وحدت نیوز (کراچی) مجلس وحدت مسلمین پاکستان شعبہ تبلیغات کے مرکزی سیکرٹری علامہ اعجاز حسین بہشتی نے نارتھ کراچی سرجانی امام بارگاہ میں شہید عرفان حیدر کی برسی سے خطاب کرتے ہوئے کہا کہ شہداء ملت جعفریہ اس قوم کی امانت ہے جس کی خون کی حفاظت ہماری ذمہ داری ہے، پاکستان بنے سے اب تک اس پاک سر زمین کے لئے سب سے ذیادہ قربانی مکتب تشیع کے جوانوں نے دی ہے، پاکستان کے دشمنوں کی ہمیشہ سے یہی خواہش رہی ہے کہ ملک عزیز میں فرقہ واریت کو فروغ ملے مگر مکتب تشیع نے آئے روزاپنے بے گناہ محب وطن جوانوں کے جنازے اٹھائے ہیں لیکن کبھی فرقہ واریت کو فروغ نہیں دیا۔

علامہ اعجاز بہشتی کا مزید کہنا تھا کہ طالبان ، داعش اور ان جیسے دیگر دہشت گرد تنظیمں زمانے کے خوارج ہے جن کا مقصد صرف اور صرف اسلام کے روشن چہرہ کو مسخ کرنا اور مسلمانوں میں تفرقہ بازی کرنا ہے۔اسلام امن کا گہوارہ ہے ان سفاک دہشت گردوں کا سلام سے دور کا بھی تعلق نہیں ہیں یہ دہشت عالمی طاقتوں کا پیدا کردہ ہیں جو پیٹرول ڈالر سے پلتے ہیں اور مسلمانوں میں فتنہ و فساد پھیلاتے ہیں اور بے گناہوں کا قتل عام کرتے ہیں ان دہشت گردوں کی اور ان کی سر پرستی کرنے والوں کی جتنی مذمت کی جائے کم ہے۔ تما م عالم اسلام کو بے دار اور متحد رہنے کی ضرورت ہے تاکہ اسلام کے خلاف اس منظم سازش کو ناکام بنایا جاسکے ہمیں چاہیے کہ ہم امن و بھائی چارگی کو فروغ دیں اور ہمارے صفوں میں موجود کالی بیڑوں کے چہروں کو بے نقاب کریں۔ جب تک ہم پاکستان میں متحد نہیں ہونگے اور پاکستان کی کامیابی اور ترقی کے لئے مل کر کام نہیں کرنگے تب تک ہم کامیاب نہیں ہوسکتے۔