وحدت نیوز(کراچی)مجلس وحدت مسلمین کراچی ڈویژن کے ڈپٹی سیکرٹری اطلاعات برادر نیئر علی کے والد سید فصیح الحسن زیدی طویل علالت کے بعد انتقال کر گئے ۔ان کے انتقال پر ملال پر مجلس وحدت مسلمین سندھ کے صدر علامہ باقر عباس زیدی، رہنما علامہ مختار امامی، علامہ صادق جعفری، علامہ مبشر حسن، علامہ ملک عباس، علامہ سجاد شبیر رضوی، علامہ نقی نقوی، علامہ حیات عباس نجفی، علامہ نشان حیدر، علامہ علی انور جعفری، سید علی حسین نقوی، ناصر الحسینی، حیدر زیدی، زین رضوی، حسن رضا، کلیم رضا، احسن عباس رضوی، کاظم عباس، سید علی احمر سمیت دیگر علماء و ذاکرین اور تنظیمی ذمہ داران نے برادر نیئر علی کو ان کے والد کے انتقال پر تعزیت پیش کی ۔

مرحوم کی نماز جنازہ گزشتہ روز بعد نماز ظہرین مسجد و امام بارگاہ خیر العمل انچولی فیڈرل بی ایریا میں علامہ سید حسن ظفرنقوی کی زیر اقتداء ادا کی گئی جبکہ تدفین وادی حسین قبرستان سپر ہائی وے میں کی گئی۔جس میں مختلف شیعہ تنظیمات کےرہنماؤں نے کثیر تعداد میں شرکت کی، مرحوم کے ایصال ثواب کیلئے فاتحہ خوانی و مجلس سوئم 5 اکتوبر بروز جمعرات بعد نماز مغربین امام بارگاہ شریکتہ الحسینؑ گلستان جوہر بلاک۔16 میں منعقد کی جائے گی۔