وحدت نیوز(کوئٹہ) ایم پی اے آغا رضا نے کہا ہے کہ ہم اتحاد و اتفاق پر یقین رکھتے ہیں۔ علامہ راجہ ناصر عباس صاحب پوری ملت کیلئے جدوجہد کر رہے ہیں، قوم ہمارا ساتھ دے۔مجلس وحدت مسلمین کوئٹہ ڈویژن کے سیکریٹریٹ سے جاری شدہ بیان میں ایم پی اے آغا رضا نے کہا ہے کہ ہم ہمیشہ مظلومین کے ساتھ رہے ہیں، حکومت اپنے فرائض انجام نہیں دے رہی ہے۔ مجلس وحدت مسلمین کوئٹہ کے رہنماء اور رکن صوبائی اسمبلی آغا رضا نے کہا ہے کہ ہماری جماعت اتحاد بین المسلمین پر یقین رکھتی ہے، ہم نے اتحاد و اتفاق اور بلا کسی تفریق رنگ و نسل کے خدمت کی ہے۔ انہوں نے کہا کہ ہماری مرکزی قیادت اتحاد بین المسلمین کیلئے کوشاں ہے اور ہمیشہ امن کی تلقین کی ہے، ملک میں امن کی فضاء برقرار رکھنے کیلئے اتحاد کے ذریعے اپنا کرداد ادا کررہے ہیں۔انہوں نے مزید کہا کہ مختلف واردات پر حکومت کی طرف سے خاموشی اور اقدامات نہ اٹھا پر، قائد ملت علامہ راجہ ناصر عباس صاحب موجودہ وفاقی حکومت کے خلاف احتجاج کا مظاہرہ کر رہے ہیں اور پچھلے ایک مہینے سے بھوک ہڑتال پر ہے۔ ایم پی اے آغا رضا نے کہا کہ علامہ راجہ ناصر صاحب کا مطالبہ واضح ہے، ہمارا قتل عام بند کیا جائے اور تکفیریوں کو انکے اصل انجام تک پہنچایا جائے۔ اس ملک کے قیام میں ہمارے بزرگوں کی جدوجہد شامل ہے اور ہمیں ہی اس ملک سے بے دخل کرنے کی کوشش کی جارہی ہے۔ ہمارے پروفیشنلز اور ہمارے سماجی کارکنوں کو شہید کیا جا رہا ہے، انہوں نے کہا حکومت ان واقعات سے ایسے نظریں چراتی ہے جیسے مرنا اور مارنا روز کا کھیل ہو اور یہ خاموشی دہشتگردوں کی سرپرستی کی علامت ہے۔ آغا رضا نے کہا کہ ہم ہمیشہ مظلوموں کے ساتھ رہے ہیں اور انکے حقوق کیلئے جدوجہد کی ہیں۔ عوام کا تحفظ حکومت کی ذمہ داری ہے اور قتل عام پر خاموشی حکومت کی ناقص پالیسی ہے۔ حکومت اپنے فرائض انجام نہیں دے رہی۔

وحدت نیوز (کراچی) کراچی کی صوبائی اسمبلی کی نشست پی ایس  127 پر ہونے والے ضمنی الیکشن کے لئےمجلس وحدت مسلمین سمیت مختلف جماعتوں کے۲۷ امیدواروں نے نامزدگی فارم جمع کروائے ہیں، تفصیلات کے مطابق ایم کیوایم کے رہنما اشفاق منگی کی خالی ہونے والی نشست پر ضمنی انتخاب ۱۳  جولائی کو منعقد ہونگے ،اس سلسلے میں مختلف جماعتوں کے ۲۷ امیدواروں نے اپنے کاغذات نامزدگی جمع کروائے ہیں، جبکہ پی ایس ۱۲۷ کے حلقہ سے  مجلس وحدت مسلمین نے بھی اپنے امیدواروں کے کاغذات نامزدگی جمع کروادیئے ہیں، اطلاعات کے مطابق مجلس وحدت مسلمین نے سابق یو سی کونسلر  علی عباس عابدی اور ایم ڈبلیو ایم ضلع ملیر کے پولیٹیکل سیکریٹری حسن عباس رضوی کے کوائف جمع کروادئے ہیں۔جبکہ اس ضمنی الیکشن میں پاکستان پیپلز پارٹی، متحدہ قومی موومنٹ، مہاجر قومی موومنٹ ، تحریک انصاف اور چند آزاد امیدواربھی حصہ لے رہے ہیں۔واضح رہے کہ گذشتہ دو ہزار تیرہ کے الیکشن میں مجلس وحدت مسلمین نے پی ایس ۱۲۷ سے ۱۴ ہزار ووٹ حاصل کیئے تھے۔

