The Latest

وحدت نیوز(سکھر) مجلس وحدت مسلمین ضلع سکھر شعبہ خواتین کے زیر اہتمام آٹھویں سالانہ عظیم الشان عظمت سیدہ فاطمہ زہرا سلام اللہ علیہا کانفرنس مھران کلچرل سنٹر سکھر میں منعقد ہوئی جس میں خصوصی خطاب مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی، مرکزی سیکریٹری جنرل شعبہ خواتین وممبر پنجاب اسمبلی سیدہ زہرا نقوی ،سیکریٹری جنرل صوبہ سندھ علامہ سید باقرعباس زیدی نےخطاب کیا، جبکہ بین الاقوامی شہرت یافتہ منقبت خواں سید فرحان علی وارث نے نذرانہ عقیدت پیش کیا، ضلعی سیکریٹری جنرل مجلس وحدت مسلمین ضلع سکھر چوہدری اظہر حسن نےمعزز مہمانان گرامی اور بہترین کارکردگی کا مظاہرہ کرنے والی خواتین ومرد کارکنان میں اعزازی شیلڈز تقسیم کیں۔

وحدت نیوز(گلگت)مجلس وحدت مسلمین شعبہ خواتین مرکزی شعبہ یوتھ کی جانب سے گلگت میں عالمی یوم مادر کے عنوان سے جشن ولادت جناب فاطمتہ الزہرا سلام اللہ علیھا کا انعقاد کیا گیا ۔

 سابقہ ڈپٹی سیکرٹری جنرل ایم ڈبلیو ایم شعبہ خواتین گلگت و ذاکرہ اہلبیت محترمہ طاہرہ بتول ، جامعہ خدیجتہ الکبری کی پرنسپل محترمہ رباب فاطمہ اور مرکزی سیکرٹری یوتھ مجلس وحدت مسلمین شعبہ خواتین محترمہ سائرہ ابراہیم نے تقریب سے خطاب کیا۔

 اس تقریب میں اساتذہ ، ذاکرات اور مختلف شعبہ ہاے زندگی سے تعلق رکھنے والی خواتین نے بھرپور شرکت کی اور ایم ڈبلیو ایم شعبہ خواتین کی کاوشوں کو سراہا ۔

وحدت نیوز(گلگت) گلگت حلقہ 3  دنیور جامعہ خدیجتہ الکبری میں بارونق جشن ولادت بی بی فاطمہ الزہرا س کے پروگرام سے مرکزی  سیکریٹری یوتھ مجلس وحدت مسلمین شعبہ خواتین نے خطاب کرتے ہوئے کہا کے اگر آج کی خواتین بی بی س کی زندگی کا کوئی ایک پہلو بھی اپنا لیں تو اپنی دنیا اور آخرت سنوار سکتی ہیں۔

 انہوں نے کہا کے آج ہمارے اندر سے برادشت کا مادہ ختم ہو چکا ہے سب سے پہلے  اصلاح نفس کرنا اور پھر معاشرہ سازی کے عمل کے لیے اپنے اندر قوت برداشت اور تحمل پیدا ضروری ہے  انہوں نے کہا کے فاطمی روپ ہی آج کی عورت کے لئےنجات  کا باعث ہے پروگرام سے جامعہ کی پرنسپل خانم رباب نے بھی خطاب کیا۔

وحدت نیوز(گلگت) مجلس وحدت مسلمین شعبہ خواتین کے زیر اہتمام 15 روزہ تربیتی ورکشاپ کا انعقاد،ورکشاپ کے آخری دن عالمی یومِ خواتین کے مناسبت سے پروگرام کا انعقاد بھی کیا گیا، عالمی یوم خواتین کے پروگرام سے خطاب کرتے ہوئے ڈپٹی جنرل سیکرٹری ایم ڈبلیو ایم شعبہ خواتین و سابق ممبر گلگت بلتستان اسمبلی محترمہ بی بی سلیمہ صاحبہ نے کہا کہ اسلام نے خواتین کو بلند مقام عطا کیا، اس دور کی خواتین کیلئے مثالی کردار پیغمبر اکرم ؐ کی دختر حضرت سیدہ زہرا ؑ ہیں جنہوں نے اپنے دور میں کردار اور سیرت کے ذریعے ایسے اصول اور نقوش چھوڑے ہیں جو ہر دور کی خواتین کیلئے مشعل راہ ہیں۔

