The Latest
وحدت نیوز(کوئٹہ) مرکزی شعبہ تربیت مجلس وحدت پاکستان کی طرف سے 10 روزہ بصیرت افزائی کورس کا انعقاد صوبائی دفتر مجلس وحدت مسلمین کوئٹہ میں منعقد کیا جا رہا ہے جس کے استقبالیہ پروگرام میں بلوچستان کے سیکرٹری جنرل حجت الاسلام والمسلمین جناب مقصود ڈومکی، ڈپٹی جنرل شعبہ قم حجت الاسلام والمسلمین جناب میثم ہمدانی، ڈپٹی سیکرٹری جنرل کوئٹہ ڈویژن حجت الاسلام والمسلمین جناب ولایت عباس، ڈپٹی سیکرٹری جنرل شعبہ اصفہان برادر تصور علی مھدی، ایم پی اے بلوچستان سید آغا رضا و مرکزی نمائندہ شعبہ تربیت جناب برادر ناصر عباس نے شرکت کی، جس میں مقررین نے گفتگو کرتے ہوئے بصیرت افزائی کورس کی افادیت کو بیان کیا جبکہ بلوچستان کے سیکرٹری جنرل نے شعبہ تربیت کا ایسی مفید تربیتی پروگرام منعقد کرنے پر شکریہ ادا کیا اور خواھش ظاہر کی کہ ایسے مزید پروگرامز ضلعی سطح پر بھی تسلسل سے منعقد کروائے جائیں۔
وحدت نیوز(حیدرآباد) مجلس وحدت مسلمین صوبہ سندھ کے رابطہ آفس میں مجلس وحدت مسلمین ضلع حیدرآباد کے ضلعی شوریٰ کے ایک نشست کا اہتمام کیا گیاجس ضلع حیدرآباد کے تمام یونٹس نے شرکت کی۔پہلی نشست میں کا با قائدہ آغازمولاناذوالفقار حسین شاہ نے تلاوت کلامِ پاک سے کیا ۔ اسٹیج سیکریٹری کے فرائض برادر اجمل مہدی سر انجام دے رہے تھے۔اس کے بعد پہلی نشست کے آخر میں مولانا امداد علی نسیمی نے ابتدائی کلمات پیش کیے اور مہمانوں اور بالخصوص علماء کرام کا تہہ دل سے شکریہ ادا کیا۔ مولانا امداد علی نسیمی نے فلسطین، عراق، شام سمیت پاکستان کے حالتِ حاضرہ پہ بھی روشنی ڈالی۔
دوسری نشست میں ایم ڈبلیوایم کے صوبائی ڈپٹی سیکریٹری جنرل مولانا صادق رضا تقوی صاحب نے درس دے کر خطاب کیا،علامہ صادق رضا تقوی نے تربیتی درس دیتے ہوئے کہا کہ تنظیمی دوستو کو چاہیے کہ تعمیری تنقید کریں اور تنقید براءِ تنقید نہ کریں۔ تنقید ذاتی بنیاد پر نہ ہو بلکہ تنقید کا معیار تقویٰ الّہی ہونا چاہیے۔ قرآن پاک میں ارشادِ باری تعالَئ ہے کہ ایسا نہ ہو کہ تم لوگوں کو نیک کام کرنے کا حکم تو دو لیکن خود کو بھول جاّءو۔ نیکی اور اصلاح کا آغاز اپنی ذات سے شروع کرو اور ایسا نہ ہو کہ اپنا کام چھوڑ کر صرف تنقید اور ضول کاموں میں لگ جاءو ایک سرکل میں رہ کر تنظیمی ذمہ داریوں کو پورا کیا جا سکتا ہے اور اللہ پہ توکل کریں۔ اس موقع پر مجلس وحدت مسلمین ضلع حیدرآباد کے سیکریٹری جنرل اپنی کابینہ کے ہمراہ موجود تھے اور برادر عالم کربلائی ڈپٹی سیکریٹری جنرل صوبہ سندھ، مولانا زولفقار علی شاہ کاظمی، مولانا اللہ بچایو ناصری، مولانا دامن علی صاحب، مولانا نور الحسن، مولانا انور علی، مولاناعالم علی، مولانا حزب اللہ، مولانا ملازم حسین، مولانا اشفاق مطہری بھی موجود تھے، نشست کا باقائدہ اختتام دعائے سلامتی امام زمانہ عج سے کیا گیا۔
