وحدت نیوز(اصفہان) مجلس وحدت مسلمین شعبہ اصفہان کی جانب سے بیاد شہدا سیمینار خصوصاً سفیر انقلاب شہید ڈاکٹر محمد علی نقوی کی 24 ویں برسی منعقد کیا گیا, پروگرام کا آغاز تلاوت کلام پاک سے ہوا، شہدا کی یاد میں برادران نے ترانہ شہادت پڑھ کر نذرانہ عقیدت پیش کیا. بیاد شہدا سیمینار سے قائد وحدت، ناصر ملت حجۃالاسلام و المسلمین علامہ راجہ ناصرعباس جعفری (حفظ اللہ) نے خصوصی خطاب کیا. انھوں نے اپنے خطاب میں شہدا ملت، خصوصاً شہید ڈاکٹر محمد علی نقوی کی زندگی اور شہید کے افکار پہ روشنی ڈالی اور اسکے ساتھ ساتھ علماء کرام اور طلاب کی ذمہ داریوں کے حوالے سے مفصل گفتگو کی. سیمینار میں مجلس وحدت مسلمین کے مرکزی سیکرٹری امور خارجہ علامہ ڈاکٹر سید شفقت حسین شیرازی صاحب کے ساتھ ساتھ المصطفی انٹرنیشنل یونیورسٹی اصفہان کے طلاب، علماء کرام نے مثالی اور بھر پور انداز میں شرکت کی۔

وحدت نیوز(پاکپتن) مجلس وحدت مسلمین پاکپتن کے ضلعی سیکریٹری جنرل طالب حسین اسدی مرحوم کا چہلم, علی حسین ایم ڈبلیوایم ضلع پاکپتن کے نئے سیکرٹری جنرل نامزد،تفصیلات مجلس وحدت مسلمین پاکستان پاکپتن کے مرحوم سیکرٹری جنرل مخدوم طالب حسین اسدی کی رسم چہلم ان کی رہائش گاہ پر ادا گئی اس موقعہ پرایم ڈبلیوایم کے مرکزی ڈپٹی سیکرٹری جنرل سید ناصر عباس شیرازی، صوبائی رابطہ سیکرٹری رائے ناصر علی اور ضلع لاہور کے سیکرٹری جنرل علامہ سید حسن رضا ہمدانی نے مجلس چہلم میں شرکت کی جس کے بعد کابینہ اراکین کا اجلاس ہوا جس میں صوبائی نمائندہ رائے ناصر علی نے برادر علی حسین کو قائم مقام سیکرٹری جنرل نامزد کیا اور اختیارات سپرد کئے،اجلاس میں مرکزی کنونشن میں ضلع سے بھر پور شرکت پر زور دیا گیا۔اجلاس میں مرحوم سیکرٹری جنرل مخدوم طالب حسین اسدی کو زبردست خراج عقیدت پیش کیا گیا اور ان کے مشن کو جاری رکھنے کا عزم کیا گیا،نامزد سیکرٹری جنرل علی حسین یونٹ سازی کا جائزہ لے کر مئی میں ضلعی کنونشن کا انعقاد کریں گے۔

وحدت نیوز (اسلام آباد) لاپتہ افراد کا مسئلہ اب حل ہو جاناچاہئے، اسلامی جمہوریہ پاکستان کے آئین سے متصادم اقدامات کی کوئی توجیح پیش نہیں کی جاسکتی۔ گمشدہ افراد کے لواحقین کی بے چینی بڑھتی جار ہی ہے ان خیالات کا اظہا رمجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے میڈیاسیل سے جاری بیان میں کیا ۔

انہوں نے کہا کہ لاپتہ افراد کے عالمی دن کے موقع پر دنیا بھر کے ان مظلوم خاندانوں کے ساتھ اظہار یکجہتی کرتے ہیں جن کے پیارے لاپتہ ہیں۔پاکستان میں کئی ہزار افراد لاپتہ ہیں جن کے حوالے سے کوئی ادارہ گمشدہ افراد کے لواحقین کی داد رسی کرنے کو تیار نہیں جو کہ نہایت افسوس ناک ہے۔

ناصرشیرازی نے مزید کہاکہ گمشدہ افراد کی فوری ایف آئی آر ز مقامی تھانوں میں اندارج کے لئے آسانی ہونی چاہئے اور اگر کوئی بھی فرد ملکی قوانین یا سا لمیت کے خلاف کام کررہا ہو تو اس کے خلاف آرٹیکل 9اور10کے تحت کاروائی ہونی چاہئے۔ قانون کی پاسدار ی ہر ادارے پر لازم ہے کوئی ادارہ قانون سے بالاتر نہیں نئی حکومت سے توقع تھی کہ وہ اس مسئلے پر توجہ کرئے گی لیکن ابھی تک سنجیدہ اقدامات دیکھنے کو نہیں ملے۔

