The Latest
وحدت نیوز(لاہور) مجلس وحدت مسلمین پاکستان کے سربراہ علامہ راجہ ناصرعباس جعفری اور سیکرٹری جنرل پنجاب علامہ عبدالخالق اسدی کی پاکستان عوامی تحریک کے سربراہ علامہ ڈاکٹر طاہرالقادری سے ملاقات میں پاکستان مسلم لیگ قائد اعظم کے صدر چوہدری شجاعت اور چوہدری پرویز الہی بھی شریک تھے اتحادی جماعتوں کے اجلاس میں یوم شہداء اور انقلاب مارچ کے حوالے سے مشاورت کی گئی اجلاس کے بعد میڈیا سے گفتگو کرتے ہوئے سربراہ مجلس وحدت مسلمین علامہ راجہ ناصر عباس نے کہا کہ حکومت سول مارشل لاء لگا کر عوام سے احتجاج کا حق چھیننے میں کامیاب نہیں ہونگے ماڈل ٹاوُن میں یوم شہداء بھی ہو گا اور انقلاب مارچ کو بھی کوئی نہیں روک سکے گا ہم پر امن عوامی طاقت سے یوم شہداء منائیں گے حکمران ہوش کے ناخن لین پرامن احتجاج کرنے والوں پر اور یوم شہداء کے شرکاء کو ہراساں کرنے سے باز رہے انہوں نے کہا کہ حکمران اعصابی جنگ ہارچکی ہے اور انشااللہ جیت پاکستان کے عوام کے ہی ہوگی نہ اس دنیا میں فرعون اور یزید رہا نہ ہی یہ حکمران رہیں گے یاد رکھیں حکومت کفر سے تو باقی رہ سکتے ہے مگر ظلم سے نہیں۔
وحدت نیوز(اسکردو) مجلس وحدت مسلمین بلتستان ڈویژن کی جانب سے 400 مستحق یتیموں میں لاکھوں روپے کی امدادی رقوم تقسیم کی گئیں۔ مالی طور پر کمزور اور مستحق یتیموں میں رقوم کی تقسیم کا مقصد ان کے تعلیمی اور دیگر اخراجات کو پورا کرنا ہے۔ واضح رہے کہ مجلس وحدت مسلمین پاکستان کے شعبہ فلاح و بہبود خیرالعمل فاونڈیشن نے پورے ملک میں مستحق یتیم طالب علموں کی کفالت کے سلسلے میں ایک پروجیکٹ کا آغاز کیا ہوا ہے جس کی شروعات بلتستان سے کی گئی ہے۔ اس پروجیکٹ کے ذریعے بےسہارا یتیموں کی ہر ماہ مالی معاونت کی جا رہی ہے۔ اس سلسلے میں اب تک پانچ قسطوں میں تقریباً ایک کروڑ روپے تقسیم کیے جا چکے ہیں۔ اس موقع پر ایم ڈبلیو ایم بلتستان کے شعبہ فلاح و بہبود کے ترجمان نے کہا کہ مجلس وحدت مسلین نے بلتستان بھر میں فلاح و بہبود کے لئے مختلف پروجیکٹس شروع کر رکھے ہیں جن کا مقصد عوام کے لئے بنیادی سہولیات کی فراہمی ہے۔
غاصب حکمرانوں کا جانا ٹھہر گیا ہے، محاصرے اور گرفتاریوں سے خوف زدہ نہیں ہوں گے، علامہ ناصرعباس جعفری
وحدت نیوز(لاہور)مجلس وحدت مسلمین پاکستان کے سربراہ علامہ ناصر عباس جعفری نے صوبائی سیکرٹریٹ پنجاب میں اخبارات کے نمائندوں سے غیر رسمی ملاقات کی۔ پاکستان کی موجودہ صورت حال پر گفتگو کرتے ہوئے علامہ ناصر عباس جعفری کا کہنا تھا کہ پاکستانی عوام ان جعلی مینڈیٹ اور انجنیئرڈ الیکشن کے ذریعے اقتدار پر قابض حکمرانوں کیخلاف میدان عمل میں نکل چکے ہیں، اب ان غاصبوں کا جانا ٹھہر گیا ہے۔ انہوں نے کہا کہ انقلاب مارچ اور یوم شہداء میں شامل ہونے والوں کیخلاف کوئی بھی متشدد اقدام حکمرانوں کے تابوت میں آخری کیل ثابت ہوگا۔ علامہ ناصر عباس جعفری نے کہا کہ علامہ ڈاکٹر طاہرالقادری کیخلاف مقدمہ کے اندراج سے ثابت ہوگیا کہ حکمراں حواس باختہ ہوچکے ہیں، ہم اس اقدام کی شدید مذمت کرتے ہیں، شریف برادران نے مقدمہ درج کرکے اپنی آمرانہ سوچ کا ایک بار پھر قوم کے سامنے اظہار کر دیا۔
انہوں نے واضح کیا کہ مجلس وحدت مسلمین نظام کی تبدیلی کے لئے ڈاکٹر طاہرالقادری، مسلم لیگ قاف اور سنی اتحاد کونسل کے ہم قدم ہے، حکمران جتنا ظلم چاہے کر لیں اُنہیں جلد عوام کی عدالت میں جوابدہ ہونا پڑیگا، نظام کی تبدیلی کے بعد بھی ہم مل کر ملک و قوم کو دہشت گردی، مہنگائی اور بے روزگاری عفریت سے نجات دلائیں گے۔ انہوں نے کہا کہ عوام نے شریفوں اور زرداریوں کی حکمرانی دیکھ لی 14 اگست کو پاکستانی قوم اپنے حکمرانوں کے انتخاب کا فیصلہ خود کرے گی۔
وحدت نیوز(کراچی) 8شوال 1344ہجری کا دن تاریخ اسلام کا وہ سیاہ ترین دن ہے کہ جب آل سعود حکومت نے جنت البقیع میں اہل بیت اور اصحاب رسول (ص) کے مزارات مقدسہ کو منہدم و مسمار کروایا ، امت مسلمہ کی خاموشی نے آج دشمنان اسلام کواتنی جرات اور ہمت بخشی کے نوبت کربلا ، بغداد ، مکہ اور شام کے مقدس مقامات سے لیکر اب فلسطینی مسلمانوں پر مظالم تک آن پہنچی ہے،آل سعود کے پٹھوعرب حکمرانوں کی بے حسی اور امریکی و اسرائیلی غلامی کی بدولت آج مسلمانوں کا خون بھایا جا رہا ہے۔ جنت البقیع میں مدفون ملت اسلامیہ کے تمام مکاتب کی محترم اور مقدس شخصیات کی قبور کی تعمیر نو اور اس عظیم سرمایہ کی حفاظت کے لئے ایک بین الاقوامی تحریک کا آغاز کیا جائے ۔ان خیالات کا اظہار مجلس وحدت مسلمین پاکستان صوبہ سندھ کے سیکریٹری جنرل علامہ مختار امامی نے یوم انہدام جنت البقیع کی موقع پر وحدت ہاؤس کراچی میں منعقدہ سیمینار سے خطاب میں کیا ۔
ان کا کہنا تھا کہ تاریخ اسلام کے سیاہ ترین ایام کا ذکر کیا جائے تو 8شوال یوم انہدام جنت البقیع ہمارے دل کو اس طرح رنجیدہ کر دیتا ہے جیسے یہ دل خراش واقعہ آج ہی رونماء ہوا ہو ۔ 1344ہجری میں اسلامی مقدسات کے دشمنوں نے مدینتہ النبی (ص)پر قبضے کے بعد اسلام کے تاریخی قبرستان اور اس میں موجود شیعہ سنی مکاتب فکر سے تعلق رکھنے والی اہم شخصیات کی قبور بارگاہوں اور مزاروں کو مسمار ومنہدم کردیا ، جہاں اجداد رسول اکرم (ص) اہل بیت (ع) ، امہات المومنین (رض) اور اصحاب پیغمبر (ص) کے مزارات موجود تھے۔