وحدت نیوز(شگر)مجلس وحدت مسلمین گلگت بلتستان کے سیکرٹری جنرل آغا علی رضوی کی زیر صدارت شگر کابینہ کا اہم اجلاس منعقد ہوا، جس میں الیکشن کے بعد کی صورتحال اور دیگر ایشوز پر تبادلہ خیال کیا گیا۔ آغا علی رضوی نے انتخابات میں ایم ڈبلیو ایم کی پالیسی پر عمل کرتے ہوئے انتخابات میں پاکستان تحریک انصاف اور مجلس وحدت مسلمین کے متفقہ امیدوار راجہ اعظم خان کا بھرپور ساتھ دے کر کامیاب کرانے پر ایم ڈبلیو ایم ضلع شگر کے مسئولین کو خراج تحسین پیش کیا۔
اس موقع پر آئندہ کے لائحہ عمل پر بھی گفت و شنید ہوئی۔ اجلاس میں سیکرٹری جنرل مجلس وحدت مسلمین ضلع شگر شیخ اشرف شگری، شیخ زکاوت، شیخ کاظم ذاکری، شیخ اسماعیل، اخوند ظہیر اور دیگر رہنماء شریک تھے۔ اجلاس کے آخر میں ایم ڈبلیو ایم گلگت بلتستان کے رہنما ڈاکٹر علی گوھر کے ایصال ثواب کے لئے فاتحہ خوانی بھی کی گئی۔
