وحدت نیوز(لاہور) وحدت یوتھ لاہور ڈویژن کا سالانہ ڈویژنل کنونشن بعنوان "میراثِ کربلا" بی بی پاکدامن لاہور میں شایانِ شان انداز میں منعقد ہوا۔اس موقع پر مرکزی نائب صدر وحدت یوتھ پاکستان مولانا راجہ مصطفیٰ حیدر، مرکزی سیکرٹری سیاسیات مجلس وحدت مسلمین پاکستان سید اسد نقوی، اور صوبائی رہنما علامہ ظہیر کربلائی نے خصوصی شرکت کی اور فکر انگیز خطابات کیے۔
کنونشن میں لاہور ڈویژن کی کابینہ، مختلف ٹاؤنز کے نمائندگان اور کارکنان نے بھرپور شرکت کی۔ شرکاء کی اکثریتی رائے سے برادر نقی حیدر کو ایک مرتبہ پھر ڈویژنل صدر وحدت یوتھ پاکستان لاہور ڈویژن منتخب کر لیا گیا۔