ان کا کہنا تھا کہ اگر جنت البقیع کی تاراجی کے وقت ملت اسلامیہ یک زبان ہو کر اس عظیم اہانت اور توہین پر سراپا احتجاج ہو جا تی تو آج ان اسلامی مقدسات کے دشمنوں کی اتنی مجال نہ ہو تی کہ یہ بغداد، کربلا، شام ، مصر اور دیگر ممالک میں اہل بیت اور اصحاب رسول (ص) کے مزارات کی جانب میلی آنکھ اٹھا کر بھی دیکھتے ۔ مزارات اور قبور مقدس کا احترام تمام مکاتب کے درمیان یکساں ہے ، کسی بھی غیرت مند مسلمان کا نفس ان مقدمات مقدسہ کی توہین برداشت نہیں کر سکتا، تمام عالم اسلام خصوصاًشیعہ سنی مکاتب فکرسے تعلق رکھنے والے علماء ،دانشور ، اہل ممبراور اہل قلم حضرات کی ذمہ داری ہے کہ جنت البقیع میں مسمار ومنہدم شدہ قبور مقدس کی تعمیر نو کے لئے ایک بین الاقوامی تحریک کی داغ بیل ڈالیں ، تاکہ ، یہ روحانی و معنوی سرمایہ اور آثار قدیمہ سے تعلق رکھنے والے اس عظیم نوعیت کے قبرستان حفاظت کی جائے جس کی فضیلت میں روایات موجود ہیں ، حفاظت اور تعمیر نو کے ساتھ یہاں مدفون ہستیوں کی خدمات کا ادنیٰ سا حق ادا کر سکیں ۔
وحدت نیوز(لاہور)علامہ ڈاکٹر طاہرالقادری کاوحدت ہاؤس لاہور میں علامہ ناصرعباس جعفری کے ہمراہ پریس کانفرنس سے خطاب میں کہنا تھا کہ انقلاب مارچ کے لیے مجلس وحدت مسلمین بھی مشترکہ جدوجہد میں شامل ہے اور ایم ڈبلیو ایم کے کارکن انقلاب مارچ میں ہر اول دستہ ثابت ہوں گے۔موجودہ حکومت جوآئین اور قانون کی پاسداری اور جمہوریت کا راگ الاپتی ہے اور عوام کو قانون کا سہارا لینے کا درس دیتی ہے مگرملک میں کہیں بھی کوئی بھی ادارہ محفوظ نظر نہیں آتا انہوں نے کہاکہ دس اگست کو یوم شہداء منا رہے ہیں جہاں دعا اور قرآن خوانی ہوگی۔دس اگست کو یوم شہدائکے موقع پر ایک پتہ بھی نہیں ٹوٹے گا۔اگر حکمرانوں نے غیر جمہوری اور غیر اخلاقی ہتھکنڈوں کے ذریعے روکنے کی کوشش کی تو انقلابی قوم جاتی امراء جا کر یوم شہداء منائیں گے ،ڈاکٹرطاہر القادری نے کہا کہ حکومت نے اضلاع کے ڈی سی اوز اور ڈی پی اوز کو ہدایات کی ہے کہ ٹرانسپورٹر سے بسوں کی چابیاں، ڈرئیوروں کے لائیسنس اور روٹ پرمٹ لے کر ضبط کر رہے ہیں رہے ہیں اور جن ٹرانسپورٹرز نے بیانے لیے تھے وہ واپس کرائے جا رہے ہیں ایسے اوچھے ہتھکنڈوں سے ان کی بوکھلاہٹ کا اندزہ بخوبی لگایا جاسکتا ہے ڈیڑھ ماہ سے زائد کا عرصہ گذر گیا مگرسانحہ ماڈل ٹاؤن کی ایف آئی آردرج نہ ہوسکی اس فرسودہ نظام میں رہتے ہوئے عوام کو انصاف ملنا ممکن نہیں ہمارا مشن ایسے فرسودہ نظام کو بدلنا ہے اور یہ پاکستان کے 18 کروڑ عوام کی خواہش بھی ہے انہوں نے کہا کہ اب ظالموں پر پرچے درج ہوں گے اور ظلم کرنے پر برابر بدلہ لیا جائے گا۔انہوں نے وزیر اعلیٰ پنجاب کو مخاطب کرتے ہوئے کہا کہ تمہاری ٹانگوں اوردل دماغ میں قوت نہیں رہی اب تم ملک سے باگ نہیں سکو گے۔
