وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے وفد کے ہمراہ ملتان میں پاکستان تحریک انصاف کے وائس چیئرمین مخدوم شاہ محمود قریشی سے ملاقات کی، ملاقات کے دوران علامہ اقتدار نقوی نے 28فروری کو اسلام آباد میںدہشتگردی کے خلاف مجلس وحدت مسلمین کے زیراہتمام ہونے والی آل پارٹیز کانفرنس میں شرکت کی دعوت دی، اس موقع پر ایم ڈبلیو ایم کے رہنما مولانا ہادی حسین، مولانا فرحان حیدر اور سیکرٹری سیاسیات سخاوت علی موجود تھے۔

 اس موقع پر مخدوم شاہ محمود قریشی نے مجلس وحدت مسلمین کی آل پارٹیز کانفرنس میں شرکت کی یقین دہانی کراتے ہوئے کہا کہ ایم ڈبلیو ایم کے زیراہتمام دہشت گردی کے خلاف آل پارٹیز کانفرنس مثبت اقدام ہے،ملکی استحکام اور دہشت گردی کے خاتمے لیے مجلس وحدت مسلمین کی مکمل حمایت کرتے ہیں، مخدوم شاہ محمود نے مزید کہا کہ دہشت گردی کے خلاف تمام اداروں کو مل کے کام کرنے کی ضرورت ہے، پاک فوج کی جانب سے آپریشن ردالفساد خوش آئند ہے ، اس آپریشن کی زد میں دہشتگردوں اور اُن کے سرپرستوں کو بے نقاب کیا جائے، دہشتگردی کسی بھی صورت میں معاشرے کے لیے ناسور ہے ، حکومت اپنی صفوں میں کالی بھیڑوں کو نکالے۔

علامہ اقتدار نقوی نے کہا کہ ہم پاک فوج کے شانہ بشانہ ہیں حکومت کی طرف سے اگر نیشنل ایکشن پلان کی طرح آپریشن ردالفساد کی راہ روڑے اٹکائے گئے تو ہم شدید احتجاج کریں گے۔ اُنہوں نے کہا کہ 28فروری کو اسلام آباد میں منعقدہ دہشتگردی کے خلاف آل پارٹیز کانفرنس محب وطن جماعتوں اور قوتوں کا اجتماع ہے۔

وحدت نیوز (اسلام آباد/گلگت) اسلامی تحریک پاکستان کے رکن گلگت بلتستان قانون ساز اسمبلی محمد علی شیخ کی اچانک رحلت پر مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری ، مرکزی ڈپٹی سیکریٹری جنرل ناصر شیرازی اور سیکریٹری امور سیاسیات اسد عباس نقوی نے مرکزی سیکریٹریٹ جبکہ مجلس وحدت مسلمین گلگت بلتستان کے سیکرٹری جنرل آغاسید علی رضوی، علامہ نیئر عباس مصطفوی سابق سیکرٹری جنرل ایم ڈبلیو ایم گلگت بلتستان، غلام عباس، محمد الیاس صدیقی ، عارف حسین قنبری، ڈاکٹر علی گوہر، حاجی رضوان علی ممبر جی بی ایل اے، بی بی سلیمہ ممبرجی بی ایل اے، اور سائرہ ابراہیم کوارڈینیٹر شعبہ خواتین نےصوبائی سیکریٹریٹ سےجاری تعزیتی بیان میں محمد علی شیخ کی اچانک وفات پر گہرے دکھ اور غم کا اظہار کرتے ہوئے غمزدہ خاندان کو تعزیت پیش کی ہے۔

ایم ڈبلیوایم کے رہنمائوں نے کہا کہ محمدعلی شیخ کی ناگہانی وفات سے علاقے کی سیاست میں ناقابل تلافی خلا پیدا ہوگیا۔ضلع نگر کی تعمیر و ترقی کیلئے محمد علی شیخ انتھک محنت رائیگاں نہیں جائے گی۔مرحوم کے پسماندگان سے دلی دکھ کا اظہار کرتے ہیں اور دعا گو ہیں کہ خدا وند تعالیٰ انہیں اپنی رحمت کے سائے میں رکھے۔ محمدعلی شیخ ایک سنجیدہ اور دیندار سیاست دان تھے جو سیاست کو عبادت سمجھ کر اس میدان میں وارد ہوئے تھے،مرحوم نے حقوق سے محروم غریب طبقات کی نمائندگی کرتے ہوئے ضلع نگر کی تعمیر و ترقی میں نہایت ہی قلیل عرصے میں بھرپور کردار ادا کیاوہ اپنی نرم دلی اور جاذب شخصیت کی وجہ سے پورے علاقے کے عوام کے دلوں میں ایک خاص مقام رکھتے تھے،ان کی اچانک جدائی نے پوری ملت کو غم زدہ کردیا ہے،خدا وند عالم مرحوم کو اپنی جوار رحمت میں جگہ عنایت فرمائے اور پسماندگان کو صبر جمیل عطا فرمائے۔

