وحدت نیوز(اسلام آباد) مجلس علمائے مکتب اہل بیتؑ کے صدر علامہ سید حسنین عباس گردیزی نے اپنے بیان کہا ہے کہ ہم حکومت کی جانب سے سینیٹر علامہ راجہ ناصر عباس جعفری کے خلاف جاری کردہ وارنٹ گرفتاری کی شدید الفاظ میں مذمت کرتے ہیں۔ یہ اقدام دراصل حکومت کی بوکھلاہٹ اور ایک گھناؤنی انتقامی کاروائی کا مظہر ہے، جسے پاکستانی قوم کسی بھی صورت قبول نہیں کرے گی۔

علامہ راجہ ناصر عباس جعفری ہر مظلوم اور محکوم طبقے کی آواز ہیں۔ ان کی قیادت میں ہمیشہ امن، اتحاد اور انصاف کا پیغام دیا گیا ہے۔ ملت جعفریہ ایک پرامن اور مہذب قوم ہے، جس نے ہمیشہ قانون و انصاف کی پاسداری کی ہے۔ مگر ناجائز اور مسلط شدہ حکمرانوں کی یہ انتقامی کاروائیاں ان کے اقتدار کے تابوت میں آخری کیل ثابت ہوں گی۔

ہم حکومت کو متنبہ کرتے ہیں کہ وہ اس طرح کے ہتھکنڈوں سے باز رہے، ورنہ اس کے بھیانک نتائج برآمد ہوں گے، جس کی تمام تر ذمہ داری خود حکومت پر عائدہوگی۔ہم مطالبہ کرتے ہیں کہ سینیٹر علامہ راجہ ناصر عباس جعفری کے خلاف جاری کردہ وارنٹ فوری طور پر واپس لیے جائیں اور ہر قسم کی انتقامی سیاست کو ترک کیا جائے۔ پاکستانی قوم ہر ظالم کے خلاف اور ہر مظلوم کے ساتھ کھڑی ہے، اور رہے گی۔

وحدت نیوز(قم) مجلس وحدت مسلمین پاکستان (MWM) کے امور خارجہ کے سیکرٹری علامہ ڈاکٹر سید شفقت حسین شیرازی نے پارٹی کے سربراہ سینیٹر علامہ راجہ ناصر عباس جعفری کی گرفتاری کے وارنٹ پر سخت ردعمل کا اظہار کرتے ہوئے اس اقدام کو سیاسی انتقام اور جمہوری اقدار کے خلاف قرار دیا ہے۔

علامہ ڈاکٹر سید شفقت شیرازی نے اپنے بیان میں کہا کہ یہ اقدام حکومت کی جانب سے سیاسی مخالفین کو دبانے کی کوشش ہے اور اس سے ملک میں جمہوری فضا کو شدید نقصان پہنچ رہا ہے۔ انہوں نے کہا کہ علامہ راجہ ناصر عباس جعفری ہمیشہ امن و عدل و آئین کی بالا دستی کے لیے کوشاں رہے ہیں اور ان کے خلاف یہ مقدمہ بے بنیاد اور سیاسی محرکات وانتقام پر مبنی ہے۔

انہوں نے مزید کہا کہ مجلس وحدت مسلمین اس اقدام کے خلاف قانونی اور سیاسی سطح پر ہر ممکن جدوجہد کرے گی اور عوام کو اس ناانصافی کے خلاف آواز اٹھانے کی اپیل کرتے ہیں ۔یاد رہے کہ علامہ راجہ ناصر عباس جعفری کے خلاف حال ہی میں گرفتاری کا وارنٹ جاری کیا گیا تھا، جس کے بعد سے سیاسی حلقوں میں اس اقدام پر تنقید کی جا رہی ہے۔ اس واقعے نے سیاسی صورتحال کو مزید گرم کر دیا ہے اور اس انتقامی اقدام سے ملک کے سیاسی استحکام پر دور رس اثرات مرتب ہو سکتے ہیں۔

وحدت نیوز(اسلام آباد) مجلس وحدت مسلمین پاکستان کے وائس چیئرمین علامہ سید احمد اقبال رضوی نے اپنے مذمتی بیان میں کہا ہے کہ ہم سربراہ مجلس وحدت مسلمین، سینیٹر علامہ راجہ ناصر عباس جعفری کے وارنٹ گرفتاری کو حکومت کی بوکھلاہٹ اور انتقامی سیاست کا واضح ثبوت قرار دیتے ہیں۔ یہ کارروائی حق و صداقت کی آواز کو دبانے کی ناکام کوشش ہے۔علامہ راجہ ناصر عباس جعفری ایک بے باک، نڈر اور اصول پسند رہنما ہیں، جو ہمیشہ مظلوموں کے حق میں اور ظالموں کے خلاف سینہ سپر رہے ہیں۔ ان کی شجاعت اور جرات مندانہ مؤقف کو اس طرح کے اوچھے ہتھکنڈے متزلزل نہیں کر سکتے۔