وحدت نیوز(لاہور) پاکستان عوامی تحریک کے سربراہ ڈاکٹر طاہر القادری پہلی مرتبہ مجلس وحدت مسلمین کا شکریہ ادا کرنے کیلئے صوبائی دفتر لاہور میں آئیں گے۔ اس موقع پر مسلم لیگ قاف کے سربراہ چوہدری شجاعت حسین، چوہدری پرویز الٰہی اور سنی اتحاد کونسل کے سربراہ صاحبزادہ حامد رضا بھی ان کے ہمراہ ہونگے۔ تمام جماعتوں کے رہنماوں کی علامہ ناصرعباس جعفری اور ان کی سیاسی ٹیم سے ملاقات بھی ہوگی اور بعد ازان دن اڑھائی بجے ایک پریس کانفرنس کی جائیگی، جس میں آئندہ کے لائحہ عمل کا اعلان کیا جائیگا، ذرائع کے مطابق انقلاب مارچ سے قبل اس ہنگامی پریس کانفرنس کو انتہائی اہمیت کا حامل قرار دیا جا رہا ہے۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے پارا چنار کی موجودہ صورتحال پر تشویش کا اظہار کرتے ہوئے کہا ہے کہ علاقہ کے عمائدین اور علمائے کرام ملی مفادات کو مقدم رکھتے ہوئے مشترکہ حکمت عملی اپنائیں، تشیع کے بنیادی حقوق پر کسی قسم کا سمجھوتہ نہیں کیا جاسکتا، تاہم اتحاو و وحدت کے ذریعے حقوق کا تحفظ ممکن ہے۔ ان خیالات کا اظہار انہوں نے پارا چنار کی صورتحال کے حوالے سے ’’اسلام ٹائمز‘‘ کیساتھ ٹیلی فونک بات چیت کرتے ہوئے کیا۔ ان کا کہنا تھا کہ حکومت پارا چنار میں اپنی مرضی کی قومی انجمن چاہتی ہے، جو وہاں کے پولیٹیکل ایجنٹ کے ذریعے شیعی مفادات کیخلاف اور حکومتی مفادات کے تحفظ کیلئے کام کرے، تاہم ضرورت اس امر کی ہے کہ پارا چنار کے تمام عمائدین، مشران اور علمائے کرام قومی مفادات کی حفاظت پر متفق ہوں، اور کسی بھی بیرونی قوت کو ملت تشیع کے حقوق پر شب خون مارنے کا موقع نہ دیں، ان کا کہنا تھا کہ پارا چنار ایک حساس علاقہ ہے، اور دشمن کی ہمیشہ سے کوشش رہی ہے کہ یہاں ملت تشیع کے مابین اختلافات کو فروغ دے، اور اسی قسم کی سازش ایک مرتبہ پھر کی جا رہی، تاہم عمائدین کو ان سازشوں کو اتحاد و وحدت کے ذریعے ہی ناکام بنانا ہوگا۔
