The Latest
وحدت نیوز(لاہور) چیئرمین پی ٹی آئی عمران خان پر قاتلانہ حملے کے خلاف مذمتی قرارداد پنجاب اسمبلی میں جمع۔قراردادمجلس وحدت مسلمین کی رکن پنجاب اسمبلی زہرا نقوی نے جمع کروائی۔
قرار داد کےمتن میں کہا گیا ہے کہ پنجاب اسمبلی کا یہ ایوان چیئرمین پاکستان تحریک انصاف عمران خان پر قاتلانہ حملے کی پُرزور مذمت کرتا ہے۔یہ واقعہ ملکی سالمیت پر حملہ ہے جس کی جتنی مذمت کی جائے کم ہے ۔
قرار دادمیں مطالبہ کیا گیا کہ پوری قوم عمران خان کے ساتھ کھڑی ہے۔واقع میں شہید ہونے والے کارکن کی مغفرت اور زخمیوں کی جلد صحت یابی کے لئے دعا گو ہے۔فائرنگ کرنے والوں کو قانون کی گرفت میں لا کر قرارواقعی سزا دی جائے تاکہ آئندہ ایسے واقعات رونما نہ ہوں۔
وحدت نیوز(ہزارہ) مجلس وحدت مسلمین خیبر پختونخوا کے صوبائی صدر علامہ جہانزیب علی جعفری اور شیعہ علماء کونسل کے صوبائی آرگنائزر علامہ زاہد حسنین بخاری کی قیادت میں اہل تشیع کے ایک وفد نے ڈی آئی جی ہزارہ ڈویژن ذیشان اصغر سے ملاقات کی۔
ملاقات کرنے والے وفد میں صوبائی چیئرمین عزاداری کونسل ایم ڈبلیو ایم نیئر عباس جعفری، ایم ڈبلیو ایم ایبٹ آباد کے صدر سید شجر علی کاظمی، سابق صدر ایم ڈبلیو ایم ہری پور شیر علی اور سابق امیدوار تحصیل ناظم سید زوار علی نقوی شامل تھے۔
شیعہ رہنماوں نے نئے ڈی آئی جی کی تعیناتی کا خیرمقدم کیا اور اس امید کا اظہار کیا کہ ان کے دور میں ہزارہ ڈویژن میں مزید امن و امان قائم ہو گا اور مجرموں کا ہزارہ ڈویژن سے مکمل خاتمہ کیا جائے گا۔
وحدت نیوز (گلگت) مجلس وحدت مسلمین شعبہ خواتین کی رہنما محترمہ سائرہ ابراہیم نے عمران خان پر حملے کی شدید الفاظ میں مذمت -جاری بیان میں کہا کہ محب وطن لیڈر پر قاتلانہ حملہ ہماری ملکی بقا اور سلامتی پر حملہ ہے ۔انہوں نے کہا کہ عمران خان ایک محب وطن لیڈر ہے جو اصولوں کی جنگ لڑ رہا ہے۔
انہوں نے کہا کے عوام حقیقی آزادی خود مختاری کے لئے پہلے سے ذیادہ عمران خان کا ساتھ دے گی اور دشمن کی تمام سازشیں ناکام ہوں گی۔انہوں نے کہا کہ امریکی غلامی کسی صورت منظور نہیں عمران خان نے ملک کے بچے بچے کو شعور دیا ہے اور اب اس قافلے کو کسی سازش یا بزدلانہ وار سے نہیں روکا جا سکے گا۔
انہوں نے کہاکہ کے اب پاکستانی عوام اندھیروں سے نکل چکی ہے اور وہ اب سمجھ چکی ہے کس طرح پاکستان کی عوام کو چند چوروں نے غلام بنا رکھا تھا انشااللہ بہت جلد وہ چور اپنے انجام کو پہنچ جائیں گے۔ انہوں نے کہا کہ اس طرح کی گھٹیا حرکتوں سے صاف ظاہر ہوتا ہے کے مخالفین کتنے کمزور ہو چکے ہیں اور اس طرح کی حرکتوں سے حقیقی آزادی کے بیانئے کو نہیں بدلا جا سکتا عمران خان اور دیگر تمام زخمی ساتھیوں کی جلد یا بی کے لئے دعا گو ہیں۔
وحدت نیوز(قم) مملکت خدا داد پاکستان کے آئین میں ،ملک کے شہریوں کو حق حاصل ہے کہ وہ اپنے جائز حقوق کے لیے آواز اٹھائیں اور احتجاج کریں۔
مجلس وحدت مسلمین پاکستان خواتین ونگ ، قم المقدس کی مسئول زہراء نقوی نے اپنے ایک بیان میں سابق وزیراعظم عمران خان کے پر امن لانگ مارچ پر حملے کی پرزور مذمت کی ہے۔
