وحدت نیوز(ہریپور)مجلس وحدت مسلمین ضلع ہری پور کے زیراہتمام رہبر کبیر انقلاب اسلامی امام خمینی رھ اور شہدائے پاراچنار کے چہلم کے حوالے سے ایک تقریب کا اہتمام کیا گیا، جس میں ایم ڈبلیو ایم کے صوبائی صدر علامہ جہانزیب علی جعفری، صوبائی جنرل سیکرٹری شبیر حسین ساجدی اور صوبائی سیکرٹری عزاداری سیل نئیر جعفری نے خطاب کیا۔ اس موقع پر مقررین نے امام خمینی رھ کی خدمات کو شاندار الفاظ میں خراج عقیدت پیش کرتے ہوئے کہا کہ امام راحل نے دنیا کے سامنے دین اسلام کو ایک حقیقت پسند اور انقلابی مذہب کے طور پر پیش کیا، انسانیت کو انسانی غلامی کی زنجیروں سے آزاد کرکے خدا کی غلامی میں دینے کا اصول پیش کیا۔ علاوہ ازیں انہوں نے شہدائے تری منگل پاراچنار کے قاتلوں کی فوری طور پر گرفتاری اور انہیں کیفر کردار تک پہنچانے کا مطالبہ کیا۔