وحدت نیوز(جیکب آباد) مجلس وحدت مسلمین اور آئی ایس او جیکب آبادکے زیراہتمام ڈیرہ اسماعیل خان میں جاری شیعہ نسل کشی کے خلاف احتجاجی مظاہرہ کیا گیا۔ پریس کلب جیکب آباد کے سامنے مظاہرین سے خطاب کرتے ہوئے مجلس وحدت مسلمین سندھ کے سیکریٹری جنرل علامہ مقصود علی ڈومکی نے کہا ہے کہ ڈی آئی خان میں شیعیان علی ؑکے قتل عام کو روکنے کے لئے حکومت اور ریاستی اداروں کو فوری اقدامات کرنے چاہئیں۔ شیعہ نسل کشی کے خلاف عمران حکومت کو سنجیدہ اقدامات کرنا ہوں گے۔ ملک بھر کے مومنین ڈیرہ اسماعیل خان کے ساتھ ہیں اگر مسئلہ حل نہیں ہوا تو پھر ملت کو بھرپور احتجاجی تحریک شروع کرکے مظلومین ڈی آئی خان سے یکجہتی کرنا ہوگی۔انہوں نے نیوزی لینڈ میں مسجد پر حملے اور مظلوم انسانوں کے قتل عام کی شدید الفاظ میں مذمت کرتے ہوئے کہا کہ اس سانحے کے محرکات اور مجرموں کو جلد سامنے لایا جائے۔
وحدت نیوز(قم) مجلس وحدت مسلمین پاکستان شعبہ قم کے زیراہتمام سفیر انقلاب ڈاکٹر محمد علی نقوی کی برسی کا اجتماع علمی مرکز مدرسہ علمیہ حجتیہ میں منعقد ہوا پروگرام میں اساتید حوزہ،علماءکرام تنظیمی احباب،خانوادہ شھداء کی کثیر تعداد نے شرکت کی۔علماءکرام کے اس جمع غفیر اجتماع سے خطاب کرتے ہوئے مجلس وحدت مسلمین پاکستان کے مرکزی سیکٹریری جنرل حجت الاسلام والمسلمین علامہ راجہ ناصر عباس جعفری صاحب نے شھید کی جامع،فعال ومتحرک،اور مخلص شخصیت کے مختلف زاویوں پر تفصیلی گفتگو کی آپ نے ملک عزیز پاکستان میں مظلوموں کے حامی اور ظالم مخالف علماء کرام اور شجرہ طیبہ آئی ایس او کے جوانوں کو شھید قائد رہ اور شھید ڈاکٹر رہ کے مکتب عشق کے ثمرات میں سے قرار دیا۔
آپ نے مزید کہا کہ شھید ڈاکٹر کے نظریاتی بیٹے آج ہرمحاذ پرمکتب حقہ کی ترجمانی اور ہرظالم کے مقابلے میں سیسہ پلائی ہوئی دیوار بن کے دشمنوں کے ارادوں کوخاک میں ملارہے ہیںآپ نے طلاب عظام کونصیحت کرتے ہوئے کہا کہ ولایت محور تعلیم،تربیت اور جدید علوم وفنوں سے آراستہ ہوکر اپنے آپ کو امت کی رہبری کےلئے تیار کریں۔پروگرام میں شھید ڈاکٹر کے فرزند گرامی قبلہ حجت الاسلام دانش نقوی نے شھید کی تنظیمی زندگی پر گفتگو کی۔پروگرام کے آخر میں شھید ڈاکٹر ،شھید منا،شھید وفا، شھید جلبانی ،اور شھید سیدین زیدی کے فرزندوں کی خدمت میں تجلیل شھداء شیلڈ دی گئی۔
وحدت نیوز(ملتان) مجلس وحدت مسلمین پاکستان کے زیراہتمام ملک بھر میں جاری شیعہ ٹارگٹ کلنگ کے خلاف نماز جمعہ کے بعد احتجاجی مظاہرے اور ریلیاں نکالی گئیں، دیگر صوبوں کی طرح جنوبی پنجاب کے مختلف اضلاع میں بھی یوم احتجاج منایا گیا، ملتان میں نماز جمعہ کے بعد جامع مسجد الحسین نیو ملتان سے احتجاجی ریلی نکالی گئی، ریلی کی قیادت ایم ڈبلیو ایم کے صوبائی سیکرٹری جنرل علامہ اقتدار حسین نقوی، ڈپٹی سیکرٹری جنرل سلیم عباس صدیقی، ضلعی سیکرٹری جنرل مرزا وجاہت علی، علامہ قاضی نادر حسین علوی اور مولانا عمران ظفر نے کی۔ ریلی کے شرکاء نے حکومت سے دہشتگردوں، قاتلوں اور تکفیریوں کے خلاف کارروائی کا مطالبہ کیا۔