انہوں نے کہا شریف برادران نے ملک میں دہشت گردی کرانے کی انتہا کر دی ملک کا کوئی ایسا حصہ نہیں جہاں لاشیں نہ گرائی گئیں ہوں کوئٹہ اور گلگت بلتستان میں شیعہ نسل کشی کی گئی اپنے پیاروں کی لاشوں کو لئے لوگوں کو کئی دن تک سڑکوں پر بیٹھنا پڑاان حکمرانوں کے دور میں روزانہ سو سو لاشیں گرتی رہیں مگریہ بے حس ٹس سے مس نہیں ہوئے۔اب ان ظالموں کوشہدائے ماڈل اور شہدائے ملت جعفریہ کے قاتلوں کے خون کا حساب دینا ہو گا،انہوں نے کہا کہ اکتیس اگست سے پہلے حکومت ختم ہو جائے گی سانحہ ماڈل ٹاؤن میں قتل و غارت کا حکم وزیر اعلیٰ شہاز شریف نے دیا تھا اب ملک میں کسی کوتکفیر کے نام پر دہشت گردی کی اجازت نہیں دی جائے گی، کسی مسلک کو کافر نہیں کہا جائے گا اور تکفیریت کو سنگین جرم قرار دیا جائے گا ، آئین میں ترمیم کرکے سخت قانون سازی کریں گے،گلگت بلتستان کے عوام کو خوشخبری ہے کہ اْن کومکمل آئینی حقوق دے کر ملک کا پانچواں صوبہ بنایا جائے گا۔ڈاکٹر طاہرالقادری کا کہنا تھا کہ مڈٹرم الیکشن حکومت کا ایجنڈا ہے غریب عوام کا ایجنڈا انقلاب ہے اور انقلاب آکر ہی رہے گا۔۔پریس کانفرنس میں مسلم لیگ قائد اعظم کے صدر چوہدری شجاعت حسین،علامہ محمد امین شہیدی،صاحبزادہ حامد رضابھی موجود تھے۔
وحدت نیوز(لاہور) مجلس وحدت مسلمین کے سربراہ علامہ راجہ ناصرعباس جعفری نے علامہ ڈاکٹر طاہرالقادری ،چوہدری شجاعت حسین،صاحبزادہ حامد رضاکے ہمراہ مجلس وحدت مسلمین کے صوبائی سیکرٹریٹ میں پریس کانفرنس سے خطاب کرتے ہوئے کہا کہ کہا کہ ہم 35سال سے لاشیں اٹھا رہے ہیں ،دھرنے دیے ،احتجاج کیا،،مگر یہ حکمران ٹس سے مس نہیں ہوئے، ہماری امنیت اور امن پسندی کو کمزوری نہ سمجھا جائے ، آج یومِ شہادتِ قائد شہید ہے ،ہمارے شہیدقائدعلامہ عارف حسینی کے قاتلوں کو نواز حکومت نے رہاکیا ،شہادتوں کا تسلسل آج تک جاری ہے، ماڈل ٹاؤن کا سانحہ اسی ظلم کی ایک کڑی ہے ، یہ ظالم حکمران اپنے اوچھے ہتھکنڈوں سے مجبور کر رہے ہیں کہ ہم غیر اعلانیہ مارچ کریں ، احتجاج کریں ،تو یہ سن لیں اگر ہمارا راستہ روکا گیا تو پورا پاکستان جام کر دیا جائے گا،ہم پاکستان میں تکفیریوں کو اپنا ایجنڈا مسلط نہیں کر نے دیں گے ۔ ان کا مذید کہنا تھا کہ قاتلوں اور جلادوں کی حوصلہ شکنی نہیں کی جارہی۔آج قائداعظم اورعلامہ اقبال کے بیٹے شیعہ اور سنی مل کر اس ملک سے دہشت گردوں ،تکفیریوں کو نکال باہر کریں گے۔ہر جبر کا مقابلہ مل کرکریں گے۔انہوں نے انقلاب مارچ کے حوالے سے گفتگو کرتے ہوئے کہاکہ حکمرانوں نے پر امن احتجاج کو روکنے کی کوشش کی تو پورے ملک کو جام کر دینگے ملک کا ہرگلی کوچہ مال روڈ اور ڈی چوک بن جائے گا۔انہوں نے کہا کہ چھوٹی چھوٹی رکاوٹوں کو ہٹانے کے لیے خواتین کے منہ میں گولیاں مار کر شہید کیا گیااب کوئی ظالم ہمیں ملکی استحکام و ترقی اور عوامی حقوق کی جدو جہد سے پیچھے نہیں ہٹا سکے گا ہم نے اپنی مظلومیت کو اب عوامی طاقت میں بدل دی ہے وہ وقت دور نہیں جب ظالم اپنے انجام کو پہنچ جائینگے اور مظلوموں اور مستضعفین کو فتح و نصرت نصیب ہونگے۔