محترمہ بی بی سلیمہ صاحبہ نے کہا کہ اگرچہ حضرت فاطمہ زہرا ؑ کا دور چودہ سو سال پہلے کا دور تھا، جس میں زندگی گزارنے کے طور طریقے آج سے مختلف تھے، لیکن آج ہمیں وہ اصول تلاش کرنے ہونگے اور ان نقوش کو اجاگر کرنا ہوگا، جو سیدہ طاہرہ ؑ کی سیرت و کردار سے ابھر کر سامنے آتے ہیں، جو ہر دور کیلئے مشعل راہ ہیں۔ سیدہ سلام اللہ علیہا نے بیٹی کی حیثیت سے کیا رویہ اپنایا، ایک بیوی کی حیثیت سے کیا انداز اختیار کیا اور ایک ماں کی حیثیت سے کیا طور طریقے اپنائے کہ حسنین کریمین علیہ السلام جیسے عظیم فرزندان دنیا کو عنایت کئے۔

انہوں نے مزید کہا کہ خواتین سے امتیازی سلوک اور برتاؤ کو ختم کرنے کیلئے معاشرے کی تربیت ضروری ہے، اس لئے کہ خواتین کا سیاسی و معاشی نظام میں اہم کردار ہے، لہذا معاشرے میں عورت کی عزت و احترام کو یقینی بنانے کے لیے اس کے ناموس کا تحفظ ضروری ہے۔ اسلام نے مردوں کو بھی پابند کیا کہ وہ اس کے ناموس کی حفاظت کریں۔

آخر میں انہوں نے کہا کہ ہم سب کا فریضہ بنتا ہیں کہ جدید دور کے تقاضوں کو سیدہ طاہرہ ؑ کے چھوڑے ہوئے اصول و نقوش سے ہم آہنگ کرکے خواتین کی رہنمائی کریں، تاکہ خواتین کے حقوق کی جدوجہد کو ایک روشن راستہ مل سکے۔پروگرام کے آخر میں شرکاۓ ورکشاپ میں انعامات بھی تقسیم کیۓ گئے۔

وحدت نیوز (گلگت) زینب کبری اکیڈمی برمس پائن میں جاری تربیتئ نشست کا اختتام جشن بی بی فاطمہ الزہرا س کے پرونق پروگرام سے کیا گیا ۔ مسئول اکیڈمی و مرکزی سیکریٹری یوتھ شعبہ خواتین مجلس وحدت مسلمین شعبہ خواتین محترمہ سائرہ ابراہیم نے اختتامی نشست سے خطاب کرتے ہوئے کہا کے بچوں کے اندر دینی تعلیم کا شوق پیدا کیا جائے دینی تعلیم کے حصول کے بغیر ہمیں کسی میدان میں کامیابی نہیں مل سکتی۔

 انہوں نے کہا کے آج کے پر آشوب دور میں دین کی مضبوط رسی کو پکڑے بغیر ہم منزل تک نہی پہنچ سکتے پروگرام میں بچیوں نے نعت و منقبت  کا نذرانہ پیش کیا علاوہ ازیں محترمہ راحیلہ نے حضرت فاطمہ الزہرا س کی زندگی پر مفصل روشنی ڈالی۔

وحدت نیوز (باغ) دور حاضر میں حضرت فاطمہ زہرا سلام اللہ علیھا کے اسوہ اور تعلیمات کو اپنا کر ہی نسل نو کی بہترین تربیت کی جا سکتی ہے ۔ اس مادہ پرستی کے دور میں اہل بیت علیھم السلام کا دامن مضبوطی سے تھام لیں تاکہ دین و دنیا میں سعادتمند ہو سکیں ۔ان خیالات کا اظہار خانم نرگس سجاد مرکزی سیکریٹری سیاسیات و تربیت مجلس وحدت مسلمین شعبہ خواتین نے آزاد کشمیر ضلع باغ میں منعقدہ بعنوان یوم مادر جشن ولادت حضرت فاطمہ زہرا سلام اللہ علیھا سے کیا۔

