وحدت نیوز(راولپنڈی)مجلس وحدت مسلمین گلگت بلتستان کے صدر مجاہد ملت آغاعلی رضوی کی سربراہی میں سیاسی کونسل اور ایم ڈبلیو ایم جی بی کے وفد جس میں اپوزیشن لیڈر گلگت بلتستان اسمبلی کاظم میثم، رکن جی بی کونسل و پولیٹیکل سیکریٹری مجلس وحدت مسلمین گلگت بلتستان شیخ احمد علی نوری، رکن شوری عالی کاچو زاہد علی خان، سینئر رہنما کاچو ولایت علی خان، سید الیاس موسوی،الطاف حسین، شاہد حسین نے پنجاب اسمبلی کی سیٹ پر راولپنڈی سے منتخب ہونے والے ایم ڈبلیو ایم کے امیدوار اسد عباس سے ملاقات کی۔ انکی بھرپور کامیابی پر انکو مبارکبادی دی اور مشکل ترین حالات میں جس انداز میں مقابلہ کیا اسے قابل تحسین قرار دیا اور راولپنڈی کے عوام پر مجلس وحدت پر اعتماد کا نتیجہ قرار دیا۔
وفد نے اس توقع پر اظہار کیا کہ پنجاب اسمبلی میں مظلوموں اور محروموں کی آواز بنیں گے۔ اسد عباس نے وفد کی آمد پر انکا شکریہ ادا کیا۔
