وحدت نیوز(لندن) مجلس وحدت مسلمین برطانیہ کے صدر مولانا ابرارحسینی نے اپنے تعزیتی پیغام میں کہا ہے کہ کشمیر میں مجلس کے ایک مخلص اور عالم باعمل حجۃ الاسلام والمسلمین سید تصور حسین جوادی کے ارتحال کی خبر سن کر دلی دکھ اور افسوس ہوا۔حجۃ الاسلام والمسلمین علامہ تصور حسین جوادی ایک پاکیزہ اور بہادر انسان تھے۔ وطن عزیز کے دشمنوں نے کچھ مدت پہلے ان پر قاتلانہ حملہ کیا جس میں وہ شدید زخمی ہوگئے اور بعد ازاں اسی بنا پر شہید ہوگئے۔
ہم بیرون ملک یوکے میں تمام علما کرام اور ارکان مجلس اس غم کی گھڑی میں علامہ سید تصور حسین جوادی کے اہل خانہ، ، تمام ساتھیوں اور علمائے کرام کی خدمت میں تسلیت و تعزیت پیش کرتے ہیں۔ پروردگار مرحوم کے درجات بلند فرمائے اور خانوادہ کو صبر جمیل عطا کرے۔