 اس موقع پر سیدہ مرکزی سیکرٹری آفس نرگس سجاد اور ضلعی سیکرٹری جنرل اسلام آباد محترمہ صدیقہ کائنات بھی ان کے ہمراہ موجود تھیں ، جشن سعید کا اہتمام آزاد کشمیر ضلع باغ کی سیکرٹری جنرل محترمہ نادیہ بتول کی زیر سرپرستی منعقد ہوا ، پروگرام میں کوئز مقابلہ بھی ہوا جس میں بہترین کارکردگی پیش کرنے والی خواتین میں انعامات تقسیم کیے گئے آخر میں محترمہ نرگس سجاد نے بی بی فاطمہ کی سیرت پر روشنی ڈالتے ھوئے معاشرے  مین خواتین کی اہمیت اور تشیع کی بقا کے لئے مجلس وحدت مسلمین کی کارگردگی کو اجاگر کیا اور خواتین کو سیاسی تنظیمی میدان میں شمولیت کی دعوت دی ۔

وحدت نیوز(اٹک) مجلس وحدت مسلمین شعبہ خواتین شین باغ یونٹ اٹک کی جانب سے شین باغ امام بارگاہ میں جشن ولادت با سعادت حضرت فاطمہ زہرا سلام اللہ علیھا کا اہتمام کیا گیا جشن سے خواہر تلبیہ زینب نے سیرت حضرت فاطمہ زہرا سلام اللہ علیھا پر تفصیلی روشنی ڈالی ۔

اس موقع پر مجلس وحدت مسلمین شعبہ خواتین اٹک کی سالانہ کارکردگی پیش کی گئی جس میں مرکزی کابینہ کی مسئولین خواہر فرح دیبا،خواہر قراۃالعین ،خواہر زینبِ بنت الہدی اور ضلعی سیکرٹری جنرل خواہر نزہت نقوی نے بہترین کارکردگی انجام دینے والی اراکین میں تحائف تقسیم کیے۔

وحدت نیوز(لاہور) مجلس وحدت مسلمین شعبہ خواتین لاہور کے زیر اہتمام خاتون جنت حضرت فاطمۃ الزہرا سلام اللہ علیھا کے یوم ولادت باسعادت کے موقع پر "یوم مادر"کے عنوان سے ایک عظیم الشان سیمینار کا انعقاد مقامی ہوٹل میں ہوا۔سمینار سے خطاب کرتے ہوئے گورنر پنجاب چوہدری محمد سرور کی اہلیہ بیگم پروین سرور نے کہا کہ جگر گوشہ رسول  ﷺ حضرت فاطمۃ الزہرا سلام اللہ علیہا کی ذات مقدسہ خواتین کے لیے رول ماڈل ہے۔ ہم زندگی کے تمام پہلوؤں میں اس عظیم ہستی سے رہنمائی حاصل کر سکتے ہیں۔ہمیں اپنی نسلوں کو سنوارنے کے لیے اس ذات مقدسہ کی تعلیمات کو مشعلِ راہ بنانا ہو گا جنہیں نبی کریمﷺ نے اپنے جگر کا ٹکڑا قرار دیا ہے۔یہ وہ ذات ہیں جو رحمت اللعالمین ﷺ کے لیے بھی رحمت ہیں۔

انہوں نے کہا کہ پاکباز معاشرے کی تشکیل کے لیے پاکیزہ تربیت اولین شرط ہے اور یہ اسی صورت ممکن ہے جب ان ہستیوں سے فیض حاصل کیا جائے جن کی پاکیزگی کا گواہ خود اللہ تعالٰی کا پاک کلام ہے۔

