وحدت نیوز (سکردو) سندوس , کتپناہ , رنگاہ ,رزسنا حوطو اور کواردو میں جاری کٹاؤ کے حوالے سے سیکرٹری جنرل مجلس وحدت مسلمین گلگت بلتستان آغا علی رضوی نے ایکشن لیتے ہوئے وفد کی صورت میں ڈپٹی کمشنر حافظ کریم داد چغتائی سے ملاقات کی اس موقع پر اے سی سکردو شہریار شیرازی اور ڈیزاسٹر مینیجمنٹ سیل کے ڈائریکٹر زبیر بھی موجود تھے-
وفد میں آغا علی رضوی , معروف سماجی شخصیت حسن حسرت , ترجمان مجلس وحدت مسلمین بلتستان رسول میر , حاجی بشیر اور سید اطہر شامل تھے- مسئلے کی فوری حل کے لئے ڈپٹی کمشنر نے ہنگامی طور پر انتظامیہ کی اجلاس بلاکر حکمت عملی مرتب کرنے کا وعدہ کیا- کل ڈی سی سکردو انتظامی اراکین کے ساتھ متاثرہ علاقوں کا دورہ کرینگے- ندی نالوں اور دریا میں بڑھتی ہوئی طغیانی کے پیش نظر ہنگامی بنیاد پہ حفاظتی اقدامات کا جائزہ لینگے-
