وحدت نیوز(سخی سرور)قائد وحدت علامہ راجہ ناصرعباس جعفری کے حکم پر ملک بھر کی طرح آج سربراہ حماس شہیداسماعیل ہانیہ کے مظلومانہ قتل و فلسطین پر جاری اسرائیلی جارحیت اور پاراچنار میں جاری دہشتگردی کے خلاف مجلس وحدت مسلمین سخی سرور و مدرسہ جامعۃ الحسین سخی سرور کی جانب سے بعد نماز جمعہ امام بارگاہ حیدریہ سے احتجاجی ریلی نکالی گئی ۔
احتجاجی ریلی میں سخی سرور کے مومنین کی کثیر تعداد نے شرکت کی ریلی کے شرکاء سے رہنما مجلس وحدت مسلمین ڈی جی خان زوار جہانزیب مہدوی و مولانا نیاز حسین نے خطاب کیا، اسرائیل و امریکہ کے خلاف شدید نعرے بازی کی گئی مسئلہ فلسطین پر عرب ممالک سمیت تمام امت مسلمہ کی خاموشی قابل مزمت ہے پارہ چنار میں جاری دہشتگردی و مومنین کے مظلومانہ قتل پر ریاست پاکستان و سیکورٹی اداروں کی خاموشی پر سوالیہ نشان ہے ؟