وحدت نیوز(لاہور) پاکستان عوامی تحریک کے سربراہ علامہ ڈاکٹرطاہرالقادری نےمجلس وحدت مسلمین کے صوبائی سیکریٹریٹ کا دورہ کیا اور مجلس وحدت مسلمین پاکستان کے سربراہ علامہ ناصرعباس جعفری سمیت دیگر رہنما سے ملاقات کی، ڈاکٹرطاہرالقادری کے ہمراہ پاکستان مسلم لیگ ق کے سربراہ چوہدری شجاعت حسین ، سنی اتحاد کونسل کے سربراہ صاحبزادہ حامد رضا اور دیگر رہنما بھی موجود تھے، مہمانوں کی آمد پر مجلس وحدت مسلمین کے مرکزی ڈپٹی سیکریٹری جنرل علامہ امین شہیدی ، مرکزی سیکریٹری سیاسیات ناصر شیرازی ، مرکزی سیکریٹری یوتھ ونگ فضل نقوی اور صوبائی سیکریٹری جنرل علامہ عبد الخالق اسدی نے ان کا استقبال کیا، تمام اتحادی جماعتوں کے رہنماؤں نے یوم شہداء اور انقلاب مارچ کی تیاریوں پر تفصیلی بات چیت کی اور حکمت عملی پر اہم فیصلہ سازی ہوئی، علامہ ناصر عباس جعفری نے تمام سیاسی و مذہبی اتحادی جماعتوں کے قائدین کا وحدت ہاؤس آمد پر شکریہ ادا کیا۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری فلاح وبہبود نثارعلی فیضی نے کہا کہ قائد شہید علامہ عارف حسین الحسینی پاکستان میں اتحاد بین المسلمین کے داعی اور امریکہ و اسرائیلی مفادات کے لئے ایک بڑا خطرہ تھے قائد شہید علامہ عارف حسین الحسینی کی شہادت کے بعد پاکستان میں تکفیری سوچ کو پھلنے پھولنے کا موقع ملا آج اسلام کو سب سے بڑا چیلنج سلفیت و تکفیریت کی سوچ سے ہے یہ سوچ کہیں داعش کہیں طالبان اور کہیں عرب بادشاہوں کی شکل میں اسلام کے چہرے کومسخ کر رہی ہے اسی فکرکے علمبر دار جنت البقیع مدینہ میں مزارات کے انہدام سے شروع ہو کر آج عراق میں پیغمبروں اور اصحاب رسولﷺ کے مزاروں کو مسمار کر رہے ہیں آج سلفیت ،بربریت کی علمبر دار بن چکی ہے آج غزہ میں کربلا بپا ہے معصوم بچے ،بوڑھے،نوجوان اور خواتین صہیونی بربریت کا نشانہ بن رہے ہیں لیکن ان سلفی و تکفیری عرب حکمرانوں نے صہیونیت کی خوشنودی کےلئے خاموشی اختیار کر کے ثابت کردیا کہ اُن کا اصل آقا امریکہ و اسرائیل ہے لیکن دوسری طرف انسانیت کا پرچم حق پسندوں اور حسین ؑ کے متوالوں نے اپنے ہاتھوں میں اٹھا لیا ہے اور اپنی بیداری ووحدت کی قوت کے ساتھ اس فکر کے سامنے سیسہ پلائی دیوار بن چکے ہیں ان خیالات کا اظہار انہوں نے قائد شہید علامہ عارف حسین الحسینی کی 26ویں برسی کے موقع پر اپنے ایک خصوصی بیان میں کیا۔
