وحدت نیوز(اسلام آباد)مجلس وحدت مسلمین پاکستان  کے مرکزی جنرل سیکرٹری سید ناصر عباس شیرازی نے اپنے ایک بیان میں کہا ہے کہ ارشد شریف ایک نڈر ،بے باک اور باضمیر انسان تھے انکا پردیس میں بے کسی کے عالم میں ہونے والا قتل درد ناک اور تشویشناک ہے۔ ہم مرحوم کے خاندان اور صحافی برادری سے دلی ہمدردی اور اظہار تعزیت کرتے ہیں دکھ کی اس گھڑی میں پوری قوم متاثرہ فیملی کے ساتھ کھڑی ہے۔

انہوں نے کہا کہ ارشد شریف نے ہمیشہ حق وسچ کے لیے آواز اٹھائی،اصولوں پر سمجھوتا کرنا انہیں گوارہ نہ تھا اور یہی اصول پسندی ہی ان کی ملک چھوڑنے اور موت کی وجہ بنی۔ارشد شریف دو خاندانوں کا واحد کفیل تھا وہ اپنی قوم کے روشن مستقبل کے لیے سوالات اٹھاتا تھا استحصال زدہ طبقے کی محکم آواز تھا جو اختلاف رائے کو پسند نہ کرنے والے مقتدر حلقوں کو کھٹکتے تھے آج ان کے لیے پوری قوم سراپا احتجاج ہے۔

انہوں نے کہا کہ آخر وطن عزیز کے اندر گھٹن کا ایسا ماحول کیونکر پیدا کر دیا گیا ہے کہ ایک محب وطن پاکستانی کو ملک چھوڑنے پر مجبور ہونا پڑا ہمارا حکومت وقت سے مطالبہ ہے کہ اس اندوہناک واقعے کی آزادانہ طور پر جوڈیشل کمیشن کے ذریعے فوری اور شفاف تحقیقات کروا کر حقائق قوم کے سامنے لائے جائیں اور انکی میت کو وطن لائے جانے کے فوری انتظامات مکمل کیئے جائیں۔

وحدت نیوز (جیکب آباد) شہدائے سانحہ شب عاشور جیکب آباد کی ساتویں برسی کے موقع پر شہداء چوک جیکب آباد سے لبیک یا رسول اللہ ریلی نکالی گئی۔ شہر کے مین ڈی سی چوک پر مجلس وحدت مسلمین پاکستان کے مرکزی سیکرٹری ایمپلائز ونگ ملک اقرار حسین مرکزی ڈپٹی جنرل سیکریٹری برادر سلیم صدیقی اور مرکزی سیکرٹری تنظیم علامہ مقصود علی ڈومکی نے خطاب کرتے ہوئے شہدائے جیکب آباد کو زبردست خراج عقیدت پیش کیا۔

اس موقع خطاب کرتے ہوئے ملک اقرار حسین نے کہا کہ شہدائے جیکب آباد نے حسینیت کی راہ میں قربانی دی جو ہمیشہ یاد رکھی جائے گی ہم پیغام شہداء کے آمین ہیں لہذا شہدائے راہ خدا کے مشن اور مقصد کو جاری رکھیں گے۔ مجلس وحدت مسلمین اتحاد امت اور امن و اخوت کی علمبردار جماعت ہے جو فرقہ وارانہ نفرتوں کے خلاف سینہ سپر ہے۔

اجتماع سے خطاب کرتے ہوئے محمد سلیم صدیقی نے کہا کہ شہداء کی یاد میں تقریب کا مقصد راہ شہداء کو زندہ رکھنا اور ان کے مشن و ھدف سے تجدید عہد ہے۔ سانحہ جیکب آباد میں ملوث مجرموں اور ان کے سہولت کاروں کو نشان عبرت بنانا ضروری ہے۔

