وحدت نیوز(گلگت) کشمیر کے مظلوم عوام کی حق خود ارادیت کی طویل جدوجہد کو خراج تحسین پیش کرتے ہیں.مقبوضہ کشمیر کے عوام کی قربانیاں ایک دن بارآور ثابت ہونگی اور اس خطے کے عوام اپنی منزل کو پانے میں ضرور کامیاب ہونگے. مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ انسانی حقوق کی تنظیمیں ہندوستانی افواج کی جانب سے کشمیری عوام پر ڈھائے جانیوالے مظالم کا نوٹس لیں اور برسوں سے انصاف کے متلاشی اس خطے کے عوام کو بنیادی حقوق کی فراہمی میں اپنا کردار ادا کریں.کشمیر پر انڈیا کا قبضہ غیرقانونی غاصبانہ ہے مسئلہ کشمیر کے تصفئیے تک اقوام متحدہ کی قراردادوں پر عمل درآمد کرتے ہوئے اپنی فوج کو کشمیر سے واپس بلائے.انہوں نے کہا کہ ہندوستانی افواج کی کشمیری عوام انسانیت سوز مظالم کی جتنی بھی مذمت کی جائے کم ہے.کشمیری عوام کی پرامن جدوجہد کی مثال تاریخ میں نہیں ملتی.مجلس وحدت مسلمین کشمیری عوام کی جدوجہد آزادی میں شانہ بشانہ شریک ہیں اور ہر سطح پر ان کی جدوجہد کی مکمل حمایت کرتے ہیں۔

وحدت نیوز (قصور) مجلس  وحدت مسلمین پاکستان ضلع قصور کی ورکنگ کمیٹی کا اجلاس صوبائی سیکریٹریٹ میں منعقد ہوا جس میں صوبائی سیکرٹری تنظیم سازی  مولانا سید نیاز حسین  نقوی ، صوبائی رابطہ سیکرٹری رائے ناصر علی ، اراکین ورکنگ کمیٹی سید اقبال حسین نقوی ، مولانا ظفر حسین ترابی ، چوہدری  صبح  صادق ، سید علی حسین شمسی ، سید نوید حسین شمسى نے شرکت کی ‘ اجلاس میں  ضلع کی یونٹ سازی اور تنظیم سازی کا تفصییل سے جائزہ لیا گیا اور ۲۸ فروری تک   ضلع میں یونٹ سازی مکمل کرنے کا فیصلہ کیا گیا  اجلاس  میں اراکین نے مرکزی  سیکرٹری جنرل ناصر ملت علامہ راجہ ناصر عباس جعفری پر مکمل اعتماد کا اظہار کیا۔

وحدت نیوز (ڈیرہ اسماعیل خان) محکمہ اوقاف اپنا قبلہ درس کرے ،کوٹلی امام حسین پر کسی قسم کی ہیرا پھیر ی نہیں کرنے دیں گے، ان خیالات کااظہار مجلس وحدت مسلمین ضلع ڈیرہ اسماعیل خان کے سیکریٹری جنرل علامہ غضفر نقوی نے میڈیا کو جاری ایک بیان میں کیا، انہوں نے کہا کہ ہم اگر چاہیں تو کوٹلی کو منٹوں میں قبضہ مافیہ اور اوقا ف سے آزاد کر اسکتے ہیں۔لیکن ہم لاءاینڈآرڈر کو خراب نہیں کرنا چاہتے ۔کوٹلی امام حسین ہماری قومی جاگیر ہے۔محکمہ اوقاف اور دوسری کالی بھیڑیں اس سے دور رہیں ورنہ انجام برا پائیں گے۔حکومت اس معاملے کو سنجیدہ لیے ورنہ ہم راست اقدام پر مجبو ر ہو جائیں گے۔

وحدت نیوز (شہدادکوٹ) مجلس وحدت مسلمین پاکستان کے مرکزی سیکریٹری جنرل علامہ راجا ناصر عباس جعفری نے کہاہے کہ وہ حسینی اور مظلوم ہیں پاکستان کو ان کے بڑوں قائد اعظم محمد علی جناح اور علامہ محمد اقبال نے حسینی شعور کے زریعے بنایا تھا اور وہ اس پاکستان کو بچانے کا پیغام لے کر ملک کے شہر شہر،گلی گلی اور گھر گھر نکلے ہیں ۔شہدادکوٹ میں امام بار گاہ دربار فاطمہ میں منعقدہ لبیک یا رسول اللہ کانفرنس سے خطاب کرتے ہوئے علامہ ناصر عباس نے کہا کہ پاکستان دنیا کے دل اور اہم جگہ پر واقع ہے اسے سیاسی گڑھ سمجھا جاتا ہے ۔

انہوں نے کہا کہ پاکستان کے ذریعے ہی دنیا آپس میں ملتی ہے جبکہ فرعونی قوتیں پاکستان کو کمزور کرنا چاہتی ہیں امریکہ پاکستان کو بحرانوں کی طرف دھکیل رہا ہے ۔پاکستان میں نفرتیں پیدا کرنے والے کافروں کے ایجنٹ ہیں اور یہ ہی دہشتگرد کاروائیوں میں ملوث ہیں ۔علام ناصر عباس جعفری کا کہنا تھا کہ شیعہ اور سنی کوئی بھی دہشتگرد نہیں ہے حوثی باغی ، باغی نہیں بلکہ یمن کے بیٹے ہیں تکفیری ،یذیدی سوچ کا نام ہے۔ پاکستان کو نا اہل حکمران مستحکم کرنے کی بجائے اپنے کرتوتوں کے زریعے کمزور کر رہے ہیں حکمران بزدل ہیں جو قاتل پال رہے ہیں یہاں پر ووٹ دلی طور پر نہیں لیا جاتا بلکہ لوٹا اور چھینا جا تا ہے ۔

انہوں نے کہا کہ ظالم مافیا حکمرانوں پر قابض ہے جس کی وجہ سے ملک میں جمہوریت کا نام ہی نہیں ہے اقتدار اللہ کی ملکیت ہے اس لئے حاکم کو صالح ،صادق ہونا چاہے لیکن ہمارے حکمران عوام کا پیسہ لوٹ مارکر کے ملک کو کمزور بنا رہے ہیں ۔علامہ ناصر عباس جعفری نے کہا کہ مظلوم تقسیم ہوئے ہیں اس لئے انہیں یکمشت ہو کر شیطانی قوتوں کا مقابلہ کرنا ہو گا جہاں اختیار چھینا جائے وہ قائد اعظم محمد علی جناح کا پاکستان نہیں ہو سکتا ۔انہوں نے کہا کہ اگر وہ لانگ مارچ نہ کرتے تو یذیدی مافیا ملک پر حاوی ہو جا تا تھا اس ملک میں غربت لٹیروں کی وجہ سے ہے ۔پاکستان ان کے بڑوں نے بنایا اور وہ اسے کمزور ہونے یا ٹوٹنے نہیں دیں گے کیونکہ وہ اب ملک میں دہشتگردوں کے خلاف سڑکوں پر نکلے ہیں اور اس کے زریعے آئندہ 14 اگست کو قائد اعظم محمد علی جناح اور علا مہ محمد اقبال کا بناے ہوا پاکستان دنیا کو دیکھائیں گے ۔کانفر نس سے ایم ڈبلیو ایم کے مرکزی اور صوبا ئی ر ہنمائوں علامہ علی رضوی ،مولانا نقی حیدری ،علامہ مقصود علی ڈومکی ،سید علی اکبر شاہ ،منور علی جعفری، محمد علی شر اور دیگر نے بھی خطاب کیا اس موقع پر محرم الحرام اور چہلم کے دوران سیکیورٹی کے فرائض انجام دینے والے اسکاوٹس کو کارکردگی طور پر شیلڈز اور سرٹیفکیٹ بھی تقسیم کئے گئے ۔

وحدت نیوز (ڈیرہ اسماعیل خان) کوٹلی امام حسین ؑکے حوالے سے مجلس وحدت مسلمین کے ضلعی دفتر میں بلائی گئی میٹنگ میں اکابرین نے اس با ت پر شدید غصے کا اظہار کیا کہ پچھلی حکومت تک کوٹلی اراضی وقف امام حسین تھی لیکن موجودہ حکومت میں کوٹلی امام حسین کو اوقاف کی نگرانی میں دے کر ہزاروں سوالات کو جنم دیا ۔اس فعل کی شدید الفاظ میں مذمت کرتے ہیں۔ کوٹلی کمیٹی اور دیگر سیاسی و مذہبی رہنماوں کی وقت فوقتاانتظامیہ سے میٹنگ ہو رہی ہے جس میں ان کو کوٹلی پلاٹ پر قبضہ مافیہ کی بھی با ت کی جس پر ابھی تک انتظامیہ ان کو بے دخل کرنے میں سنجیدہ نہیں ۔انتظامیہ کی نگرانی میں گرائی گئی عمارت پر دوبارہ تعمیر ضلعی حکومت اور انتظامیہ کی نا اہلی ہے ۔

وحدت نیوز (اسلام آباد) شیعہ لاپتہ افراد کے اہل خانہ نے وزیراعظم، آرمی چیف جنر قمر جاوید باجوہ اور چیف جسٹس آف پاکستان سے اپنے پیاروں کی بازیابی کا مطالبہ کیا ہے۔ اہل خانہ کا کہنا تھا کہ ان کے پیاروں کو بازیاب نہ کرایا گیا تو وہ احتجاج پر مجبور ہوں گے۔ اسلام آباد میں پریس کانفرنس کرتے ہوئے فیصل آباد، چنیوٹ اور کبیروال سے تعلق رکھنے والے لاپتہ افراد راغب عباس، اختر عمران، وقار حیدر اور اسد عباس کے اہل خانہ کا کہنا تھا کہ ان کے پیارے گذشہ کئی ماہ سے لاپتہ ہیں لیکن ان کا بارے میں کچھ نہیں بتایا جارہا، اہل خانہ کا کہنا تھا کہ ملک میں جاری دہشت گردی سے سب سے زیادہ متاثر ہونے والے اہل تشیع ہیں، ہمارے ڈاکٹرز اور انجئیرز تک قتل کردئیے گئے، اب ہمارے پیاروں کو بھی لاپتہ کیا جا رہا ہے۔ اہل خان نے وزیراعظم نواز شریف، آرمی چیف اور چیف جسٹس آف پاکستان سے اپنے پیاروں کی بازیابی کا مطالبہ کیا ہے، ان کا کہنا تھا اگر ان کے بچوں پر کوئی الزام ہے تو ان پر مقدمات درج کرکے انہیں عدالت میں پیش کیا جائے۔