مجلس وحدت مسلمین پاکستان شعبہ خواتین کی مرکزی سیکرٹری جنرل،ممبر صوبائی اسمبلی سیدہ زہرا نقوی نے کہا کہ سیدۃ النسا العالمین حضرت فاطمۃ الزہرا محسنہ اسلام ہیں۔ان کی صداقت و عصمت پر خالق کائنات خود گواہ ہیں۔دین اسلام کے خلاف یزید لعین کے منصوبوں کو خاک میں ملانے والے امام عالی مقام حضرت امام حسین علیہ السلام کی تربیت و پرورش اس عظیم ماں کی آغوش میں ہوئی۔جناب سیدہ سلام اللہ علیہا وہ  برگزیدہ ہستی ہیں جن کے احترام میں سردار الانبیاء کھڑے ہو جاتے تھے۔دختر رسول ﷺ کا احترام سنت رسول ﷺ ہے اور ہر کلمہ گو ہر واجب ہے۔انہوں نے حکومت سے مطالبہ کیا کہ خاتون جنت کی زندگی کے مختلف پہلوؤں اور اعلی کردار کو نصاب تعلیم کا حصہ بنایا جائے ۔

سیمینار سے خطاب کرتے ہوئے ایم ڈبلیو ایم لاہور کی سیکرٹری جنرل خانم سیدہ حنا رضا تقوی نے کہا کہ خاتون جنت ام الائمہ ہیں۔ان کی اولاد میں وہ آئمہ برحق ہیں جو اپنے اپنے  عہد میں استکبار کے خلاف ایک جرات مند للکار تھے۔ دور عصر کے طاغوت و استکبار کا اگر جم کر مقابلہ کرنا ہے تو اہلبیت اطہار علیہم السلام کے در پر آنا ہوگا۔

 انہوں نے کہا کہ رسولﷺ کی شفاعت صرف اسی کے حصہ میں آئے گی جس سے نبی زادی (س) راضی ہوں گی۔ انہوں نے کہا کہ ولایت علی ابن ابی طالب علیہ السلام کے دفاع میں پہلی مدلل اور بھرپور آواز حضرت فاطمۃ الزہرا سلام اللہ علیہا کی تھی۔آغوش رسالت میں پلنے والی اس عظیم ہستی کو فاطمہ (س)کہتے ہیں جس کے کردار و گفتار سے نبی کریم ﷺ کا عکس جھلکتا ہے۔انہوں نے کہا کہ موجودہ دور میں ثقافتی یلغار کے ہتھیار سے دشمن ہماری نسلوں کے فکر و کردار پر حملہ آور ہے۔غیر محسوس انداز میں ہمیں حقیقی اسلام سے دور کیا جا رہا ہے۔ ایسی صورتحال میں خواتین کی ذمہ داریاں مزید بڑھ گئی ہیں۔انہوں نے ان نسلوں کی تربیت کرنی ہے جو خود کو اہلبیت ع کا پیروکار سمجھتے ہیں۔ہمیں سیدۃ النساء العالمین کی تعلیمات و کردار کی معرفت حاصل کرنا ہو گی تاکہ دجالی فتنوں کا مقابلہ کر سکیں۔

 ایم پی اے اُم البنين پی ٹی آئی، مسز جمیل، ڈاکٹر نگین نقوی،سائرہ جعفری ممبر متحدہ علماء بورڈ،خانم سکینہ مہدوی، خانم ہما تقوی، سلمیٰ بخاری، سیدہ کرن اصغر، عروج ناصر اور خانم رباب نے خصوصی شرکت اور خطاب کیا ۔

اس پرشکوہ کانفرنس کے اختتام پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے سیکرٹری جنرل لاہور محترمہ حنا تقوی کو بہترین کارکردگی پر اعزازی شیلڈ پیش جبکہ ڈپٹی سیکریٹری جنرل محترمہ عظمی تقوی سیمت تمام کابینہ اراکین کو اعزازی اسناد کیساتھ نوازا اور ان کے ٹیم ورک کو سراہا ۔

علاوہ ازیں بہترین سیمینار کے انعقاد پر ضلعی مسئول و ایونٹ آرگنائزر محترمہ روزی رضوی صاحبہ کو محترمہ سیدہ زہرا نقوی اور بیگم گورنر پنجاب محترمہ پروین سرور کی جانب سے حرم امام رضا علیہ سلام کا تبرک بطور انعام پیش کیا گیا سیمینار کے اختتام پر تمام حاضرین محفل میں ایم ڈبلیوایم شعبہ خواتین لاہور کی طرف سے جناب سیدہ سلام اللہ علیھا کی ولادت باسعادت کی خوشی میں تحائف تقسیم کیے گئے۔