ریلی سے خطاب کرتے ہوئے علامہ اقتدار حسین نقوی نے کہا کہ شیعہ مسلمانوں کے خلاف مسلسل ٹارگٹ کلنگ کی لہر جاری ہے، حکومت کی خاموشی قابل مذمت ہے، ڈیرہ اسماعیل، کراچی، بہاولپور میں شیعہ مسلمانوں کے خلاف جاری کارروائیاں قابل مذمت ہیں۔اُنہوں نے مزید کہا کہ افسوس کی بات ہے ابھی تک کسی بھی حکومتی عہدیدار نے ان واقعات کی مذمت تک نہیں کی، موجودہ حکومت سے مطالبہ ہے کہ حالیہ دہشتگردی کے واقعات کا فوری نوٹس لیا جائے اور دہشتگردوں کو کیفر کردار تک پہنچایا جائے، علامہ قاضی نادر حسین علوی نے خطاب کرتے ہوئے کہا کہ ملک میں ایک بار پھر منظم سازش کے تحت فرقہ وارانہ کھیل کھیلا جا رہا ہے، حکومت نے اگر اس کا فوری ایکشن نہ لیا تو آگ مزید پھیلے گی۔ اُنہوں نے نیوزی لینڈ میں نماز جمعہ پر ہونے والے بیہمانہ قتل عام کی شدید الفاظ میں مذمت کرتے ہوئے کہا کہ دشمن اس وقت اسلام سے خوفزدہ اور اسلام کے بڑھتے ہوئے رجحان سے پریشان ہے۔
وحدت نیوز(ملتان) مجلس وحدت مسلمین ضلع خانیوال کا اجلاس ایم ڈبلیو ایم جنوبی پنجاب کے صوبائی سیکرٹری جنرل علامہ اقتدار حسین نقوی کی زیرصدارت خانیوال کے مرکزی امام بارگاہ شاہ نجف لاہور موڑ میں منعقد ہوا، اجلاس میں صوبائی سیکرٹری سیاسیات مہر سخاوت علی، سابق ضلعی سیکرٹری جنرل ملتان علامہ قاضی نادر حسین علوی، صوبائی رہنما اسد عباس نوناری اور مولانا غدیر عباس شیرازی نے خصوصی طور پر شرکت کی۔ علاوہ ازیں اجلاس میں ضلع بھر کی اہم شخصیات، عزادار، عمائدین اور مختلف امام بارگاہوں کے متولیوں نے شرکت کی، اجلاس میں سردار قیصر عباس ڈب کو خانیوال کا ضلعی سیکرٹری جنرل نامزد کیا گیا۔
اس موقع پر اُستاد غلام عباس، غلام عباس کھوکھر اور دیگر رہنما بھی موجود تھے۔ علامہ قاضی نادر حسین علوی نے سردار قیصر عباس ڈب سے حلف لیا، اجلاس سے خطاب کرتے ہوئے سردار قیصر عباس ڈب کا کہنا تھا کہ ضلع میں عزاداری اور عزاداروں کو درپیش مسائل کے حوالے سے اپنا بھرپور کردار ادا کریں گے، اہلیان علاقہ اور ایم ڈبلیو ایم کی قیادت کی جانب سے نامزد کرنے پر ان کا مشکور ہوں، سردار قیصر عباس کا مزید کہنا تھا کہ بہت جلد ضلع بھر کا تفصیلی دورہ کروں گا اور تمام تحصیلوں میں موجود کارکنوں کو ساتھ لے کر چلوں گا۔
