وحدت نیوز(اسلام آباد) خیر العمل ویلفیئر ٹرسٹ شعبہ فلاح وبہبود مجلس وحدت مسلمین پاکستان کے چیئرمین علامہ سید باقرعباس زیدی نے مرکزی سیکریٹریٹ سے جاری ایک ہدایات نامے میں ایران کے سیلاب متاثرین کی امدادی مہم کے حوالے سے کہاہے کہ تمام صوبائی سیکریٹری جنرل اور سیکرٹری خیر العمل ویلفیئرٹرسٹ ایران میں سیلاب زدگان کے لئے جمع کی جانے والی نقدرقوم کی جمع آوری کے ذمہ دارہوں گے۔ملک بھرکی مساجد ، امام بارگاہوں اور آبادیوں میںامدادی کیمپس لگائے جائیں ،لیکن ہر کیمپ کی ہماہنگی صوبائی سیکریٹری جنرل اوصوبائی رسیکریٹری خیر العمل ویلفیئر ٹرسٹ سے کی جائے۔مجلس وحدت مسلمین کی رسیدیں اس مقصد کے لئے استعمال کی جائیں جس کا حساب اور آڈٹ باقاعدہ کیا جائے، مخیرین سے ہر قسم کی امداد قبول کی جائے گی۔صوبائی مسئول خیر العمل کی ذمہ داری ہے کہ وہ نقد رقوم کو جمع کرکے خیر العمل ویلفیئر ٹرسٹ کے مرکزی سیکریٹری یا مرکزی دفتر تک پہنچائے۔