اس موقع پر شرکاء سے خطاب کرتے ہوئے علامہ مقصود علی ڈومکی نے کہا کہ حکومت سندھ نے شہدائے جیکب آباد کے یادگار ٹاور کی تعمیر کا وعدہ کیا تھا جو ابھی تک وفا نہیں ہوا۔ یادگار شہداء ٹاور تعمیر کرکے شہداء کی عظیم قربانی کو خراج عقیدت پیش کیا جائے ۔

 انہوں نے کہا کہ مجلس وحدت مسلمین پاکستان روز اول سے آج تک وارثان شہداء کے شانہ بشانہ کھڑی ہے وارثان شہداء جیکب آباد شکار پور اور چھلگری اس بات کی گواہی دیں گے کہ ہم نے کبھی بھی شہداء کے وارثوں کو اکیلا نہیں چھوڑا۔

انہوں نے ملک بھر میں کالعدم دہشت گرد تنظیموں اور تکفیری گروہ کی بڑھتی ہوئی سرگرمیوں کو تشویشناک قرار دیتے ہوئے مطالبہ کیا کہ حکومت شرپسند تکفیری گروہ کی بڑھتی ہوئی سرگرمیوں کو روکے۔ کیونکہ کالعدم دہشت گرد تنظیم کی سرگرمیاں ملکی عزت و وقار اور امن کے لئے خطرہ ہیں ۔

وحدت نیوز(خوشاب)علامہ ظہیر الحسن کربلائی مرکزی کوآرڈینیٹر کا دورہ تحصیل گروٹ ۔موضع محب پور میں جناب مولانا سید عمار یاسر شاہ سے ملاقات کی اور انہیں ضلعی صدر مجلس وحدت مسلمین پاکستان ضلع خوشاب بننے پر مبارک باد دی  اور ایک ضلعی صدر کو کیسا ہونا چاہیئے ۔ اس کی کیا ذمہ داریاں ہوتی ہیں اور ضلع کے مسائل کو کن لوگوں سے ڈسکس کرنا ہے جیسےتنظیمی موضوعات پرتفصیلی گفتگوکی ۔ پہلے مرحلہ میں ضلعی کابینہ تشکیل دے کر ضلع خوشاب میں  10یونٹ کی تشکیل اور قیام عمل لایا جائے ۔ ضلعی کابینہ کی تشکیل سے احساس تنہائی بھی ختم ہو جائیگا اور کام کی رفتار بھی بڑھے گی ۔ اور باہمی مشاورت سے کئی چھوٹے چھوٹے مسائل لوکل سطح پر حل کر لیے جائیں گے ۔

ان شاءاللہ کسی اہم اور ضروری ایشو کو سنجیدگی کے ساتھ پہلے فرصت میں صوبائی مسئولین کو مطلع کریں ۔ صوبہ مرکز سے رابطہ کرے گا ۔یہی تنظیم اور تنظیمی نظم ہے ۔ضلع کے وسائل اپنے ضلع سے اکٹھے کیے جائیں اور ضلع میں ہی خرچ کیے جائیں ۔ کسی مسئلے میں انتظار کیے بغیر خود سے اور اپنی ضلعی کابینہ کی مدد سے حل کریں ۔ جتنی مشاورت کریں گے مشکلات کم ہونگے کسی کو اپنے اوپر مسلط نہیں کرنا بلکہ جب کابینہ فیصلہ کر لے تو عمل کی طرف جانا ہے ۔

دستور مجلس وحدت مسلمین آپ کو دے دیا جلد ہی مسئولین کے رہنما اصول ارسال کیے جائیں گے ۔ اس ملاقات میں تاکید کی گئی کہ مجلس وحدت مسلمین  پاکستان ضلع خوشاب کا پہلی فرصت میں ایک وٹس ایپ گروپ تشکیل دیا جائے تاکہ بہتر مشاورت ہو سکے ۔جناب مولانا عمار یاسر شاہ صاحب نے برادر ظہیر کربلائی کا شکریہ ادا کیا اور کہا کہ پہلے مرحلہ میں آپ اپنی سرپرستی میں رہنمائی کرتے رہیں ۔ ان شاءاللہ جلد ہی ہم اپنے پاؤں پر کھڑے ہو جائیں گے ۔