وحدت نیوز(لاہور) معروف شیعہ رہنما مرحوم حیدر علی مرزا کے فرزند ارجمند جناب امیر عباس مرزا نے اپنے بیٹے شجاع عباس مرزا کے ہمراہ قائد وحدت چیئرمین مجلس وحدت مسلمین پاکستان جناب سنیٹر حجت الاسلام و المسلمین علامہ راجہ ناصرعباس جعفری سے ان کی رہائش گاہ پر ملاقات کی اور انہیں سنیٹر بننے پر مبارک باد پیش کی اس موقعہ پر مرکزی سیکرٹری سیاسیات جناب سید اسد عباس نقوی بھی موجود تھے ۔
علامہ راجہ ناصر عباس جعفری نے امیر عباس مرزا اور ان کے فرزند شجاع عباس مرزا کا شکریہ ادا کیا جنہوں نے خصوصی طور پر لاہور سے اسلام آباد آکر انہیں سنیٹر بننے کی مبارک باد دی ۔سنیٹر علامہ راجہ ناصر عباس جعفری نے مرحوم حیدر علی مرزا کی ملت کے لئے گران قدر خدمات کو یاد کیا اور سراہا ۔
ملاقات بڑے خوشگوار ماحول میں ہوئی اور دو طرفہ باہمی امور پر تبادلہ خیال کیا گیا ۔ امیر عباس مرزا نے قبلہ علامہ راجہ ناصر عباس جعفری صاحب کا ملاقات کے لئے خصوصی وقت دینے کا شکریہ ادا کیا ۔