نثار علی فیضی نے کہا کہ پاکستان میں بھی اسوقت نواز حکومت سلفی حکومتوں کی اتحادی ہے جسکی موجودگی میں ظلم و بر بر یت کا نہ ختم ہونے والا سلسلہ جاری ہے سانحہ ماڈل ٹاﺅن نواز حکومت پر ایک بدنما داغ ہے جس سے نواز حکومت کی سلفی سوچ کھل کر سامنے ا ٓ گئی ہے انہوں نے کہا کہ مجلس وحدت مسلمین پاکستان میں سنی شیعہ اتحاد پر ایمان رکھتی ہے سلفیت کے مقابلے میں آج یہ اتحاد عالم اسلام کے خلاف سازشوں کو پاکستان میں ناکام بنائے گا 5 اگست سے12 اگست تک ہفتہ شہداءمنا کر ہم اپنے شہداءکی اس رستے پر قربانیوں کو خراج عقیدت پیش کریں گے اور بلخصوص اپنے محبوب قائد شہید کے نقش قدم پر چلتے ہوئے اس ملک کو وحدت و اخوت اور امن کا گہوارہ بنائیں گے ۔
وحدت نیوز(گلگت) مجلس وحدت مسلمین پاکستان گلگت بلتستان کے صوبائی ترجمان الیاس صدیقی نے کہا ہے کہ تحریک انصاف کے آزادی مارچ اور پاکستان عوامی تحریک کے انقلاب مارچ سے پہلے ہی لیگی قائدین ایک لاعلاج بیماری کا شکار ہو گئے ہیں۔ مسلم لیگ (ن) کے وفاقی وزراء اور صوبائی قائدین بدحواس ہوکر ہذیان بول رہے ہیں۔ جعلی مینڈیٹ سے اقتدار کی کرسی پر قبضہ جمانے والوں کو اپنا مستقبل خطرے میں نظر آ رہا ہے جس سے ان کی نیندیں حرام ہو چکی ہیں۔ وحدت مسلمین پورے پاکستان میں دہشت گردوں کے خلاف آپریشن کی حامی ہے جبکہ نون لیگ کی خواہش تھی کہ دہشت گردوں کو پارلیمنٹ تک رسائی دے۔ خدا کا شکر ہے کہ پاک افواج نے ان کے ناپاک عزائم کو خاک میں ملا دیا اور بروقت آپریشن شروع کیا جس کی ہم مکمل حمایت کرتے ہیں۔ وفاقی حکومت کو تو پتہ ہی نہیں تھا کہ پاک افواج نے دہشت گردوں کے خلاف شمالی وزیرستان میں آپریشن شروع کیا ہے تبھی تو آپریشن شروع ہونے کے دو دن بعد ٹوٹی پھوٹی پریس کانفرنس میں بادل ناخواستہ آپریشن کی حمایت کا اعلان کیا گیا۔ کون نہیں جانتا کہ مسلم لیگ نون نے سعودی شہزادوں کی ناجائز دولت سے پاکستانی عوام کا مینڈیٹ چرایا اور اگر یہ مینڈیٹ جعلی نہیں ہے تو چند حلقوں میں ووٹوں کی تصدیق سے کیوں گھبراتے ہیں۔
ان کا کہنا تھا کہ گلگت بلتستان میں نون لیگ کا کوئی مستقبل نہیں ہے کیونکہ جب بھی یہ جماعت برسراقتدار آئی ہے گلگت بلتستان کے عوامی حقوق پر شب خون مارا گیا ہے۔ اس جماعت کے درپردہ دہشت گردوں سے مسلسل رابطے ہیں، وقت آنے پر ثبوت بھی فراہم کردیں گے۔ محب وطن جماعتوں پر الزامات لگا کر نون لیگ کی قیادت سعودی شہزادوں کی نمک حلالی کر رہی ہے اور یہاں کے عوام پاکستان کو عیاش عرب شہزادوں کی کالونی بننے نہیں دیں گے۔ ماڈل ٹائون کا جانگداز واقعہ جس میں کئی پرامن شہریوں کی ہلاکت ہوئی ان کے منہ پر طمانچہ ہے۔ کتنی ستم ظریفی کی بات ہے کہ اس ریاستی دہشت گردی کی کوئی ذمہ داری لینے کو بھی تیار نہیں۔ گلگت بلتستان کے حوالے سے اس سازشی جماعت کے دعوے جھوٹ پر مبنی ہیں، پچھلے ایک سال سے لیپ ٹاپ کا جھانسہ دیا جا رہا ہے اور نہ کسی طالبعلم کی فیس معاف کی گئی ہے۔ گلگت بلتستان کی پوری عوام جانتی ہے کہ کس نے فرقہ واریت کے خاتمے کیلئے سنجیدہ اقدامات کیے، کسی سے پوشیدہ نہیں کہ وحدت مسلمین نے پورے علاقے کی تنظیموں اور انجمنوں کو ایکشن کمیٹی کے پلیٹ فارم پر یکجا کرنے کیلئے کسی قسم کی قربانی سے دریغ نہیں کیا جبکہ مسلم لیگ نون اور برسر اقتدار صوبائی پارٹی نے ایکشن کمیٹی کی مخالفت کر کے فرقہ واریت کو ہوا دینے کی بھرپور کوشش کی۔
صوبائی ترجمان نے مزید کہا کہ موجودہ حکومت کے دن گنے جا چکے ہیں، ان کی اقتدار کی کشتی بھنور میں پھنس چکی ہے اور باہر نکلنے کیلئے کوئی راہ حل انہیں نظر نہیں آ رہا ہے۔ یہ حکومت چند دنوں کی مہمان ہے گلگت بلتستان کے غیور عوام انقلاب مارچ میں بھرپور شرکت کر کے ظالم حکومت سے اقتدار چھین کر صحیح معنوں میں عوامی نمائندوں کے حوالے کریں گے۔
وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے 10 اگست یوم شہداء کی بھرپور حمایت کرتے ہوئے کہا ہے کہ شہدائے سانحہ ماڈل ٹاؤن ہمارے شہداء ہیں۔ جنہیں بےجرم و خطا بربریت کا نشانہ بنایا گیا۔ ان کا خون ناحق رائیگاں نہیں جائے گا۔ یوم شہداء میں مجلس وحدت مسلمین بھرپور شرکت کرکے وارثین شہداء سے یکجہتی کا اظہار کرے گی۔ انہوں نے کہا کہ پرامن احتجاج عوام کا جمہوری حق ہے۔ حکومت کی آمرانہ پالیسیوں نے جمہوری اقدار کو داغدار کر دیا ہے۔ آزادی اور انقلاب مارچ ملک میں بے روزگاری، مہنگائی، لاقانونیت، بدامنی اور سیاسی اشرافیہ کے ستائے عوام کے لئے نوید سحر ثابت ہو گا۔ ہم تمام اپوزیشن جماعتوں کا الائنس چاہتے ہیں۔ 8 شوال یوم انہدام جنت البقیع کے موقع پر اپنے پیغام میں انہوں نے کہا کہ انبیائے کرام (ع) اور اہل بیت اطہار (ع) کے مقدس مزارات صدیوں سے امت مسلمہ کی عقیدت اور ہدایت بشری کا مرکز رہے ہیں۔ انہیں مسمار کرکے کروڑوں مسلمانوں کی دل آزاری کی گئی۔ انشاءاللہ دنیا بھر کے مسلمان، عراقی عوام کے ساتھ مل کر انبیائے الہیٰ (ع)، حضرت یونس (ع) اور حضرت شیث (ع) کے مقدس مزارات کی تعمیر نو کریں گے۔ انہوں نے آل سعود اور سعودی عرب کے ارباب اقتدار سے مطالبہ کیا کہ وہ جنت البقیع اور جنت المعلٰی میں شہید کیے گئے مقدس مزارات کی تعمیرنو کی اجازت دے کر عالم اسلام کا دیرینہ مطالبہ پورا کرے۔ ہم ان مقدس مزارات کی تعمیر نو کی ذمہ داری خود ادا کریں گے اور عالم اسلام کے کروڑوں عوام کی مدد سے مزارات کی تعمیر مکمل کی جائے گی۔