وحدت نیوز(لاہور) مجلس وحدت مسلمین پاکستان کے سربراہ علامہ ناصر عباس جعفری کا کہنا تھا کہ اپوزیشن جماعتوں کے انقلاب مارچ کی بھرپور حمایت اور کلیدی کردار ادا کرنے کا فیصلہ کرلیا گیا ہے، یوم شہداء میں بھرپور شرکت کرکے مظلوموں کیساتھ مکمل اظہار یکجہتی کریں گے،انقلاب مارچ پاکستان کےبیروزگاری، مہنگائی،لاقانونیت، بدامنی اور سیاسی اشرافیہ کے ہاتھوں یرغمال عوام کے لئے نوید سحر ثابت ہوگا،مرکزی و صوبائی کابینہ کے مشترکہ اجلاس سے خطاب کرتے ہوئے علامہ ناصر عباس جعفری کا کہنا تھا کہ ملک پر قابض ان حکمرانوں نے عوام کو استحصالی سیاسی سسٹم کے سوا کچھ نہیں دیا، اپوزیشن جماعتوں کے اصلاحی ایجنڈے میں پاکستان کے 66 سالوں سے آئینی حقوق سے محروم عوام کو مکمل آئینی حقوق دینے کی شق شامل کروائی ہے، جو پاکستان کی تاریخ میں گلگت بلتستان کے عوام کے حق میں قومی جماعتوں کی پہلی آواز ہے، غربت، مہنگائی، دہشت گردی، کرپشن اور استحصالی سیاسی نظام سے تنگ عوام تیاری کریں ، اسلام آباد کے رئیسانی کو گھر بھیجنے کا وقت آپہنچا ہےپاکستان کے عوام نے ان حکمرانوں کی ناکام پالیسیوں کو مسترد کر دیا ہے، پاکستان میں شیعہ سنی اکٹھا ہو کر پاکستان پچانے کے لئے نکلیں گے، اہل سنت کے ساتھ اسٹریجیٹک پارٹنر شپ کے قیام سے شہید قائدعلامہ عارف حسین الحسینی کا دیرینہ خواب پورا کردیا۔
علامہ ناصر عباس جعفری نے کہا کہ ان حکمرانوں کی آمرانہ پالیسیوں نے جمہوری اقدار کو داغ دار کر دیا ہے۔ ماڈل ٹاوُن کے شہداء ہمارے شہداء ہیں، ہم ان کے بے گناہ خون کو رائیگاں نہیں جانے دینگے۔ علامہ ناصر عباس جعفری کا مزید کہنا تھا کہ احتجاج، جلسے جلوس اور ریلیاں عوام کا جمہوری حق ہے اور حکمرانوں نے عوام کو ہراساں کرکے حالات خراب کرنے کی کوشش کی تو اس کے نتیجے میں پیش آنے والے واقعات اور ملک بھر سے آنے والے ردعمل کے ذمہ دار حکمران ہی ہونگے، علامہ راجہ ناصر عباس جعفری نے انقلاب مارچ میں حکومتی رکاوٹ کی صورت میں متنبہ کرتے ہوئے اعلان کیا کہ پرامن عوام کو اپنی آئینی و قانونی حقوق کی جدو جہد سے روکا گیا تو ملک بھر کے شاہراہوں اور چوراہوں پر دھرنے دیے جائیں ملک بھر میں عوام پر کسی قسم کے تشدد یا ہراساں کرنے کی صورت میں پیش آنے والے واقعے کی ذمہ دار اس صوبے کی حکومت اور وفاقی حکمران ہونگے ، مجلس وحدت مسلمین کی یہ خواہش ہیں کہ تمام اپوزیشن جماعتیں متحد ہو کر اس نظام کیخلاف نکلیں، تاہم ان اقتدار پر قابض لیٹروں کیخلاف ہم میداں خالی نہیں چھوڑیں گے، پاکستان کو حقیقی قائد کا پاکستان بنانے میں ہم بھرپور کردار ادا کریں گے، پاکستان کو ظالم ، جابر اور قابض سعودی نواز حکومت سے نجات دلوانے کے لئے مجلس وحدت مسلمین ،پاکستان عوامی تحریک ، سنی اتحاد کونسل اور مسلم لیگ ق مشترکہ طور ہر میدان میں نکلیں گی۔
وحدت نیوز(پاراچنار) ریاض حسین بنگش کومجلس وحدت مسلمین پاراچنار کا عبوری سیکرٹری جنرل چن لیا گیا ہے، اس سلسلے میں پارا چنار میں ایم ڈبلیوایم خیبر پختونخوا کے زیر اہتمام پہلا تنظیمی کنونشن منعقد ہوا، جس میں صوبائی سیکرٹری جنرل علامہ سید سبطین حسین اور مرکزی شوریٰ عالی کے رکن علامہ سید جواد ہادی کے علاوہ تحریک حسینی، مجلس علمائے اہلبیت (ع)، امامیہ اسٹوڈنٹس آرگنائزیشن، امامیہ آرگنائزیشن، انصار الحسین سمیت دیگر مقامی تنظیموں کے رہنماوں نے شرکت کی، علاوہ ازیں کنونشن میں دیگر شیعہ عمائدین بھی شریک ہوئے، کنونشن میں اتفاق رائے سے پارا چنار کی غیر متنازعہ شخصیت اور آئی او کے سابق رہنماء ریاض حسین بنگش کو مجلس وحدت مسلمین پارا چنار کا پہلا سیکرٹری جنرل منتخب کیا گیا، اس موقع پر صوبائی سیکرٹری جنرل مجلس وحدت مسلمین علامہ سید سبطین حسین الحسینی اور علامہ سید جواد حسین ہادی نے خطاب کیا۔
وحدت نیوز(جھنگ) مجلس وحدت مسلمین ضلع جھنگ کے سیکریٹری جنرل علامہ سید اظہر حسین کاظمی نے سنی اتحاد کونسل، پاکستان عوامی تحریک اورمسلم لیگ ق کے مقامی عہدیداران کے مشترکہ اجلاس سے خطاب کرتے ہو ئے حکومت مخالف اتحاد کے نچلی سطح تک فعال کرنے پر زور دیتے ہوئے کہا کہ غربت، کرپشن، دہشت گردی سے مفلوک الحال عوام کو اس قابض ، نااہل اور ظالم حکومت سے نجات دلانے کے لئے منظم جدوجہد کی ضرورت ہے،تمام اتحادی جماعتیں مشترکہ اجلاسوں کے زریعےانقلاب مارچ کی کامیابی کے لئے حکمت عملی مرتب کریں ، تمام اتحادی جماعتوں کے درمیان بہترین ورکنگ رلیشن شپ کا قیام نا گزیز ہے، مجلس وحدت مسلمین اس استحصالی سیاسی نظام سے چھٹکارےکے لئے حکومت مخالف اپوزیشن الائنس کا حصہ بنی ہے، ایم ڈبلیوایم نواز حکومت کے خاتمے کی مہم میں ہر اول دستے کو کردار اد اکرے گی، پنجاب بھر خصوصاً جھنگ سے غیور عوام ناصر ملت علامہ ناصر عباس جعفری کے حکم پر اپنی جان و مال کی قربانی سے بھی دریغ نہیں کریں گے۔
وحدت نیوز(کوئٹہ) مجلس وحدت مسلمین بلوچستان کا اہم اجلاس صوبائی سربراہ علامہ مقصود علی ڈومکی کی زیر صدارت کوئٹہ میں منعقد ہوا۔ اجلاس میں حکومت مخالف تحریک، سیاسی صورتحال اور تنظیمی امور پر غور کیا گیا۔ اس موقعہ پر اجلاس سے خطاب کرتے ہوئے علامہ مقصود علی ڈومکی نے کہا کہ انبیائے الہی ؑ حضرت یونس ؑ اور حضرت شیث ؑ کے مقدس مزارات میں بم دہماکوں اور توہین کے خلاف 8 شوال کو تحفظ مزارات انبیاء و اہل بیت ؑ کا دن منایا جائے گا۔ انبیائے کرام ؑ ، اہلبیت اطہارؑ اور صحابہ کرام کے مزارات امت مسلمہ کی محبت کا مرکز ہیں ان کی توہین کرکے کروڑوں مسلمانوں کی دل آزاری کی گئی ہے۔