وحدت نیوز(کراچی) ڈیرہ اسماعیل خان میں جاری مسلسل ٹارگٹ کلنگ کے خلاف مجلس وحدت مسلمین پاکستان کے ملک بھر میں احتجاجی مظاہرے ملک بھر میں سو سے زیادہ مقامات پر احتجاجی ریلیاں اور مظاہروں کا انعقاد کیا گیا ،مظاہروں کی کال گزشتہ روز ایم ڈبلیوایم کے مرکزی ڈپٹی سیکرٹری جنرل سید احمد اقبال رضوی نے پریس کانفر نس میں دی تھی،ملک گیر یوم احتجاج کے حوالے سے چاروں صوبوں، آزادکشمیراور گلگت بلتستان کے تمام اہم شہروں میں بعد نما ز جمعہ جامع مساجداور پریس کلبوںکے باہر احتجاجی مظاہرے کئے گئےاور ریلیاں نکالی گئیں جس میں مظاہرین نے ہاتھوں میں بینرزاور پلے کارڈزاٹھا رکھے تھےاورڈی آئی خان کی عوام سے اظہار یکجہتی اور دہشت گردی کے خلاف شدید نعرے بازی کی گئی ،مقررین اور مظاہرین نے نیوز ی لینڈ میں دوران نماز ہونے والی دہشت گردی کی شدید مذمت بھی کی گئی ۔
ملک بھرکی طرح کراچی میں خوجہ جامع مسجد کھارادر، جامع مسجد نورایمان ناظم آباد، جامع مسجد حسینی برف خانہ ملیر اور جامع مسجد حیدری اورنگی ٹائون کے باہر احتجاجی مظاہرے منعقدہوئے، احتجاجی مظاہروں سے خطاب کرتے ہوئے ایم ڈبلیوایم کے مرکزی اور ڈویژنل رہنمائوںعلامہ سید باقرعباس زیدی، آصف رضا ایڈوکیٹ ، علامہ صادق جعفری، علامہ مبشرحسن،علامہ علی انور جعفری، علامہ نشان حیدر، علامہ ملک غلام عباس ودیگرنے کہاکہ اب تک ملک کے دیگر حصو ں سے دہشتگردی کے واقعات میں واضع کمی آئی ہے مگر ڈئی آئی خان میں یہ سلسلہ اب بھی جاری ہے ،اب تک صرف ایک ماہ میں ڈی آئی خان میں تیرہ شیعہ افراد ٹارگٹ کلنگ کا نشانہ بن چکے ہیں ،انتظامیہ کہیں نظر نہیں آتی ہر تھوڑے فاصلے پر پولیس چوکیاں موجود ہیں اس کے باوجود ناصر ف دہشت گردی کی واردتیں جاری ہیں بلکہ دہشت گرد کاروائی کر کے باآسانی فرار ہو جاتے ہیں ۔ جوکہ کے پی کے کی مثالی پولیس کی کارکردگی پر سوالیہ نشان ہے ۔
مظاہرین سے خطاب کرتے ہوئے علامہ باقرعباس زیدی نے کہا کہ آج جو واقعہ نیوز ی لینڈ میں پیش آیاہم اس کے شدید مذمت کرتے ہیں جن ممالک نے داعش اور القاعدہ جیسی دہشت گرد تنظمیں بنانے میں کردار ادا کیااور مسلم ممالک میں بربادی و تباہی مچائی اب ان ملکوںکے اندربھی مسلمان محفوظ نہیں رہے ۔ اس سے پہلے بھی کئی واقعات یورپ و امریکہ میں پیش آچکے ہیں ۔اس افسوس ناک واقعے کی جتنی بھی مذمت کی جائے کم ہے ۔ ڈی آئی خان کے حوالے سے ہم مسلسل کہتے آ رہے ہیں کہ ڈئی آئی خان میں فوری طور پر دہشت گردوں کے خلاف فوجی آپریشن کیاجائے اور خصوصا ڈی آئی خان کی بدنام زمانہ پولیس میں سے کالی بھیڑوں کا صفایا کیا جائے ۔مرکزی حکومت اور سیکورٹی ادارے ڈی آئی خان کے مسئلے پر سنجیدہ اقدامات کرنا ہونگے ورنہ ہم مجبور ہوں گئے کہ بڑے پیمانے پر احتجاج اور دھرنوں کی کال دیں ہم حکومت وقت سے مطالبہ کرتے ہیں کہ فوری طورپر کے پی کے حکومت کو پابند کرے کہ وہ ڈی آئی خان کے مسئلے کو ترجیحی بنیادوں پر حل کرنے کے لئے اقدامات کرے اور اور شہید ہونے والوں کے لواحقین کی داد رسی اور ان کی مالی مدد کرئے ۔