وحدت نیوز (ملتان) مجلس وحدت مسلمین صوبہ جنوبی کے سیکریٹری امور سیاسیات انجینئرمہر سخاوت علی سیال   اور ملک عامر کھوکھرکی  سرائیکستان ڈیموکریٹک پارٹی   کی مرکزی صدر سیدہ عابدہ بخاری اور سید مطلوب بخاری سے ان کی دفترمیں  ملاقات ،باہمی دلچسپی کے امور پر تبادلہ خیال ،اس موقع پر مہر سخاوت علی نے ا سیدہ عابدہ بخاری کو آل پارٹیز کانفرنس میں شرکت کی دعوت دی جسے انہوں نے قبول کرتے ہوئے کہاکہ دہشت گردی وطن عزیز پاکستان کے لیے ایک بہت بڑا خطرہ ہے جس کا مقابلہ ملی وحدت سے ہی ممکن ہے ،مجلس وحدت مسلمین نے اس سلسلے میں آل پارٹیز کانفرنس بلا کر بروقت اور درست قدم اٹھایا ہے ،سرائیکستان ڈیموکریٹک پارٹی    اس مثبت عمل میں شریک ہو گی  ،یاد رہے مجلس وحدت مسلمین کے تحت مذکورہ اے پی سی 28 فروری کو دن 2 بجے اسلام آباد ہوٹل اسلام آباد میں ہو گی ۔

وحدت نیوز (لاہور) مجلس وحدت مسلمین پاکستان کے مرکزی ڈپٹی سیکرٹری جنرل ناصر عباس شیرازی کی  پاکستان تحریک انصاف کے مرکزی رہنما اعجاز چوہدری سے ان کی رہائش گاہ پر ملاقات ،باہمی دلچسپی کے امور پر تبادلہ خیال ،اس موقع پر ناصر شیرازی نے اعجاز چوہدری کو آل پارٹیز کانفرنس میں شرکت کی دعوت دی جسے انہوں نے قبول کرتے ہوئے کہاکہ دہشت گردی وطن عزیز پاکستان کے لیے ایک بہت بڑا خطرہ ہے جس کا مقابلہ ملی وحدت سے ہی ممکن ہے ،مجلس وحدت مسلمین نے اس سلسلے میں آل پارٹیز کانفرنس بلا کر بروقت اور درست قدم اٹھایا ہے ،تحریک انصاف اس مثبت عمل میں شریک ہو گی ،مرکزی ڈپٹی سیکرٹری مجلس وحدت مسلمین پاکستان کے ساتھ وفد میں صوبائی سیکرٹری سیاسیات پنجاب  برادر سید حسن کاظمی بھی شامل تھے ،یاد رہے مجلس وحدت مسلمین کے تحت مذکورہ اے پی سی 28 فروری کو دن 2 بجے اسلام آباد ہوٹل اسلام آباد میں ہو گی ۔