ہم واضح طور پر اعلان کرتے ہیں کہ کسی بھی جبر، دھمکی یا غیر آئینی ہتھکنڈے سے ہمیں مرعوب نہیں کیا جا سکتا۔ مجلس وحدت مسلمین ہر حال میں اپنے اصولی اور عوامی جدوجہد کو جاری رکھے گی۔ حکومت کو چاہیے کہ وہ غیر جمہوری ہتھکنڈوں کے بجائے عوامی مسائل کے حل پر توجہ دے اور سیاسی انتقام کی روش کو ترک کرے۔ہم اس غیر قانونی اور انتقامی کارروائی کی شدید الفاظ میں مذمت کرتے ہیں اور مطالبہ کرتے ہیں کہ وارنٹ گرفتاری کو فی الفور واپس لیا جائے۔ اگر حکومت نے ظلم و جبر کا راستہ نہ چھوڑا تو ہم اپنی عوامی اور جمہوری مزاحمت کا حق محفوظ رکھتے ہیں۔

وحدت نیوز (سکردو) شہید ومقاومت شہید حسن نصراللہ، شہید ہاشم صفی الدین ودیگر شہدائے القدس کی لبنان میں تدفین اور نماز جنازہ کے موقع پر سکردو میں ایک عوامی اجتماع منعقد کیا گیاجس میں ہزاروں عاشقان شہید نے بھرپور جوش وجذبے کے ساتھ شرکت کی، یہ شہید سید مقاومت کی یاد میں پاکستانن کا سب بڑا عوامی اجتماع تھا ۔

 اس عوامی اجتماع کی میزبانی ایم ڈبلیو ایم نے کی اس موقع پر خطاب کرتے ہوئےانجمن امامیہ بلتستان کے صدر آغاباقر حسین الحسینی، ایم ڈبلیو ایم کے صوبائی صدر آغا سید علی رضوی، اپوزیشن لیڈر گلگت بلتستان اسمبلی کاظم میثم،سید مظاہر الحسینی، شیخ جواد حافظی، شیخ رضا بہشتی،علامہ شیخ اعجازحسین بہشتی ودیگر نے کہاہے کہ شہید مقاومت شہید حسن نصراللہ، شہید سید ہاشم سفی الدین ودیگر شہدائے مقاومت اسلامی نے اپنی جانوں کوقربان کر کے ثابت کرتے کہ محمد واآل محمد  کے ماننے والے ظالم کے ماننے والے ظالم کے سامنے جھکنے سے شہادت کو ترجیح دیتے ہیں کیونکہ ظالم، جابر طاقتوں کے سامنے جھکنے سے بہتر ہے کہ امام حسین ؑ کی طرح شہیدہو جاوں آج ہمیں چاہئے کہ ہم ان شہداء کو سمجھیں کہ انہوں نے اپنی جانوں کا نذرانہ کیوں پیش کیا جو ہمیشہ زندہ رہنا چاہتے ہیں وہ اپنی جانیں قربان کرکے زندہ رہ جاتے ہیں باقی جو زلت وخواری کے ساتھ زندہ رہتاہے ان کا نام نشان مٹ جاتا ہے ان کے اپنے انہیں یاد نہیں رکھتے شہید حسن نصراللہ اور دیگر شہداء القدس سے دشمن ان کی شہادت کے بعد جتنا خوف زدہ ہوئے جتنا ان کی زندگی میں خوف نہیں کھایا تھا ہم بھی ان کے نقش قدم پر چلتے ہوئے ہمارے اور ہونے والے زیادتیوں پر خاموش نہیں رہیں گے سیاچن سے لے کر دیامر تک کے ایک ایک انچ زمینوں کا ہم حفاظت کریں گے کسی کو عوام پر ظلم ڈھانے کی اجازت نہیں دیں گے ظالم کے سامنے ہم سیسہ پلائی دیوار بن کر کھڑے ہوجائیں گے۔

 اس موقع پر مختلف ایریاز سے لوگ ریلیوں کی شکل میں جلسے میں پہنچے سب سے بڑی ریلی علامہ شیخ اعجازحسین بہشتی کی قیادت میں کچورا سے برآمد ہوئی ،سینکڑوں گاڑیوں میں ہزاروں کی تعداد میں ریلی میں شریک ہوئے، ریلی میں شرکاء ہاتھوں میں شہید حسن نصراللہ ودیگر شہداء کی تصاویر بینرز اور پلے کارڈ اٹھائے ہوئے تھے جن پر امریکہ ، اسرائیل اور دیگر صہیونی طاقتوں کے خلاف نعرے درج تھے یادگار شہداء لبیک یاحسین ؑ ، لبیک خامنہ، لبیک یانصراللہ کے نعروں سے گونج اٹھے۔