وحدت نیوز(ملتان) مجلس وحدت مسلمین ملتان کا اجلاس جامعہ خدیجة الکبری میں منعقد ہوا، اجلاس کی صدارت صوبائی آرگنائزر علامہ قاضی نادر حسین علوی نے کی، اجلاس میں صوبائی ورکنگ کمیٹی کے اراکین مولانا سید فرخ مہدی، سید ندیم کاظمی، جواد رضا جعفری، ثقلین نقوی، سابق صوبائی رہنما سید وسیم زیدی، حسنین عباس انصاری، فہیم جعفر ایڈووکیٹ، عون رضا انجم ایڈووکیٹ، مولانا غلام جعفر انصاری، مولانا غلام عباس نقوی، ثقلین نقوی، عاصم نقوی، عترت کاظمی، اظہر جوئیہ، تنویر عباس، علی اکبر کاظمی، عاشق حسین، امجد جعفری، صفدر جعفری، رانا فیضان الحسینی، باقر صدیقی، حسن رضا، ملک عمران حیدر، ڈاکٹر شبیر حسین، مبارک شاہ سمیت ملتان کے مختلف علاقوں سے نمائندوں نے شرکت کی۔
اجلاس میں صوبائی سیکرٹری جنرل عزاداری ونگ جنوبی پنجاب عون رضا انجم ایڈووکیٹ کو ملتان کا نیا ضلعی آرگنائزر نامزد کیا گیا، عون رضا انجم ایڈووکیٹ اس سے قبل ضلع اور صوبہ میں مختلف ذمہ داریوں پر کام کر چکے ہیں، اجلاس سے خطاب کرتے ہوئے نامزد ضلعی آرگنائزر عون رضا انجم نے کہا کہ تنظیم کی جانب سے جو ذمہ داری دی گئی ہے اسے پورا کرنے کی کوشش کروں گا۔ اس وقت امت مسلمہ کے درمیان اتحاد و اتفاق کی اشد ضرورت ہے، ہمیں اپنے اتحاد سے پاکستان اور عالم کو مضبوط کرنا ہے، قائد وحدت علامہ راجہ ناصر عباس جعفری کی قیادت میں مظلوموں کی حمایت اور ملک کی ترقی و خوشحالی کے لیے اپنا کردار ادا کریں گے۔