وحدت نیوز(لاہور)خاتون جنت ، دختر رسول گرامی ، ام الحسنین ، زوجہ علی مرتضی حضرت فاطمہ زہرا سلام اللہ علیھا کے یوم ولادت کے موقع پر مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زہرا نقوی نے کہا کہ سیدہ کائنات فاطمۃ الزہراء سلام اللہ علیھا کی ذات اقدس ہر حوالے سے ایک کامل خاتون ہیں عورت ایک عظیم بیٹی، قابل رشک بیوی اور قابل فخر ماں کا کردار ادا کرتے ہوئے سیدہ کائنات حضرت فاطمۃ الزہراء علیہ السلام کی صورت میں نظر آئی جس کے لئے آقائے دو جہاں حضرت محمد مصطفی صلی اللہ علیہ وآلہ وسلم اپنی نشست مبارک سے کھڑے ہوکر استقبال کیا کرتے تھے۔

 انہوں نے کہا بی بی دو عالم س حجاب و عفت اور حيا كا مكمل نمونہ تهيں، آپ تمام دينی و سياسی و اجتماعی ميدانوں ميں حجاب كامل كے ساتھ حاضر ہوئيں، آپ نے اپنے حجاب كے ذريعے معاشرے كو يہ پيغام ديا كہ حجاب كی وجہ سے عورت محدود اور مقيد نہيں ہوتی اسلام اور حق و حقیقت كے دفاع کے لئے عورت بہترين انداز ميں اپنا رول ادا كر سكتی ہے۔

 انہوں نے کہا یہ بات ہمارے لیے باعث سعادت اور دنیا و آخرت میں سرخرو ہونے کا باعث بنے اگر ہم ایسی با عظمت اور عصمت و طہارت کے اعلی ترین درجے پر فائز خاتون کی روشن سیرت اور مجاہدانہ کردار کو اپنی زندگی کا اسلوب اور اسوہ بنا لیں۔

 انہوں نے مزید کہا کہ عورت کو جو شرف عزت اور بلند ترین مقام دین اسلام نے عطا کیا وہ جناب سیدہ فاطمہ زہرا سلام اللہ علیھا کے طفیل حاصل ہے اسی لیے بیس جمادی الثانی کو سرکاری طور پر یوم خواتین و یوم مادر کے عنوان سے منانا چاہیئے تاکہ خواتین نہ صرف اپنی بلکہ اپنی نسلوں کی تربیت جناب زہرا سلام اللہ علیھا کی تعلیمات اور سیرت  کے مطابق کر سکیں۔

وحدت نیوز(لاہور) مجلس وحدت مسلمین شعبہ خواتین لاہور کی جانب سے حرم امام رضا علیہ سلام کی زیارت کے لیے پانچ خوش نصیب خواتین کے نام کا اعلان کر دیا گیا ولادت با سعادت دختر رسول اللہ ص ، زوجہ امیرالمومنین امام علی علیہ السلام، مادر حسنین علیھما السلام جناب سیدہ فاطمتہ الزہرا سلام اللہ علیھا کے پر مسرت موقع پر مجلس وحدت مسلمین شعبہ خواتین لاہور کی جانب سے یوم مادر کے عنوان سے ایک عظیم الشان کانفرنس کا انعقاد کیا گیا۔

 کانفرنس کے دوران مشہد مقدس حرم امام رضا علیہ سلام کے سفر زیارت کے لیے پانچ خوش نصیب خواتین کا نام بذریعہ قرعہ اندازی منتخب ہوئیں اس موقع پر محترمہ حنا تقوی کا کہنا تھا کہ ہمارے لیے یہ بہت بڑی سعادت اور اعزاز کی بات ہے کہ جناب سیدہ دوعالم سلام اللہ علیھا کے توسل سے ہم ان خوش نصیب خواتین کیساتھ رخت سفر باندھیں گے اور جلد اپنے آقا و مولا امام علی ابن موسی الرضا ع کی زیارت سے شرفیاب ہونگے۔

Page 11 of 98

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree