وحدت نیوز (کراچی) مجلس وحدت مسلمین پاکستان صوبہ سندہ کے سیکریٹری جنرل علامہ مقصودعلی ڈومکی نے سندہ یونائیٹڈپارٹی کے مرکزی صدر سابق ڈپٹی اسپیکر سید جلال محمود شاہ سے ملاقات کی۔ ملاقات میں سندہ کی سیاسی صورتحال پر غور و خوص کیاگیا۔ اس موقع پر گفتگوکرتے ہوئے علامہ مقصودعلی ڈومکی نے کہا کہ دہشت گردی کے باعث سر زمین سندہ اور ملک بھر میں ہزاروں خاندان متاثر ہوئے ہیں، ہم دہشت گردی کو ناسور سمجھتے ہوئے ملک بھر میں دہشت گردی کے اڈوں ،تربیتی مراکز اور سہولتکاروں کے خلاف بھرپور آپریشن کا مطالبہ کرتے ہیں۔ نیشنل ایکشن پلان کے باوجود دھشت گرد تنظیموں کے جھنڈے اور نفرت انگیز سرگرمیاں ریاستی اداروں کے کردار پر سوالیہ نشان ہیں، ہم سندہ میں مذہبی رواداری کے فروغ کی ضرورت پر زور دیتے ہوئے ہر قسم کی نفرتوں کا خاتمہ چاہتے ہیں۔سندہ حکومت نے سانحہ شکارپور اور جیکب آباد کے متاثرین سے جو وعدے کئے وہ تاحال پورے نہ ہوئے ، ہم مطالبہ کرتے ہیں کہ سندہ گورنمنٹ سانحے کے زخمیوں کا مکمل علاج کراتے ہوئے معاہدے پر عمل کرے۔

اس موقع پر سید جلال محمود شاہ نے کہا کہ سندہ یونائیٹڈ پارٹی 26 فروری کودھشت گری، انتہا پسندی اور کرپشن کے خلاف سندہ سطح کا اجتماع کررہی ہے۔سندہ دھرتی اولیائے کرام اور صوفیاء کی سر زمین ہے جس نے ہمیشہ امن و محبت اور احترام انسانیت کا پیغام دیا ہے،ہم وادی مہران میں دہشت گردوں کی سہولتکار کالعدم جماعتوں کی سر گر میوں پر تشویش کا اظہار کرتے ہیں۔

وحدت نیوز (کوئٹہ) مجلس وحدت مسلمین کوئٹہ ڈویژن کے سیکریٹری جنرل عباس علی نے بیان دیتے ہوئے کہا کہ پاکستان ہاؤس تفتان میں گرمی کا کوئی علاج ہے نہ ہی سردی کا. شدید سردی اور برف و بارش میں زائرین کھلے آسمان تلے دس سے پندرہ دن تک اپنی باری کا انتظار کرتے ہیں. حالیہ برفباری سے قبل ہی شدید سردی کی وجہ سے پاکستان ہاؤس تفتان میں ایک کمسن بچے کا انتقال ہوا تھا جنہیں بلاوجہ پندرہ دن تک تفتان میں ٹھہرایا گیا تھا سیکیورٹی کے نام پر دس پندرہ دن زائرین کو تفتان میں بٹھانا سمجھ سے بالاتر ہے اور اب بھی زائرین کئی دن سے تفتان بارڈر پر بیٹھے ہوئے ہیں جب وہ تنگ آ کر صدائے احتجاج بلند کرتے ہیں تو پھر انہیں ڈرا دھمکا کر ہراساں کرنے کی کوشش کی جاتی ہے۔

انہوں نے مزید کہا کہ وزیر اعلیٰ بلوچستان نواب ثناءاللہ زہری اور چیف سکریٹری بلوچستان تفتان بارڈر پر زائرین کے ساتھ پیش آنے والے ان مسائل کا نوٹس لے اور زائرین کے حوالے سے اپنے کئے گئے وعدوں پر عمل کریں جن میں سے ایک یہ بھی ہے کہ تفتان بارڈر پر زائرین کو ایک یا دو دن سے زیادہ نہیں روکا جائے گا اور انہیں جلد از جلد وہاں سے روانہ کیا جائے گا.  لیکن وزیر اعلیٰ اور چیف سکریٹری کے ان وعدوں پر عملدرآمد محدود عرصہ پھر سے رک گیا ہے اور کو اب بھی وہاں دس سے پندرہ دن تک ٹھہرنا پڑتا زائرین میں بچے , بزرگ خواتین بھی ہیں جن کے لی? شدید سردی کو برداشت کرنا ممکن نہیں ہے. جس کی وجہ سے وہاں ٹھہرنا ان کے سخت تکلیف کا باعث ہے اور کوئٹہ آکر ان میںسے اکثر کو علاج کی غرض سے انہیں ہسپتالوں میں داخل ہونا پڑتا ہے تقریباً ایک ماہ پہلے پاکستان ہاؤس تفتان میں شدید سردی کی وجہ سے ایک کمسن بچے کا فوت ہو جانا ایک المیہ ہے لہٰذا حکومت تفتان بارڈر پر ایسے مزید حادثات سے بچنے کے لیے زائرین کی جلد سے جلد واپسی کا انتظام کیا کریں۔

وحدت نیوز(گلگت) ڈسٹرکٹ ہیڈ کوارٹر ہسپتال میں آئی سی یو وارڈ کے اپ گریڈیشن منصوبے کو منظور نظر فرم کو ٹھیکہ دلوانے کی منصوبہ بندی کی گئی ہے ۔چھ کروڑ پچاس لاکھ روپے سے ڈسٹرکٹ ہیڈ کوارٹر ہسپتال کیلئے الاٹ جراحی کے متعلقہ سامان کی خریداری کیلئے منظور نظر افراد کو نوازنے کیلئے ہونے والا ٹینڈر سیکرٹری ہیلتھ نے منسوخ کرکے 25 فروری کردیا ہے ۔

مجلس وحدت مسلمین گلگت بلتستان کے سیکریٹری امورسیاسیات غلام عباس نے کہا ہے کہ مجوزہ منصوبے میں میرٹ پر ٹھیکہ نہیں دیا گیا تو خرد برد کے امکانات 100 فیصد ہیں۔گلگت کے مایہ ناز سرجن ڈاکٹر عمران جو کہ اصول پسندی میں اپنا ثانی نہیں رکھتے کو کمیٹی سے نکال دینے سے مزید شکوک و شبہات بڑھ گئے ہیں۔

انہوں نے کہا کہ گزشتہ حکومت نے ڈسٹرکٹ ہیڈ کوارٹر ہسپتال کو مکمل نظر انداز کردیا تھا اور پانچ سالوں میں ایک تھرمامیٹر بھی نہیں خریدا گیا اور آپریشن تھیٹر میں زائد المیعاد مشینری کو استعمال میں لاکر گزارہ چلایا جارہا ہے۔موجودہ حکومت کی اچھی کاوش کے نتیجے میں آئی سی یو وارڈ کو اپ گریڈ کرنے کیلئے خطیر رقم مختص کرنانیک شگون ہے جس پر حکومت کا شکریہ ادا کرتے ہیں اور ساتھ ہی امید رکھتے ہیں کہ اس تاریخی ہسپتال کو جدید خطوط پر استوار کرنے میں حکومت کسی قسم کی کوتاہی کا مظاہرہ نہیں کرے گی۔

 انہوں نے وزیر اعلیٰ گلگت بلتستان سے اپیل کی ہے کہ مجوزہ منصوبے کو سبوتاژ کرنے کی جو کوششیں ہورہی ہیں اس کو ناکام بنانے کیلئے سابقہ کمیٹی کو بحال کردے تاکہ یہ منصوبہ کامیابی سے ہمکنا ہو اور غریب و نادار مریضوں کو صحت کی بہتر سہولیات فراہم ہوسکیں۔

وحدت نیوز (کوئٹہ)  مجلس وحدت مسلمین پاکستان کوئٹہ ڈویژن کے سیکریٹری روابط کونسلر کربلائی رجب علی نے بیان دیتے ہوئے کہا کہ شدید سردی کے موسم میں گیس پیدا کرنے والے صوبے گیس نا پید ہو جاتی ہے گیس کی بندش,  لوڈ شیڈنگ اور کم پریشر سے صوبائی دارالحکومت کوئٹہ کے عوام شدید مشکلات سے دوچار ہیں اور حکمران اپنی عیاشیوں اور شاہ خرچیوں میں مصروف ہیں گھروں میں چولہے تک نہیں جلتے جبکہ سی این جی مالکان نے اپنے سٹیشنز پر گویا گیس کے کنویں کھود رکھے ہیں اور حکومت کی عیاشی کا یہ عالم ہے کہ گیس عوام کو فراہم کرنے کی بجائے بے جان رکشوں اور گاڑیوں کی نظر کر رہی ہے. لگتا ہے دال میں کچھ کالا ہے اور بینک اکاؤنٹس بھرے جا رہے ہیں. گیس کی بندش اور کم پریشر  کی وجہ سے آجکل کوئٹہ سمیت صوبے بھر میں صحت کے کاروبار کو بھی چار چاند لگا ہوا ہے اور محکمہ صحت و حکومتی خزانے لبریز ہو چکے ہیں ہسپتالوں میں مریضوں کو داخل کرنے کے لئے جگہ تنگ پڑ چکی ہے ڈاکٹرز بھی عوامی خدمت میں کسی سے پیچھے نہیں سرکاری ہسپتالوں میں علاج کی بجائے مریضوں کو پرائیویٹ ہسپتالوں اور کلینک کا راستہ دکھایا جاتا ہے اس سکڑا دینے والی سردی میں ان ضعیف بوڑھے مرد و عمر رسیدہ خواتین اور نو مولود وکمسن بچوں پر خدا رحم کریں جن پر بے حس سنگدل حکمرانوں کی حکومت ہے اور انہیں اپنے کاروبار کے علاوہ عوام کے مسائل کی پروا ہی نہیں ہیں.  حکومت ملک بھر کے سی این جی سٹیشنز بند کر وا کر سرد علاقوں کے عوام کو گیس فراہم کریں صوبائی حکومت اور گیس کے اعلیٰ حکام بھی کوئٹہ کے تمام علاقوں خصوصاً  حلقہ نمبر بارہ, نچاری روڈ, علمدار روڈ , غلزئی روڈ گرد و نواح کے تمام علاقوں میں گیس پریشر کی کمی اور لوڈ شیڈنگ کا نوٹس لیتے ہوئے عوام کو گیس کی فراہمی یقینی بنائے۔

وحدت نیوز (کراچی) مجلس وحدت مسلمین پاکستان کی صوبائی کابینہ کا اہم اجلاس کراچی میں منعقد ہوا۔ اجلاس میں قائد وحدت علامہ راجہ ناصر عباس جعفری، مرکزی ڈپٹی سیکریٹری جنرل علامہ سید احمد اقبال رضوی، سیکریٹری تنظیم سازی مہدی عابدی نے خصوصی طور پر شرکت کی۔
              
صوبائی کابینہ نے فیصلہ کیا کہ 26 فروری کو ضلع خیرپور میں سندہ سطح کا عوامی اجتماع ہوگا، عظمت زہراء ؑ کانفرنس سے قائد وحدت خصوصی خطاب کریں گے۔اجلاس نے سندہ کی سیاسی صورتحال پر غور و خوص کے بعد فیصلہ کیا کہ سندہ سطح پردھشت گردی کے خلاف موثر الائنس تشکیل دیا جائے گا جو دھشت گردی، کرپشن کے خلاف اور عوامی مسائل کے حل کے لئے اپنا بھرپورکردار ادا کرے گا۔ اجلاس نے سندہ بھر کی شیعہ شخصیات کا مشاورتی اجلاس اسی مہینے بلانے کا فیصلہ کیا۔
              
اس موقع پر اجلاس سے خطاب کرتے ہوئے قائد وحدت نے کہا کہ اسلام نے ہمیں صبر و استقامت کا درس دیا ہے، صبر استقامت اور نصرت الٰہی پر ایمان، اہل حق کی کامیابی کا سبب ہے۔ مجلس وحدت مسلمین کے کارکن خدمت انسانیت کو اپنا شعار قرار دیں۔ چھوٹے چھوٹے فلاحی کام اضلاع کی سطح پر کریں۔ ہسپتالوں کی حالت زار، تعلیم اداروں کی بہتری، گلی محلے کی صفائی سمیت عوامی مسائل کے حل میں اپنا کردار ادا کریں،اجلاس سے خطاب کرتے ہوئے علامہ مقصودعلی ڈومکی نے کہا کہ تعلیم و تربیت اور قوم کو سیاسی طور پر مضبوط کرتے ہوئے مجلس کو پارلیمانی جماعت بنانا ہمارے مستقبل کے پروگرام کا حصہ ہے۔

وحدت نیوز (سکھر) مجلس وحدت مسلمین ضلع سکھر کے سیکریٹری جنرل چوہدری اظہر حسن ،ڈپٹی سیکریٹری جنرل احسن شراور سیکریٹری امور تنظیم سازی منتظر مہدی نے سیکٹرکنڈرہ کا تنظیمی دورہ کیا اور تنظیم سازی کے حوالے سے کارکنان اور عہدیداران سے خطاب کیا، اس موقع پر گفتگو کرتے ہوئے چوہدری اظہر حسن کا کہنا تھا کہ مجلس وحدت مسلمین ملک میں جاری دہشت گردی ، کرپشن اور ناانصافیوں کے خلاف مضبوط آوازہے ، ملک بھر کے محروم عوام کے لئے ایم ڈبلیوایم کا وجود کسی سایہ دار درخت سے کم نہیں ، ضلع سکھر میں ایم ڈبلیوایم کی تنظیم نو  کا سلسلہ جلد شروع کیا جائے گا ، انشاءاللہ گیارہ فروری کو ایم ڈبلیوایم ضلع سکھر کی میزبانی میں علامہ مقصودڈومکی کی زیر صدارت ایم ڈبلیوایم صوبہ سندھ کی شوریٰ کا اجلاس منعقد ہوگا جس میں سندھ بھر کے اضلاع سے تنظیمی عہدیداران شرکت کریں گے۔