وحدت نیوز (جعفرآباد) مجلس وحدت مسلمین بلوچستان کے زیر اہتمام ضلع جعفر آباد میں دو روزہ اسکاؤٹس کیمپ منعقد ہوئی۔ اس موقعہ پراسکاؤٹس کیمپ سے صوبائی سیکریٹری جنرل علامہ مقصود علی ڈومکی ،صوبائی ڈپٹی سیکریٹری جنرل مولانا سید ظفر عباس شمسی اور مولانا سیف علی حیدری نے خطاب کیا۔اس موقعہ پرخطاب کرتے ہوئے علامہ مقصود علی ڈومکی نے کہا کہ اہل ایمان کی محبت اور نفرت کا معیار خدا کا دین ہوتا ہے۔ لہذا نوجوان، دوست اور دشمن کے لئے قرآنی معیار کو مدنظر رکھیں ۔ اہل ایمان کے لئے خدا کے دشمن سے دوستی رکھنا ممکن نہیں۔ امریکہ اور اسرائیل مردہ باد کا نعرہ اسی اصول کی بنیاد پر ہے۔