والجماعت راولپنڈی ، اسلام آبادشریک تھے ۔

علامہ راجہ ناصرعباس جعفری نے علمائے کرام سے گفتگو کرتے ہوئے شہید قائدؒ عظیم تحریکی جدوجہد اور امام خمینیؒ سے دیرینہ تعلق پر روشنی ڈالتے ہوئے کہاکہ شہید قائد نے مظلوموں کی حمایت کی تحریک کو امام خمینی کی قیادت میں عالمی تحریکوں سے وابستہ کیا۔شہید قائد ولایت تکوینی پر کامل ایمان رکھتے تھے۔

شہید قائد ؒ کے اسلوب وروش پر چلتے ہوئے مجلس وحدت مسلمین آج بھی رہبر معظم انقلاب آیت اللہ خامنہ ای حفظہ اللہ کی زیر قیادت عالمی استعماری قوتوں کے ناپاک عزائم کے مقابل میدان عمل میں ڈٹی ہوئی ہے ۔ غیبت امام زمان ؑمیں ولی فقیہ اور مراجعین کا کرادر انتہائی اہمیت کا حامل ہے ۔تاریخ گواہ ہے کہ داعش جیسے وحشی گروہ کے مقابل آئمہ اطہارؑ کے مزارات مقدسہ اور اتبات عالیہ کا تحفظ اور دفاع ولی امر مسلمین آیت اللہ خامنہ ای اور دیگر مراجعین کی بابصیرت قیادت کی بدولت ہی ممکن ہوا۔

انہوں نے مزیدکہاکہ نظام ولایت مکتب تشیع کے درمیان نقطہ وحدت ہے۔ اسلام کو دین و سیاست کی جدائی نے نقصان پہنچایا۔ہماری خوش قسمتی ہے کہ ہمارے ہادی وامام ہدایت اور حکومت سمیت وادیوں میں کامل ہیں ۔ محراب وممبر کو مکتب سیاست دین الہیہ کی ترویج کیلئے استعمال کیا جاتا توآج ہمارے اجتماعی حقوق غصب نا ہوتے۔انہوںنے کہاکہ انشاءاللہ ایم ڈبلیوایم شہید قائد کی یاد کوزندہ رکھتے ہوئے سالہائے گزشتہ کی طرح اس سال بھی شہید کی 31ویں برسی کو شایان شان اندازمیں منائے گی ۔ امید ہے کہ آپ تمام علمائے کرام اور معززین خود بھی اس عظیم الشان اجتماع میں بھرپور شرکت کریں گے اور عوام کو بھی دعوت دیں گے۔