وحدت نیوز(سکردو)سیکریٹری جنرل مجلس وحدت مسلمین گلگت بلتستان آغا علی رضوی،ڈپٹی سیکریٹری جنرل مجلس وحدت مسلمین گلگت بلتستان شیخ احمد علی نوری اور سینئر رہنما مجلس وحدت مسلمین گلگت بلتستان متفقہ امیدوار ایم ڈبلیو ایم و پی ٹی آئی حلقہ دو سکردو کاظم میثم نے عمائدین شھید جعفر کالونی گمبہ سکردو کی خصوصی دعوت پر آج شھید جعفر کالونی گمبہ سکردو کا دورہ کیا جہاں شھید جعفر کالونی گمبہ سکردو کے علماء،زعماء، عمائدین سے ملاقات اور گلگت بلتستان کے سیاسی اور حلقے کے سیاسی صورت حال پر تفصیلی گفتگو ہوئی۔
اس موقع پر علماء زعماء سرکردگان شھید جعفر کالونی گمبہ سکردو کے عمائدین نے مجاھد ملت آغا علی رضوی کے انتخاب آپکی قیادت اور مجلس وحدت مسلمین کی بابصیرت قیادت پر مکمل اعتماد کا اظہار کیا اور آئندہ انتخابات میں بھر پور ساتھ دینے کا اعلان کیا۔ آغا علی رضوی،شیخ احمد نوری اور کاظم میثم نے انکی حوصلہ افزائی پر شکریہ ادا کیا۔
