مطالبات تسلیم نہ کیے گئے تو 40 لاکھ سے زائد لوگ اسلام آباد مارچ کریں گے14 جنوری کو اسلام آباد میں عوام کی پارلیمنٹ ہوگی
حلفیہ کہتا ہوں کہ کسی بیرونی اشارے پر ملک نہیں آیا، عوامی جلسے پر سارا پیسہ عوام نے لگایاپہلے اس ملک کے نظام انتخابات کو درست کیا جائے، پھر الیکشن کروائیں جائیں۔
منہاج القرآن کی ویب سائیڈ کے مطابق شیخ الاسلام ڈاکٹر محمد طاہرالقادری کے عوامی استقبال جلسے میں 20 لاکھ سے زائد لوگوں کی شرکتتحریک مہناج القرآن کےسربراہ ڈاکٹر طاہر القادری نے کہا کہ ملک میں آئین کےمطابق انتخابات کرانے کے لیے نوے دن کی مہلت سے زیادہ وقت بھی لگ جائے تو یہ اقدام غیر آئینی نہیں ہے۔
اتوار کو مینار پاکستان میں ایک بہت بڑے جلسے سے خطاب کرتے ہوئے ڈاکٹر طاہر القادری نے کہا کہ نظام انتخاب کی تبدیلی کے بغیر انتِخابات ہوئے تو آئین ٹوٹ جائےگا۔
ڈاکٹرطاہر القادری اپنے طویل ترین خطاب میں آئین کے آرٹیکل دو سو چون کا حوالہ دیا اور کہا کہ آئین یہ اجازت دیتا ہے کہ اگر کسی کام کو مکمل کرنے میں آئینی مدت سے زیادہ کا عرصہ لگ جائے تو وہ اقدام غیر قانونی نہیں ہوگا۔
انہوں نے کہا کہ وہ نظام انتخاب کو آئین کے آرٹیکل باسٹھ اور تریسٹھ کے تابع کرنا چاہتے ہیں۔ ان کے بقول آئین ان دفعات پر عمل درآمد کرکے نیک سیرت اور اہل لوگوں کو لایا جائے اور اس کام میں اگر نوے دن سے زیادہ بھی لگ جائیں تو آئین اس کی اجازت دیتا ہے۔ان کا کہنا ہے کہ نوے دن کی رٹ لگانا ضروری ہے یا آئین کی شرائط پر عمل کرنا۔
اس جلسے میں مجلس وحدت مسلمین کے پچاس رکنی کےوفد کے علاوہ شیعہ علما کونسل  نے شرکت کی جبکہ آغا مرتضی پویا اور عین غین کراروی بھی موجودتھے ۔ ڈاکٹر طاہر القادری نے جلسے میں کھڑے ہونے کے بجائے کرسی پر بیٹھ کر تقریر کی اور ڈائس کے بجائے ان کے سامنے ایک میز رکھا گیا تھا۔

