وحدت نیوز (ہری پور) سیکرٹری جنرل مجلس وحدت مسلمین خیبر پختونخواہ کا وفد کے ہمراہ ہری پور کے مختلف علاقوں سرائے صالح، ہری پور شہر اور دور افتادہ پہاڑی علاقے کوہمل سیداں کا دورہ، وفد میں صوبائی سیکرٹری جنرل علامہ سبطین حسینی کے ہمراہ ڈپٹی سیکرٹری جنرل علامہ وحید عباس کاظمی اور سیکرٹری میڈیا شامل تھے۔ اس موقع پر کوہمل سیداں میں واقع مسجد علی (ع) کے توسیعی منصوبے کا جائزہ لیا گیا۔ ہری پور شہر میں منعقدہ ملاقات میں علامہ سبطین حسینی نے مختلف سیاسی شخصیات کو ایم ڈبلیو ایم کے نصب العین سے آگاہ کیا۔