وحدت نیوز( کندھ کوٹ) وحدت یوتھ پاکستان لاڑکانہ ڈویژن تحصیل کندھ کوٹ کی جانب سے مدرسہ ارشاد الثقلین کندھ کوٹ میں مجلس وحدت مسلمین ضلع کشمور ایٹ کندھ کوٹ اور وحدت یوتھ تحصیل کندھ کوٹ کی کابینہ کا اہم اجلاس منعقد ہوا ، اجلاس کی صدارت وحدت یوتھ لاڑکانہ ڈویژن کے ڈویژنل سیکرٹری تنظیم سازی برادر راجہ پرویز علی کربلائی نے کی۔
اجلاس میں وحدت یوتھ تحصیل کندھ کوٹ کے تحصیل صدر غلام مرتضیٰ جنرل سیکریٹری زوار زبیر احمد, سیکریٹری تنظیم سازی وحید حسین کربلائی ، سیکریٹری میڈیا سیل یوسف عباس، و دیگر اراکینِ کابینہ نے شرکت کی ، اجلاس میں وحدت یوتھ کی فعالیت اور ڈویژنل کنونشن اور تحصیل کنونشن و دیگر مختلف تنظیمی امور پر تفصیلی گفتگو کی -
اجلاس میں مجلس وحدت مسلمین پاکستان ضلع کشمور کے ضلعی صدر میر فائق علی جکھرانی ضلعی جنرل سیکرٹری میر نجم دین جکھرانی ضلعی فلا و بہبود ڈاکٹر احسان علی شیخ ضلعی فنانس سیکرٹری عبداللہ چاچر کی خصوصی شرکت اور وحدت یوتھ تحصیل کندھ کوٹ کے کابینہ سے تفصیلی گفتگو کی۔