ان کا کہنا تھا کہ ملک کے بیرونی اور اندرونی دشمن ،اس قسم کی حرکتوں سے وطن عزیز پاکستان کو کمزور کرنا چاہتے ہیں۔حملہ کے پس پردہ عناصر کے بارے میں ان کا کہنا تھا کہ " جن قوتوں کو ایٹمی اسلامی ملک اور عوامی لیڈرز سے خطرہ ہے، یہ کام انہی کا ہو سکتا ہے۔یاد رکھیں طاقتوں کے غلط استعمال سے ملک نہیں چلا کرتے ۔
مجلس وحدت مسلمین پاکستان خواتین ونگ ،شعبہ قم کی مسئول کا کہنا تھا کہ اس واقعے کی درست اور صحیح تحقیقات ہونا چاہیئں اور مجرموں کو اور ان کے سرپرستوں کو ان کے منطقی انجام تک پہنچانا چاہیئے۔
وحدت نیوز(کراچی) مجلس وحدت مسلمین پاکستان کراچی ڈویژن کے صدر علامہ شیخ محمد صادق جعفری نے پاکستان تحریک انصاف کے چیئرمین عمران خان پر لانگ مارچ کے دوران قاتلانہ حملے کی شدید مذمت کی ہے۔ اپنے مذمتی بیان میں صدر ایم ڈبلیو ایم کراچی نے کہا کہ لانگ مارچ پر حملہ پاکستان کی سالمیت پر حملہ ہے، چیرمین تحریک انصاف عمران خان اور دیگر زخمی رفقاء کی صحت یابی کیلئے دعا گو ہوں۔ انہوں نے مزید کہا کہ وفاقی حکومت اور ریاستی اداروں سے مطالبہ کرتے ہیں کہ حملہ آور کے ذریعے اصل ماسٹر مائنڈ کا سراخ لگا کر سزا دی جائے۔
وحدت نیوز(خیرپورناتھن شاہ)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے ضلع دادو کی سیلاب متاثرہ تحصیل خیرپور ناتھن شاہ کا دورہ کیا۔ اس موقع پر ایم ڈبلیو ایم کے ضلع صدر اصغر علی حسینی اور اراکین ضلعی کابینہ ان کے ہمراہ تھے۔ اس موقع پر انہوں نے متاثرین سیلاب میں راشن تقسیم کیا اور میڈیا سے گفتگو کی۔ اس موقع پر انہوں نے مدرسہ امام جعفر صادق علیہ السلام کا دورہ کیا اور مدرسہ کے پرنسپل علامہ مہدی رضا قمی سے ملاقات کی۔ حالیہ سیلاب کے باعث تحصیل کے این شاہ کے ہزاروں مکانات کی طرح اس مدرسے کی لائبریری عمارت اور چار دیواری بہت زیادہ متاثر ہوئی ہے۔
علامہ مقصود علی ڈومکی نے اس موقع پر میڈیا سے گفتگو کرتے ہوئے کہا کہ تحصیل کے این شاہ حالیہ بارشوں اور سیلاب میں تباہی کا منظر پیش کر رہا ہے اڑھائی مہینے گذر جانے کے باوجود علاقے کے عوام آج بھی کشتیوں پر سوار ہو کر اپنے گھروں کو جا رہے ہیں۔ زراعت اور چاول کی فصل مکمل طور پر تباہ ہو چکی ہے۔ اس تباہی سے بڑا المیہ وفاقی اور صوبائی حکومتوں کی بے حسی ہے۔ مقام تعجب ہے کہ اس المناک سانحے میں حکومتی کارکردگی اور خدمات ایک فیصد سے بھی کم ہے۔ انہوں نے کہا کہ مجلس وحدت مسلمین پاکستان کا شعبہ المجلس ویلفیئر آرگنائزیشن کے عنوان سے متاثرین سیلاب کی مسلسل خدمت کر رہا ہے۔ ہم عوام کے خادم ہیں اور اس خدمت کو اپنے لئے اعزاز اور عبادت سمجھتے ہیں۔
وحدت نیوز(نصیر آباد) مجلس وحدت مسلمین پاکستان صوبہ بلوچستان ضلع نصیر آباد کی ضلعی شوریٰ کا اہم اجلاس مرکزی امام بارگاہ ڈیرہ مراد جمالی میں منعقد ہوا۔ اجلاس میں ایم ڈبلیو ایم بلوچستان کے صوبائی صدر علامہ سید ظفر عباس شمسی صوبائی، نائب صدر علامہ سہیل اکبر شیرازی، سیکرٹری میڈیا سیل سید عبدالقادر شاہ بخاری، اراکین ضلعی شوریٰ و کابینہ شریک ہوئے۔ اجلاس میں متفقہ طور پر 6 رکنی ورکنگ کمیٹی تشکیل دے دی گئی۔ جو صوبائی سیکرٹری میڈیا سیل سید عبدالقادر شاہ بخاری کی زیر نگرانی ضلع نصیر آباد میں یونٹس سازی کریگی۔ اس کے بعد میں تنظیمی کنونشن کاانعقاد ہوگا۔
