وحدت نیوز (کوئٹہ) مجلس علمائے شیعہ بلوچستان کے صوبائی نائب صدر علامہ ذوالفقارعلی سعیدی نے اپنے ایک بیان میں کہاہے کہ معروف عالم دین ، امام جمعہ کوئٹہ علامہ غلام حسنین وجدانی نے ہمیشہ مسلمانوں کے درمیان اتحاد بین المسلمین کا پیغام عام کیاہے اور ہمیشہ پاکستان بچانے اور قوم کو متحد کرنے کی بات کرتےہیں۔ انہیں بے بنیاد الزام لگا کر ذہنی طور پر ٹارچر کرنا انصاف نہیں ہو سکتا ہے۔

 انہوں نے مزید کہا کہ علامہ صاحب ہمیشہ امن و بھائی چارے کی بات کرتے ہیں انکی گرفتاری ایک بزرگ عالم دین کی بے حرمتی ہے انہوں نے حکومت بلوچستان ، گونر وزیراعلی ، وزیر داخلہ آئی جی پولیس سے مطالبہ کرتے ہیں کہ علامہ صاحب کو فی الفوررہا کیاجائے۔

وحدت نیوز(احادیث) پیغمبر اکرم صلی اللہ علیہ وآلہ وسلم نے ایک روایت میں حضرت فاطمہ سلام اللہ علیہا کا حق غصب کرنے والے کے انجام کو بیان فرمایا ، مندرجہ ذیل روایت کتاب"بحارالأنوار" سے نقل کی گئی ہے۔ اس روایت کا متن اس طرح ہے:

قال رسول الله صلی الله علیه وآله وسلم:

یَا فَاطِمَةُ! لَوْ أَنَّ کُلَّ نَبِیٍّ بَعَثَهُ اللَّهُ وَ کُلَّ مَلَکٍ قَرَّبَهُ- شَفَعُوا فِی کُلِّ مُبْغِضٍ لَکِ غَاصِبٍ لَکِ مَا أَخْرَجَهُ اللَّهُ مِنْ النَّارِ أَبَداً

پیغمبر خدا صلی اللہ علیہ وآلہ وسلم نے فرمایا:

اے فاطمہ! اگر خدا کے مبعوث کردہ تمام انبیاء اور اس کی بارگاہ میں مقرب تمام فرشتے بھی تمہارے دشمن کہ جس نے تمہارا حق غصب کیا ہے، کی شفاعت کریں تو بھی خداوند متعال اسے آتشِ دوزخ سے نجات نہیں دے گا۔

بحارالأنوار، ج ۷۶، ص ۳۵۴

مرکزی کردار سازی کونسل مجلس وحدت مسلمین پاکستان

وحدت نیوز (اسلام آباد) مجلس وحدت مسلمین پاکستان کے چیئرمین علامہ راجہ ناصرعباس اور وائس چیئرمین علامہ سید احمد اقبال رضوی نے کوئٹہ کے امام جمعہ علامہ حسنین وجدانی کو سیکورٹی اداروں کی جانب سے بلا ثبوت و وارنٹ کے سر عام اغوا کرنے کی پر زور مذمت کرتے ہوئے کہا ہے کہ اگر ان پر کوئی الزام ہے تو ثبوت کے ساتھ عدالتوں میں پیش کیا جانا چاہئے تھا ۔ ہم اس غیر آئینی و غیر قانونی اقدام کی پر زور مذمت کرتے ہیں اور علامہ حسنین وجدانی کی فوری رہائی کا مطالبہ کرتے ہیں ۔

انہوں نے مزید کہا کہ سیکورٹی اداروں کا کوئٹہ کے امام جمعہ علامہ حسنین وجدانی کو بغیر ثبوت کے اغوا کرنا بلا جواز اور بنیادی انسانی حقوق کی کھلم کھلا خلاف ورزی ہے جو کہ کسی بھی صورت میں قابل قبول نہیں، ہم اس غیر قانونی و غیر آئینی اقدام کی شدید مذمت کرتے ہیں۔ اگر ملک میں جنگل کا قانون نافذ کرنا ہے تو پھر یہ آئین اور عدالتیں کس کام کے لیے ہیں، ہم مطالبہ کرتے ہیں کہ علامہ حسنین وجدانی کی فوری رہائی عمل میں لائی جائے۔

وحدت نیوز(کوئٹہ) امام جمعہ کوئٹہ علامہ سید ہاشم موسوی نے کہا ہے کہ سی ٹی ڈی کی جانب سے علامہ غلام حسنین وجدانی کی گرفتاری ایک شرمناک عمل ہے۔ ان خیالات کا اظہار انہوں نے کوئٹہ کے امام جمعہ علامہ غلام حسنین وجدانی کی گرفتاری پر ردعمل کا اظہار کرتے ہوئے کیا۔ علامہ ہاشم موسوی نے کہا کہ بہت افسوس کی بات ہے کہ ہمارے پندرہ سو سے دو ہزار شہدا کے قاتل تاحال نہیں پکڑے گئے ہیں۔ انکی جانب سکیورٹی فورسز اور قانون نافذ کرنے والے اداروں کی توجہ نہیں ہے۔

انہوں نے کہا کہ علامہ غلام حسنین وجدانی عالم دین اور ایک شریف انسان ہیں۔ جو اتحاد امت مسلمہ کیلئے بات کرتے ہیں۔ علامہ غلام حسنین نے ہمیشہ پاکستان بچانے اور قوم کو متحد کرنے کی بات کی ہے۔ انہیں بے بنیاد الزام لگا کر زہنی طور پر ٹارچر کرنا انصاف نہیں ہو سکتا ہے۔ علامہ ہاشم موسوی نے کہا کہ کاش ہمارے ادارے پاکستان کے اصل دشمنوں کو پہچان لیں۔ ہمارے اداروں کو ان عناصر کو پہچاننا چاہئے جو دہشتگردی کرکے اس ملک کو برباد کرنے، پاکستانی عوام کے قتل عام اور فوجیوں کے سروں سے فٹبال کھیلنے میں ملوث تھے۔ اداروں کو انکے پیچھے جاکر انکو گرفتار کرنا چاہئے۔ ایک بے گناہ عالم دین کو پکڑنا کبھی انصاف نہیں ہو سکتا ہے۔