وحدت نیوز (کراچی) ملتانی محلہ اورنگی ٹاؤن میں تکفیری دہشت گردوں کی فائرنگ سے شہید ہونے والے جوان وجاہت عباس کی نماز جنازہ مسجد حیدر کرار ع اورنگی ٹائون پونے پانچ نمبر میں مجلس وحدت مسلمین کراچی ڈویژن کے سیکریٹری جنرل اور امام جمعہ والجماعت علامہ صادق جعفری کی زیر اقتداء ادا کردی گئی، شہیدوجاہت عباس کو آہوں اور سسکیوں میں مقامی قبرستان میں سپردخاک کردیا گیا، اس موقع پر جعفریہ الائنس کے ایڈیشنل جنرل سیکریٹری شبر رضا ، ایم ڈبلیوایم کراچی ڈویژن کے ڈپٹی سیکریٹری جنرل علامہ مبشر حسن سمیت علمائے کرام سیاسی وسماجی شخصیات ،علاقہ عوام اور پسماندگان بڑی تعداد میں شریک تھے۔بعد ازاں ایم ڈبلیوایم کے وفد نے شہید کے گھرجاکر اہل خانہ سے تعزیت کا اظہارکیا اور فاتحہ خوانی کی، واضح رہے کہ شہید وجاہت عباس چند روز قبل اٹلی سے اپنے بھائی کی شادی میں شرکت کی غرض سے پاکستان واپس آئے تھے جنہیں دو روز قبل تکفیری دہشت گردوں نے فائرنگ کرکے شہید کردیا تھا۔

وحدت نیوز(ٹنڈومحمدخان) مجلس وحدت مسلمین ضلع ٹنڈومحمدخان کیجانب سے جامع مسجدعلیؑ سے تیرہ رجب المرجب کے سلسلے میں جشن مولودکعبہ ریلی نکالی گئی ریلی کی قیادت مرکزی ڈپٹی سیکریٹری جنرل علامہ سید احمد اقبال رضوی،ضلعی سیکریٹری جنرل مولانا محمد بخش غدیری نے کی جشن مولود کعبہ ریلی شہر کے مختلف راستوں سے ہوتی ہوئی جامع مسجدعلیؑ پہ اختتام پذیر ہوئی دؤران ریلی سید محمد علی شاہ و فرزندان کیجانب سے حضرت علی ابن ابیطالبؑ کی ولادت کے سلسلے میں کیک کاٹنے کی تقریب رکھی گئی تھی جس میں سید علامہ احمد اقبال رضوی نے کیک کاٹا دوسری جانب جامع مسجدعلیؑ کے رضاکاران فراز(شیعہ) علی رضا اور زاھد بھرانی کیجانب سے کیک کاٹنے کی تقریب رکھی گئی جس میں بھی سید علامہ احمد اقبال رضوی نے کیک کاٹا ،ریلی میں کثیر تعداد میں مومنین نے شرکت کی بعداز ریلی مرکزی جامع مسجدعلیؑ میں جشن میلاد منعقد کیا گیا جشن میلاد سے سید احمد اقبال رضوی نے خطاب کیا۔جشن مولود کعبہ ریلی وجشن میلاد کے انعقاد میں مقامی مومنین نے بھرپور تعاون کیا ،جشن مولود کعبہ ریلی میں امامیہ اسکائوٹس نے سیکیورٹی کے فرائض انجام دئے ساتھ ہی پولیس انتظامیہ روایتی انداز اپناتے ہوئے ریلی کو فل پروف سیکیورٹی فراہم کی اور بھرپور تعاون کیا جو کہ قابل تعریف و قابل ستائش ہے۔

وحدت نیوز(کراچی) 23مارچ یوم پاکستان کے موقع پرمجلس وحدت مسلمین کی مرکزی قیادت کی اپیل پر ملک بھر میں وطن عزیز کی سلامتی اور استحکام کے لیے دعائیں مانگی گئیں اور شکرانے کے نوافل ادا کیے گئے۔مجلس وحدت مسلمین کراچی ڈویثرن کی جانب سے یوم پاکستان کے حوالے سے شہر کے مختلف علاقوں میں تقریبات منعقد کی گئیں اور شہدائے پاکستان کو خراج عقیدت پیش کیا گیا۔ایم ڈبلیوایم صوبہ سندھ کے سیکرٹری سیاسیات علی حسین نقوی ودیگر رہنماؤں نے وفد کے ہمراہ مزار قائد پر حاضری دی اور فاتحہ خوانی کی وطن عزیر کی سلامتی و خوشحالی کیلئے خصوصی دعا کرائی۔

 اس موقع پر میڈیا سے گفتگو کرتے ہوئے رہنماء علی حسین نقوی کا کہنا تھا کہ پاکستان ہماری شناخت اور رب کریم کی طرف سے عطاکی گئی ایک عظیم نعمت ہے۔ہمارا یہ وطن ہماری مذہبی آزادی، ہمارے عقیدوں کے تحفظ اور نسلوں کی بقا کا ضامن ہے۔ہمیں اپنی جان و مال سے بڑھ کر اس کی حفاظت کرنا ہو گی۔حب الوطنی کے جذبے سے سرشار ہوکر ہر دشمن کے خلاف ہمیں سیسہ پلائی ہوئی دیوار بننا ہے ۔ہمیں اپنے اتحاد،وحدت، باہمی احترام اور رواداری سے ملک دشمن سازشوں کو شکست دینا ہو گی۔23مارچ تجدید عہد وفا کا دن ہے یہ ارض وطن خداوند کریم کی بر صغیر کے مسلمانوں کیلئے نعمت ہے کسی ملک و اسلام دشمن قوتوں کے ایجنڈے کو اس ملک میں کامیاب نہیں ہونے دیں گے۔بانیان پاکستان قائد اعظم محمد علی جناح ؒ و مفکر پاکستان علامہ محمد اقبالؒ اور شہدائے پاکستان کو سلام عقیدت پیش کرتے ہیں،اس موقع پر صوبائی رہنما ناصر حسینی و دیگر موجود تھے۔