8 شوال کے یوم احتجاج میں اہل سنت کے علماء اور اکابرین بھی ہمارے ساتھ ہوں گے۔ انہوں نے کہا کہ اس سلسلے میں شیعہ سنی علماء کو مل کر ملکی سطح پر احتجاجی تحریک چلانے کی ضرورت ہے۔ انہوں نے کہا ہے کہ مجلس وحدت مسلمین بلوچستان، مرکز کی ہدایت پر جعلی مینڈیٹ کی حامل نواز حکومت کے خلاف تحریک کے لئے آمادہ ہے ہمارے ورکرز جلد ہی رابطہ مھم کا آغاز کریں گے ہم دہشت گردی، مہنگائی، بے روزگاری، لوڈ شیڈنگ اور امن و امان کی ابتر صورتحال سے ستائے عوام کی آواز بنیں گے۔ انہوں نے کہا کہ اپنی غلط پالیسیوں کے باعث نواز حکومت کا گراف تیزی سے گرا ہے اور نواز شریف غیر مقبول حکمران بن چکے ہیں۔ شاہانہ مزاج کے حامل وزیر اعظم، عوام کے مسائل و مشکلات سے بے خبر ہیں۔ جعلی مینڈیٹ کے حامل حکمران ووٹوں کی جانچ پڑتال اور انتخابی اصلاحات سے خوف زدہ ہیں۔
علامہ مقصود ڈومکی نے کہا کہ قائد شھید علامہ عارف حسین الحسینی کی 26 ویں برسی کے موقع پر ہم انہیں خراج عقیدت پیش کرتے ہوئے اس عظیم قائد سے تجدید عہد کرتے ہیں۔ علامہ عارف حسین الحسینی نے پاکستان میں ضیاء آمریت کے خلاف مؤثر جدوجہد کی۔ وہ انقلاب اسلامی کے حامی اور اتحاد بین المسلمین کے علمبردار تھے۔ اپنے پاکیزہ کردار کے باعث وہ آج بھی کروڑوں انسانوں کے دلوں میں بستے ہیں۔ ان کی زندگی اور جدوجہد ہمارے لئے مشعل راہ ہے۔ اجلاس سے مجلس وحدت مسلمین بلوچستان کے ڈپٹی سیکریٹری جنرل مخدوم سید ظفر عباس شمسی، صوبائی سیکریٹری مالیات مولانا محمد علی جمالی، نصیرآباد ڈویژن کے رہنما سید عبدالقادر شاہ، ضلع صحبت پور کے سیکریٹری جنرل غلام حسین شیخ، ضلع لسبیلہ کے س جنرل سید قربان شاہ و دیگر رہنماؤں نے بھی خطاب کیا۔
وحدت نیوز(لاہور) مجلس وحدت مسلمین پاکستان کی جانب سے قومی اپوزیشن پارٹیز کو پیش کیئے گئے چاروں اضافی نکات کے تسلیم ہونےکا باقائدہ نوٹس پاکستان عوامی تحریک کی جانب سے جاری کردیا گیا ہے، نوٹس پاکستان عوامی تحریک کے مرکزی سیکریٹری جنرل خرم نواز گنڈہ پور کی جانب سے مجلس وحدت مسلمین کے مرکزی پولیٹیکل سیکریٹری ناصر عباس شیرازی کے نام جاری گیا گیا ہے، جس میں مجلس وحدت مسلمین پاکستان کے مطالبات کو قومی اپوزیشن پارٹیز کے چارٹر آف ڈیمانڈ کا حصّہ بنایا گيا ہے، ناصر شیرازی نے وحدت نیوز سے گفتگو کرتے ہوئے کہا کہ قومی اپوزیشن پارٹیز کی جانب سےاصلاحاتی ایجنڈے میں ایم ڈبلیوایم کے اضافی اصلاحاتی نکات کی شمولیت انقلابی تحریک میں اہم سنگ میل ثابت ہوگی، ایم ڈبلیوایم نے ایجنڈے میں خطہ بے آئین گلگت بلتستان کےآئینی وسیاسی حقوق کے حصول کو سر فہرست رکھا ہے جو کہ وہاں کہ عوام کا 66سالہ پرانا مطالبہ ہے، ناصر شیرازی کے مطابق ایم ڈبلیوایم کے تسلیم شدہ چارمطالبات درج ذیل ہیں۔