ڈاکٹر طاہر القادری پانچ برس کے بعد کینیڈا سے پاکستان لوٹے ہیں اور ان کی پاکستان آمد سے قبل سے ان کے جلسے کے بارے میں مہم شروع تھی اور نجی ٹی وی چینلوں پر ان کی لاہور آمد اور جلسے کے بارے میں اشتہارت نشر کیےگئے۔
تحریک مہناج القرآن کے سربراہ نے وضاحت کی کہ وہ انتخابات ملتوی یا منسوخ نہیں کروانا چاہتے بلکہ بقول ان کے ملک انتخابات آئین کے تابع ہوں۔
انہوں نے خبردار کیا کہ اگر آئین کے آرٹیکل باسٹھ پر عمل درآمدنہ کیا گیا تو وہی لوگ پلٹ کر واپس آئیں گے جو پہلے بھی پارلیمان میں موجود ہیں۔
ڈاکٹر طاہر طاہر القادری نے تجویز پیش کی کہ نگران سیٹ اپ مقرر کرنے کے عمل میں ملک کی عدلیہ اور فوج کو بھی شامل کیا جائے آئین ایسا کرنے سے روکتا نہیں۔
انہوں نے کہاکہ ایسے لوگوں کو نگران حکومت میں مقرر کیا جائے تو انتخابات کروانے سے پہلے آئین کے مطابق نظام کو درست کریں۔
ڈاکٹر طاہر القادری نے خبردار کیا کہ اگر حکومت نے دس جنوری سے پہلے تمام نظام کو درست نہ کیا تو وہ اس کے خلاف اسلام آباد کی طرف مارچ کریں گے۔
انہوں نے اعلان کیا کہ تین ہفتوں کی مہلت ختم ہونے سے پہلے ایسے لوگوں کو نہ لایا گیا جو نظام درست کرسکیں تو چودہ جنوری کو اسلام آباد میں اجتماع ہوگا جہاں عوام کی پارلیمنٹ میں فیصلے ہوں گے۔
ڈاکٹر طاہر القادری نے کہا کہ اگر نظام انتخاب اور انتخابی اصلاحات کے بغیر انتخابات ہوئے تو عوام انہیں قبول نہیں کریں کیونکہ بقول ان کے وہ انتخابات غیرآئینی ہوں گے۔

مجلس وحدت مسلمین پنجاب کے سیکرٹری جنرل علامہ عبدالخالق اسدی کی قیادت میں مجلس وحدت کے پچاس رکنی نمائندہ وفد نے عوامی تحریک کے مینار پاکستان ہونے والے جلسے ’’سیاست نہیں ریاست بچاؤ‘‘ میں شرکت کی اور ان سے اظہار یکجہتی کیا۔ وفد میں علامہ کامرانی، سیکرٹری اطلاعات مظاہر شگری، اسد عباس سمیت ضلع بھر سے درجنوں افراد شامل تھے۔ اس موقع پر عوامی تحریک کی طرف سے ایم ڈبلیو ایم کے شرکاء کو خوش آمدید کہا گیا اور ان کی آمد پر شکریہ ادا کیا گیا۔

علامہ عبدالخاق اسدی کا کہنا تھا کہ پاکستان کو شیعہ سنی دونوں نے ملکر بنایا تھا اور آج اس مادر وطن کو دونوں قوتوں ملکر ہی بچا سکتی ہیں۔ ڈاکٹر طاہر القادری کی پاکستان آمد اور وطن عزیز کے مسائل پر کھلے الفاظ میں بات کرنا لائق تحسین ہے۔ ان کا کہنا تھا کہ شیعہ سنی کا مشترکہ دشمن ایک ہی ہے جو نہیں چاہتا کہ پاکستان ترقی کرے۔ کبھی زبان پر اس ملک کے باسیوں کو لڑایا گیا تو کبھی فرقے کی بنیاد پر لڑایا گیا۔ الحمد اللہ عوام یہ بات جان چکے ہیں۔ ان کا کہنا تھا کہ ایم ڈبلیو ایم وطن دوست قوتوں کو یقین دلاتی ہے کہ جو بھی قوت پاکستان کو بچانے میں اپنا بھرپور کردار ادا کرے گی، ایم ڈبلیو ایم اس کی پشت پر کھڑی ہوگی اور بھرپور تعاون کریگی۔

پنجاب کے سیکرٹری جنرل کا کہنا تھا کہ ہم سمجھتے ہیں کہ پاکستان کے مسائل کا حل شیعہ سنی وحدت میں ہی پنہاں ہے۔ جو لوگ پے ایجنٹ کا کردار ادا کر رہے ہیں انہیں کیفر کردار تک پہنچانا ہوگا۔ آج اس ملک میں شیعہ محفوظ ہے اور نہ ہی سنی۔ گذشتہ روز سنیئر وزیر بشیر بلور کو ناحق قتل کر دیا گیا، جو افسوسناک بھی ہے اور حکمرانوں کیلئے لمہ فکریہ بھی۔ آج ہمیں طے کرنا ہوگا کہ دہشتگردی کیخلاف جنگ لڑنی ہے یا انہیں کھلی چھوٹ دینی ہے۔