وحدت نیوز(مظفرآباد) مجلس وحدت مسلمین آزاد کشمیر کے پانچ امیدوار بھی میدان میں ، حلقہ 2لچھراٹ ، حلقہ تین سٹی ، حلقہ چار کھاوڑہ ، حلقہ پانچ چکار اور حلقہ چھ لیپہ ویلی سے کاغذات نامزدگی جمع کروا دیئے گئے ، میڈیا سیل مجلس وحدت مسلمین آزاد جموں و کشمیر سے جاری تفصیلات کے مطابق حلقہ لچھراٹ سے ریاستی سیکرٹری سیاسیات سید محسن رضا سبزواری ایڈووکیٹ، حلقہ تین سٹی سے سید ارسلان آفتاب، حلقہ چار کھاوڑہ سے خالد محمود عباسی نے مظفرآباد جبکہ حلقہ پانچ چکار سے سید حسنین علی کاظمی اور حلقہ چھ سے سید افتخار علی کاظمی نے اپنے اپنے کاغذات نامزدگی ہتیاں بالا جمع کروائے ،اس موقع پر کارکنان کی بڑی تعداد ان کے ہمراہ تھی ، کاغذات جمع کروانے کے بعد مجلس وحدت مسلمین آزاد کشمیر کے سیکرٹری سیاسیات سید محسن رضا سبزواری ایڈووکیٹ نے میڈیا سے گفتگو میں کہا کہ مجلس وحدت مسلمین پرامن کشمیر ، خوشحال کشمیر اور مضبوط کشمیر کے لیے عملی جدوجہد کرتے گی ، مظلوموں و محروموں کے حقوق کے لیے جدوجہد ہمارا مشن ہے ، غریب پرور قیادت غریب کا خیال رکھے گی ، اصولی سیاست کریں گے ، خدمت خلق کے جذبے کے تحت میدان میں اترے ، کوئی کسر نہیں چھوڑیں گے۔

وحدت نیوز(تہران) تہران کی مرکزی  نماز جمعہ کے خطیب آیت اللہ امامی کاشانی  نےانصاف کے حصول کے لئے گذشتہ ایک ماہ سے جاری مجلس وحدت مسلمین کے سربراہ  علامہ راجہ ناصر عباس جعفری کی بھوک ہڑتال کے حوالے سے خطبہ جمعہ میں تذکرہ کرتے ہوئے کہا کہ پاکستان میں شیعہ کشی کیخلاف کچھ علما ءنے بھوک ہڑتال کی ہوئی ہے ، اہلسنت یہاں تک کہ پاکستان کے مسیحی بھی اہل تشیع کی حمایت کررہے ہیں لیکن پاکستانی حکومت نے ابتک کسی قسم کا ردعمل نہیں دیکھایا، انہوں نے کہا کہ  ہم پاکستانی حکومت سے مطالبہ کرتے ہیں کہ اپنی پالیسیوں پر تجدیدنظر کرے۔

واضح رہے کہ پاکستان میں جاری اس شیعہ ٹارگیٹ کلنگ کا سلسلہ کئی دہائیوں سے رکنے کا نام نہیں لے رہا ہے، اس حوالے سے شیعہ رہنماوں نے ہر سطح پر کوشیش کی ، حتیٰ کے کوئٹہ سانحہ کے بعد دھرنے دیئے اس کے علاوہ کئی لانگ مارچ سمیت گذشتہ و موجود ہ وفاقی و صوبائی حکومتوں سے ملاقات بھی کیں تاہم یہ ٹارگیٹ کلنگ کا سلسلہ تھما نہیں اس پر مجلس وحدت مسلمین کے سربراہ نے خود کو تکلیف میں ڈالنے کااعلان کیا تاکہ حکمرانوں کی بے حسی کو بے نقاب کرسکیں۔