وحدت نیوز (پاکستان) ڈیرہ اسماعیل خان میں جاری مسلسل ٹارگٹ کلنگ کے خلاف مجلس وحدت مسلمین پاکستان کے ملک بھر میں احتجاجی مظاہرے ملک بھر میں سو سے زیادہ مقامات پر احتجاجی ریلیاں اور مظاہروں کا انعقاد کیا گیا ،مظاہروں کی کال گزشتہ روز ایم ڈبلیوایم کے مرکزی ڈپٹی سیکرٹری جنرل سید احمد اقبال رضوی نے پریس کانفر نس میں دی تھی،ملک گیر یوم احتجاج کے حوالے سے چاروں صوبوں، آزادکشمیراور گلگت بلتستان کے تمام اہم شہروں کراچی، اسلام آباد، کوئٹہ، ملتان،کوہاٹ،ڈیرہ اسماعیل خان، ٹنڈوالہیار، بدین، نوشہروفیروز، خیرپور، جیکب آباد، ماتلی،کشمور،مٹیاری،جامشوروسمیت دیگر میں بعد نما ز جمعہ جامع مساجداور پریس کلبوںکے باہر احتجاجی مظاہرے کئے گئےاور ریلیاں نکالی گئیں جس میں مظاہرین نے ہاتھوں میں بینرزاور پلے کارڈزاٹھا رکھے تھےاورڈی آئی خان کی عوام سے اظہار یکجہتی اور دہشت گردی کے خلاف شدید نعرے بازی کی گئی ،مقررین اور مظاہرین نے نیوز ی لینڈ میں دوران نماز ہونے والی دہشت گردی کی شدید مذمت بھی کی گئی ۔
ان احتجاجی مظاہروں سے ایم ڈبلیوایم کے رہنماعلامہ باقرعباس زیدی، آصف رضا ایڈوکیٹ ، علامہ ضیغم عباس، ملک اقرارحسین، علامہ ہاشم موسوی، علامہ مقصودڈومکی،علامہ اقتدارحسین نقوی، منور جعفری، علامہ مبشر حسن، علامہ علی انورجعفری، علامہ نشان حیدر، میر فائق علی، علامہ دوست علی، علامہ عبدالحسین، عدیل عباس سمیت دیگر نے خطاب کرتے ہوئے کہاکہ ڈیرہ اسماعیل خان اہل تشیع کی مقتل گاہ بن چکاہے، نئے پاکستان میں بھی ڈیرہ اسماعیل خان میں امن کا خواب شرمندہ تعبیر نا ہوسکا، ڈیرہ کی عوام کو پی ٹی آئی حکومت سے قوی امیدیں وابستہ تھیں لیکن وہ امیدیں بھی دم توڑ گئیں،روزانہ لاشیں اٹھا اٹھاکر ڈیرہ کے عوام تھک چکے ہیں، وزیر اعظم عمران خان اور آرمی چیف ڈیرہ میں جاری مسلسل شیعہ ٹارگٹ کلنگ کا فوری نوٹس لیں،ہمارے صبرکا مزید امتحان نہ لیا جائے، ایسا نا ہوکے ہم ملک بھرمیں نا ختم ہونے والے احتجاج کی کال دینے پر مجبور ہوجائیں۔
مقررین نے نیوزی لینڈ میں مسجد پر دہشت گرد حملے اور قیمتی انسانی جانوں کے نقصان پر بھی شدید افسوس اور غم وغصے کا اظہار کیا ، رہنمائوں نے کہاکہ عالمی دہشت گردی کو پروان چڑھانے والے مغربی ممالک اب خود لگائی آگ میں جھلس رہے ہیں، اس سفاکانہ حملے میں ملوث ایک سفید فام کی شناخت کو چھپانے کی مکروہ کوشش کی جارہی ہے ، مغربی ممالک مسلمانوں کی جان ومال کے تحفظ کو یقینی بنائیں ۔
