وحدت نیوز(ٹھٹھہ)مجلس وحدت مسلمین ضلع ٹھٹھہ کی شوری کا اجلاس صوبائی سیکرٹری جنرل علامہ باقر عباس زیدی صاحب کی صدارت میں حسینی مسجد سادات شکرالاہی محلہ ٹھٹھہ میں منعقد کیا گیاجس میں صوبائی سیکرٹری تنظیم سازی مولانا انور جعفری، مولانا علی گوھر ایمانی، مولانا غلام شبیر، مولانا ایاز علی کے علاوہ ڈسٹرکٹ کے تمام یونٹس کے عھدیداران نے بھرپور شرکت کی، ضلعی شوریٰ اجلاس کا تلاوت قرآن پاک سے آغاز کیا، بعد میں آئے ہوئے مہمانوں کو سندھی ثقافتی اجرک کے تحفے پیش کیے گئے.
بعد ازاں ضلع کی معروف سماجی اور مذہبی شخصیت ڈاکٹر عبدالحسین شاہ (شبیر شاہ) کو آئندہ تین سال کیلئے کثرت رائے سے ایم ڈبلیوایم ضلع ٹھٹھہ کا سیکریٹری جنرل منتخب کیا گیا جن سےصوبائی سیکریٹری جنرل علامہ باقر زیدی صاحب نے حلف لیا، پوری ضلعی شوریٰ نے بہرپور اعتماد کا اظہار اور ساتھ نبھانے کا وعدہ کیا۔
