وحدت نیوز(ملتان)جلس وحدت مسلمین پاکستان کے وائس چیئرمین علامہ سید احمد اقبال رضوی نے ملتان میں آزادی فلسطین مارچ سے خطاب میں کہاکہ پاکستان کے حکمران اسرائیل نارملائزیشن کی شیطانی چالوں سے باز رہیں، ایک سازش کے تحت پاکستان سے وفود اسرائیل بھیجے جس سے حکمرانوں کی فلسطینیوں سے دشمنی واضح ہے، ریاست صرف فلسطین ہے دو ریاستی فارمولہ مسترد کرتے ہیں، امریکہ کا تسلط دنیا پر کمزور ہو چکا ہے، دنیا کی مزاحمت اور بیداری نے امریکی ہیبت کو توڑ دیا ہے، اس وقت دنیا میں تمام حریت پسند قومیں فلسطین کے ساتھ ہیں جبکہ حکمران طبقہ اور ظالمین اسرائیل کی پشت پر نظر آتا ہے، آزادی فلسطین قریب ہے اور اسرائیل نابود ہو کر رہے گا۔