وحدت نیوز(کراچی) مجلس وحدت مسلمین پاکستان کے مرکزی ترجمان علامہ مختار امامی نے ووحدت ہاوس ایم ڈبلیو ایم کراچی ڈویژن کے اجلاس سے خطاب کرتے ہوئے کہا کہ جنرل ضیا الحق نے افغانستان کے راستے آنے والے دہشت گردوں کو اس ملک میں پناہ دی۔جس کا نتیجہ کلاشنکوف کلچر کی شکل میں سامنے آیا۔.اسلام کی بنیادی تعلیمات سے عاری دہشت گرد گروہوں نے اسلام کے نام پر اس ملک میں قتل و غارت کا بازار گرم کیے رکھا۔اولیاء اللہ کے مزارات اسکولوں اور بازاروں کو نشانہ بنایا گیابانیان پاکستان کے بیٹوں کی نسل کشی کی گئی جو اب تک جاری ہے۔ارض پاک پر کسی بھی دہشتگردی کو قبول نہیں کریں گے ۔ اجلاس میں علامہ مبشر حسن مولانا نشان حیدر ،مولانا صادق جعفری مولانا احسان دانش و دیگر رہنما موجود تھے ان کا کہنا تھا کہ ہزاروں معصوم اور بے گناہ افراد کو دہشت گردی کا شکار بنایا گیا۔داعش اور اس کے حامی گروہ ملک اور اس کے اطراف میں اڈے قائم کر رہے ہیں۔ ملک کو کمزور کرنے کی سازش کی جاری ہے۔ وفاقی و صوبائی حکومتیں اپنی آنکھیں کھولے اور ان دہشتگردوں کے خلاف فوری کاروائی کرے۔ امریکی و صہیونی ایما پر کالعدم جماعتیں اس ملک میں ہر طبقہ فکر کے لوگوں کو نشانہ بنا رہے ہیں جو ملک کو عدم استحکام کی طرف دھکیلنے کی سازش ہے۔20 کروڑعوام کے خلاف لشکر تشکیل دیا جارہا ہے۔ 80 ہزار ملک کے با وفا بیٹوں نے قربانیاں دی۔ضرب عضب ہو یا رد الفساد مطلوبہ نتائج حاصل کرنے کے لیے سیکیورٹی اداروں کو اپنی پالیسیاں تبدیل کرنے کی صرورت ہے ۔حکمران ان بحرانوں کا سامنا نہیں کر سکتے ہیں۔ہے پاکستان میں داعش کی سرگرمیاں بڑھتی جارہی ہے سیہون میں دہشتگردی سے عوام میں تفرقہ ڈالنے کی کوشش کی گئی۔ ملک میں فرقہ واریت کی کوئی گنجائش نہیں۔ ملک میں سب سے زیادہ ملت جعفریہ کو دہشتگردی کا نشانہ بنایا گیا۔حکومت عوام کو تحفظ فراہم کرے ناکہ عوام کی مشکلات میں اضافہ کا سبب بنے حکومت نیشنل ایکشن پلان کے نام پر بے گناہوں کے بجائے مجرموں کے خلاف کاروائی کرے۔ہم قائد اعظم و علام اقبال کے پاکستان کی جدو جہد کرتے رہیں گے۔پنجاب میں کالعدم جماعتوں کو حکمرانوں کی حمایت حاصل ہیں ان کے خلاف کاروائی کی جائے۔

وحدت نیوز (کوئٹہ) مجلس وحدت مسلمین پاکستان کوئٹہ ڈویڑن کے سیکریٹری جنرل سید عباس علی نے بیان دیتے ہوئے کہاہے کہ بلاک شناختی کارڈز کا مسئلہ ایک معمہ بن چکا ہے عوام کے لوہے کے بنائے ہوئے جوتے بھی پگھل گئے لیکن بلاک شناختی کارڈ کا مسئلہ حل نہ ہوسکا دس پندرہ سالوں عوام اپنا روز گار و کاروبار چھوڑ کر نادرا کے مختلف دفاترکی چکریں کاٹ رہے ہیں لیکن انکا مسئلہ حل نہیں ہو رہا ، اس مسئلے پر واضح پالیسی کا فقدان ہے حکومت اور ادارے کوئی پالیسی  وضع کریں اتنے عرصے میں ایک نسل بوڑھی اور دوسری نسل جوان ہو جاتی ہے لیکن بلاک شناختی کا فیصلہ ہی نہیں ہو پاتا ہمارے جوانوں کا مستقبل داؤ  پر  لگا ہوا ہے وہ گلی کوچوں اور بازاروں میں  آزادانہ گھوم پھیر سکتے ہیں نہ ہی کسی تعلیمی ادارے میں داخلہ لے کر اپنی تعلیم جاری رکھ سکتے ہیں بلاک شناختی کی وجہ سے ایک نسل تباہ ہو رہی ہیں ادارے اپنی غلط پالیسیوں کی سزا عوام کو دے رہے ہیں شناختی کارڈ بلاک کرنا بہت آسان اور ان بلاک کرنا تقریباً ناممکن ہے  جس کی وجہ سے نادرا ملازمین نے شناختی کارڈ بنانے کو اپنا کاروبار بنا لیا ہے صرف رشوت نہ دینے پر شناختی کارڈز بلاک کئے جاتے ہیں اور شناختی بلاک کرنے پر ان سے کوئی انکوائری نہیں کی جاتی جس کی وجہ سے نادرا ملازمین جو کے ٹیکسوں پر پل رہے ہیں نے افسر شاہی نظام قائم کر رکھا ہے اور  نادرا آفسز میں بادشاہت قائم کرکے عوام کے ساتھ انتہائی ناروا سلوک اختیار کئے ہوئے ہیں جس ملک کے ادارے عوام کی عزت نہیں کرتی وہ ملک کبھی بھی ترقی نہیں کر سکتا حکومت اور ادارے جلد از جلد واضح پالیسی وضع کر کے مختصر ترین مدت معین کرکے مقررہ وقت پر بلاک شناختی کے فیصلے کریں اسی طرح شناخت کارڈ ناجائز بلاک کرنے پر نادرا ملازمین کے لیے سزائیں مقرر کریں تا کہ کوئی بھی بلا جواز عوام کے شناختی کارڈ بلاک نہ کر سکے۔