وحدت نیوز (اسلام آباد) نیشنل پریس کلب اسلام آباد کی جانب سے مجلس وحدت مسلمین پاکستان کے سربراہ علامہ راجہ ناصر عباس جعفری اور  جڑواں شہر کے صحافیوں کے اعزاز میں افطار ڈنر دیا گیا۔افطار سے قبل پریس کلب میں صحافیوں سے خطاب کرتے ہوئے علامہ ناصر عباس نے کہا کہ رمضان رحمتوں اور برکتوں کا مہینہ ہے ۔یہ ماہ غریب پروری کا درس دیتا ہے لیکن ہمارے بے حس حکمرانوں کو اس ملک کے محنتی اور غریب افراد کی پروا نہیں۔قرآن پاک میں واضح ارشاد ہے کہ مظلوموں کی حمایت میں نکلو۔ اس وقت ملک میں ہر طرف ظلم و جبر اور طاقت کی حکمرانی ہے۔ حکومت کی نا اہلی سے وطن عزیز میں امن و انصاف نا پید ہوتا جا رہا ہے۔ ملک کا مقتدر طبقہ قانون کی حاکمیت کے نام پر کمزور لوگوں کے بنیادی حقوق کا خون بہا رہا ہے۔نیشنل ایکشن پلان کی آڑ میں محب وطن افراد پر مقدمات درج کیے جا رہے ہیں جب کہ دہشت گردوں اور کالعدم جماعتوں کے رہنماوں کو حکومتی سطح پر تحفظ دیا جا رہاہے ،وطن عزیز کے 80 ہزار افراد دہشت گردی کی بھینٹ چڑھ گئے ہیں۔قومی مفاد کو یکسر نظر انداز کر دیا گیا ہے۔ ہمار ے حکمرانوں کے پاس ملک و قوم کے مفاد میں کوئی پالیسی موجود نہیں۔امریکہ روز اول سے ہمارے قومی معاملات او رخود مختاری میں مداخلت کر رہا ہے۔دوستی کے بھیس میں چھپے اس ازلی دشمن سے فورا چھٹکار حاصل کرنا ہو گا۔امریکہ عالم اسلام کا سب سے بڑا دشمن ہے۔ایشیائی ممالک میں تناو امریکہ اور اس کے حواریوں کے لیے نفع بخش اور تسکین کا باعث ہے۔یہی وجہ ہے کہ یہود و ہنود مل کر خطے میں طاقت کے توازن میں بگاڑ پیدا کرنے میں مصروف ہیں۔ ملک کے تمام محب وطن طبقات کو وطن عزیز کے استحکام اورقومی سلامتی کے لیے مشترکہ سعی کرنا ہو گی۔وطن دشمن داخلی و خارجی طاقتوں کو شکست دینے کے لیے صحافی حضرات کو اپنی قلم سے جہاد کرنا ہو گا۔پریس کلب اسلام آباد کے صدر شکیل انجم اور سیکرٹری جنرل عمران یعقوب ڈھلوں نے افطار ڈنرمیں شرکت پر مجلس وحدت مسلمین کے سربراہ علامہ راجہ ناصر عباس کا شکریہ ادا کیا۔

وحدت نیوز(اسلام آباد) مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری کا شہید میجر علی جواد چنگیزی کے بھائی میجرعلی قاسم سے ٹیلیفونک رابطہ ، طورخم بارڈرپر افغان فورسز کے حملے میں شہید ہونے والے ان کے بھائی میجر علی جواد کی عظیم قربانی پر خراج تحسین اور اظہار تعزیت، تفصیلات کے مطابق ایم ڈبلیوایم کے سربراہ علامہ راجہ ناصرعباس جعفری نےچند روز قبل طورخم بارڈرپر افغان فورسز کے حملے میں پہلے زخمی اور کل جام شہادت نوش کرجانے والے پاک فوج کے میجر علی جواد چنگیزی کے بھائی میجر علی قاسم کو ٹیلی فون کررکے  کہا ہے  کہ دکھ کی اس گھڑی میں ہم آپ کے ساتھ ہیں، خدا اپکے اہل خانہ کی جانب سے وطن عزیز کے استقلال اور استحکام کی راہ میں پیش کی جانے والی اس عظیم قربانی کو اپنی بارگاہ میں قبول فرمائے اور شہید کو جوار شہدائے کربلاؑمیں جگہ عنایت فرمائے ، علامہ راجہ ناصرعباس جعفری نے میجر علی قاسم سے کہا کہ اسی ہزار بے گناہ مقتول  پاکستانیوں کی خاطر ایک ماہ سے ذیادہ عرصہ گذرجانے کے باوجود بھوک ہڑتال ہوں انشاءاللہ  بھوک ہڑتال کیمپ کے مقاصد پورے ہونے کے بعد آپ کے پاس  حاضر ہو کر قوم کے اس عظیم  سپوت کی شہادت پر تعزیت پیش کرونگا ۔