۱)گلگت بلتستان کو پاکستان کے مکمل آئینی صوبے کی حیثیت دے کر قومی اسمبلی اور سینٹ میں گلگت بلتستان کی مکمل نمآئندگی یقینی بنای جاۓ گی۔
۲)تکفیریت آئینی اور قانونی جرم ہے، شیعہ و سنی مسلّمہ اسلامی مکاتب فکر ميں سے کسی کی بھی تکفیر ناقابل تلافی جرم قرار دی جاۓ گی اور اس کے حسبِ ضرورت آئینی ترامیم کی جائيں گی۔
۳) عسکری دہشت گردوں، جنہوں نے وطن عزیز کے اسٹریٹجک ایسٹس، پاک فوج اور بے گناہ پاکستانی شہریوں کے خون سے ہاتھ رنگے ہوۓ ہیں اور ان کے سرپرستوں کے خلاف بھرپور کاروائی کی ج ضرورت ہے۔ بے لاگ احتسابی عمل کے ذریعے قاتلوں اور ان کے سرپرستوں کو قرار واقعی سزائيں دی جائيں گی۔
۴) اوقاف کے نظام میں انقلابی اصلاحات کرتے ہوۓ اس کے 2 الگ شعبہ قائم کیے جائیں گے۔ 1۔ شعبہ اوقاف اہلِ سنت 2۔ شعبہ اوقافِ اہل تشیع ان دونوں شعبہ جات کی گورننگ باڈی ميں ان مکاتب فکر کی نمائندہ جماعتوں کی بھرپور نمائندگی یقینی بنائی جاۓ گی۔
وحدت نیوز(لاہور) مجلس وحدت مسلمین پاکستان کے سربراہ علامہ ناصرعباس جعفری نے صوبائی سیکریٹریٹ پنجاب میں تنظیمی اجلاس سے خطاب کرتے ہوئے تمام اضلاع کو ہدایات جاری کی ہیں کہ قائد شہید سالار شہدائے پاکستان علامہ سید عارف حسین الحسینی کی 26ویں برسی کے موقع پر ملک بھر میں ہفتہ شہداء منایا جائے، قرآن خوانی ، مجالس عزااور سیمینار ز کے زریعے شہید قائد کی عظیم قربانی کو خراج تحسین پیش کیا جائے، ایم ڈبلیوایم 10اگست کو لاہور میں منعقدہ یوم شہداء میں بھر پور شرکت کرے گی، ماڈل ٹاون کے شہداء بھی ہمارے اپنے شہداء ہیں ، شہید قائد عارف حسینی نے عالمی استعماری قوتوں کےناپاک چہروں سے نقابیں نوچ کر انہیں رسوا کرنے کا عظیم کارنامہ انجام دیا، ملت پاکستان کو امریکی سامراجی تسلط سے نجات کے لئے کمر بستہ ہونے کی جرائت عطاکی ، مجلس وحدت مسلمین شہید قائد کی تعلیمات کی روشنی میں پاکستان میں اتحاد بین المسلمین کی عملی کوششوں میں مصروف ہے،سنی اتحاد کونسل اور پاکستان عوامی تحریک کے ساتھ برادرانہ سیاسی تعلقات شہید قائد کی سیرت کی عملی اتباءہے، پاکستان کو درپیش چیلنجز کا مقابلہ اور ملک دشمن قوتوں کے ایجنڈے میں رکاوٹ بننے کے لئے ہمیں قائد شہید کے فرامین کا مطالعہ کرنا ہوگا، شہید قائد سرزمین پاکستان پر تنہا امام خمینی کے انقلابی پیامبر تھے، عالمی سامراجی ایجنٹوں نے شہید قائد کی مدبرانہ وشجاعانہ قیادت کو بھانپتےہوئے انہیں حالت وضو میں مسجد میں شہید کر دیا۔
