وحدت نیوز(کوئٹہ) وزیر اعلی بلوچستان کی مشیر برائے کوئٹہ ڈویلپمنٹ اتھارٹی اور پارٹی ترجمان محترمہ بشری رند صاحبہ نے مجلس وحدت مسلمین کے سابق رکن بلوچستان اسمبلی اور وزیر قانون آغاسید محمد رضا کے فنڈ سے زیر تعمیر ریزیڈینشل ا سکول کا دورہ کیا، اس موقع پر آغا رضا، ایم ڈبلیوایم کے صوبائی رہنما کیپٹن(ر) حسرت اللہ چنگیزی اور دیگر سرکاری افسران بھی موجود تھے، وزیر اعلی بلوچستان کی مشیر برائے کوئٹہ ڈویلپمنٹ اتھارٹی اور پارٹی ترجمان محترمہ بشری رند صاحبہ نے  ریزیڈینشل ا سکول کی عمارت کے معائنے کے بعد گفتگو کرتے ہوئےکہاکہ تعمیراتی کام کا معیار بہت اعلیٰ ہے جوکہ قابل تعریف ہے، انہوں نے ریزیڈینشل ا سکول کو ایک عظیم الشان اور بےنظیر پروجیکٹ قراردیا۔