وحدت نیوز(کویت) خاتم الانبیاء ویلفیئر سوسائٹی کویت (مجلس وحدت مسلمین کویت ) کی سینٹرل ایگزیکٹو کمیٹی کا اجلاس زیر صدارت سید شہباز شیرازی انکی رہائشگاہ سلوی پرمنعقد ہوا، جس میں تمام سینئر ارکان نے شرکت کی، پانچ سال سے موجودہ صدر مجلس وحدت مسلمین کویت برادر سیف علی کی تنظیمی قیادت پر بھرپور اعتماد کا اظہار کیا گیا اور انکی سربراہی میں ایک سات رکنی کمیٹی کا قیام عمل میں آیا جوآئندہ تین سال کیلئے ایم ڈبلیوایم کویت کےصدر کے انتخاب سے قبل تین ماہ کے عرصے میں رکنیت سازی مہم کے ذریعے تنظیم کی تعارفی مہم اور ممبرسازی کے مرحلے کے بعد نئے صدر کے انتخاب کیلئے زمینہ فراہم کرے گی۔
اراکین سے خطاب کرتے ہوئے مرکزی نمائندہ سید شہباز شیرازی نے کہا کہ آج قوم کو چیئرمین مجلس وحدت مسلمین، قائدوحدت ، ناصر ملت علامہ راجہ ناصر عباس جعفری حفظہ اللہ کہ صورت میں ایک مخلص انتھک نڈر بے باک شجاع اور بابصیرت قیادت میسر ہے جس نے ہمیشہ مشکل حالات میں قوم کی رہنمائی اور کارواں وحدت کو کامیابی کی منزل سے ہمکنار کیا ہے، تمام ارکان نے قائدوحدت کی قیادت پر غیر متزلزل یقین اور انکا بھرپور ساتھ دیتے رہنے اور انکے مظبوط ہاتھوں کو مزید مضبوط کرنے کے عزم کا اظہار کیا۔