اس موقع پر علامہ سید ظفر عباس شمسی نے کہا کہ تنظیم میں یونٹس اہم حیثیت رکھتے ہیں۔ یونٹس پر زیادہ سے زیادہ توجہ دینی چاہیے۔ اس موقع پر صوبائی نائب صدر سہیل اکبر شیرازی نے بھی گفتگو کی۔ انہوں نے کہا کہ مجلس وحدت مسلمین نمائندہ تنظیم ہے۔ جس نے ہمیشہ ظلم و بربریت کے خلاف آواز بلند کی ہے۔ قائد وحدت علامہ راجہ ناصر عباس جعفری نے آزادی مارچ کی حمایت اعلان کیا ہے۔ ایم ڈبلیو ایم بلوچستان قائد وحدت کے حکم پر لبیک کہتے ہوئے ہر وقت تیار ہے۔
وحدت نیوز(اسلام آباد) مجلس وحدت مسلمین شعبہ خواتین کی مرکزی صدر سیدہ معصومہ نقوی نے چئیرمین پی ٹی آئی عمران خان پر قاتلانہ حملے کی پر زور مذمت کرتے ہوئے کہا کہ کیا وجہ ہے کہ ایک پر امن قافلے اور پر امن لانگ مارچ کو نشانہ بنایا گیا اور بد امنی پیدا کرنے کی کوشش کی گئی ؟ وہ تمام عوامل جو عوام دشمن اور آزادانہ انتخابات کےخلاف ہیں اور اوچھے ہتکھنڈے استعمال کر کے ملک میں افراتفری کی کیفیت پیدا کر رہے ہیں مقتدر اداروں کی ذمہ داری ہے کہ ان حملہ آوروں کو عوام کے سامنے بے نقاب کرے۔
ان کا کہنا تھا کہ ہم چیئرمین تحریک انصاف جناب عمران خان اور ان کی ٹیم کی صحتیابی کے لیے دعاگو ہیں اور امید کرتے ہیں کہ اس پر امن تحریک کے نتیجے میں ملک میں آزادانہ انتخابات کی راہ ہموار ہوگی۔
وحدت نیوز(سکردو)چیئرمین پاکستان تحریک انصاف عمران خان پر حملے کی مذمت کرتے ہوئے ممبر جی جی کونسل و سیکریٹری سیاسیات مجلس وحدت مسلمین گلگت بلتستان شیخ احمد علی نوری نے کہا کہ حقیقی آزادی مارچ میں عمران خان پر حملہ ملک کو عدم استحکام کی طرف لے جانے کی ناکام کوشش ہے۔اس وقت قومی اتحاد اور یکجہتی کی ضرورت ہے،پاکستانی غیور عوام ملک میں حقیقی آزادی کی تحریک کو کامیاب کرنے کے لیے اس سے زیادہ بڑھ چڑھ کر حصہ لے گی۔
انہوں نے کہا کہ پر امن احتجاج ہر کسی کا آئینی حق ہے اس طرح کے سفاکانہ حرکات سے قوم خوفزدہ ہونے والا نہیں ہے۔انہوں نے مزید کہا کہ اس وقت پوری قوم چیئرمین پاکستان تحریک انصاف عمران خان اور دیگر رہنماؤں کی جلد صحت یابی کیلئے دعا گو ہیں ۔
وحدت نیوز(لاہور)مجلس وحدت مسلمین شعبہ خواتین کی رہنما و رکن پنجاب اسمبلی سیدہ زہرا نقوی نے تحریک انصاف کے چئیرمین عمران خان پر قاتلانہ حملے کی شدید الفاظ میں مذمت کرتے ہوئے کہا کہ عمران خان عوام میں مقبول ترین لیڈر ہیں اس بھیانک قاتلانہ سازش کے نتیجے میں ملک عدم استحکام اور بدامنی کی جانب بڑھے گا ،پاکستان کی عوام عمران خان کے بیانیے پر یقین رکھتی ہے اور حقیقی آزادی کی خواہاں ہے۔
انہوں نے کہا کے وطن عزیز کی سلامتی اور خودمختاری کے تحفظ اور حقیقی آزادی کے حصول کے لیے عوام پہلے سے ذیادہ بڑھ چڑھ کر عمران خان کا ساتھ دے گی اور ان کے مخالفین کی تمام تر سازشیں ناکام ہونگی ،ان کا مزید کہنا تھا کہ یہ واضح ہے عمران خان پر قاتلانہ حملے کے اصل ذمہ دار کون ہیں اور عوام بھی تمام حالات و واقعات سے بخوبی آگاہ ہیں پر امن لانگ مارچ اور احتجاج عوام کا آئینی و جمہوری حق ہے اللہ تعالی سے دعاگو ہیں کہ چئیرمین پی ٹی آئی عمران خان کو صحت و سلامتی عطا فرماے۔ آمین
