وحدت نیوز (پاراچنار)  مجلس وحدت مسلمین پاراچنار کے سیکریٹری جنرل اور نامزد کردہ امیدواربرائے قومی اسمبلی این اے46 شبیر حسین ساجدی نے تمام امیدواروں کے درمیان الیکشن کمپین کے دوران پرامن ماحول اور بھائی چارے کی فضا کو قائم کرنے کیلئے لائحہ عمل ترتیب دینے کا فیصلہ کیا ہے جس پر کام کرنے کیلئے انہوںنےاین اے 46 کیلئے آزاد امیدوار علی بیگم کے آفس کا دورہ کیا اور ان سے تفصیلی ملاقات رہی اسی طرح دوسرے امیدواروں کے دفتروں کا دورہ بھی کیا جائے گا تاکہ ایک لائحہ عمل تیار ہوسکیں جس میں سازشی عناصر کی روک تھام ہوسکیں اور قوم آپس میں دست وگریباں ہونے سے بچا جائے انشاءاللہ ہمیں امید ہے کہ کوئی بھی اس پرخلوص عمل میں ہمیں ناامید نہیں کرے گا اور ہم دشمن کے بنائے ہوئے منصوبوں کو کامیاب نہیں ہونے دیں گے، انشاءاللہ

وحدت نیوز (گلگت) مہدی شاہ کے سرپر بکروال کی پگڑی خوب سجے گی ،زرداری جیسے کرپٹ سیاست کار کے جوتے سیدھے کرنے والوں کی قسمت میں عمامہ نہیں۔مہدی شاہ وہ شخص ہیں جو پانچ سال میں صرف اپنی ہی جیب بھرتے رہے اور گلگت بلتستان سے اپنی ہی جماعت کا جنازہ نکال دیا۔پیپلز پارٹی مرحوم ہوچکی ہے اور گلگت بلتستان کے عوام نے ٹنوں مٹی ڈال کردفن کردیا ہے مجلس وحدت مسلمین گلگت بلتستان کے ترجمان محمد الیاس صدیقی نے اپنے ایک بیان میں کہا ہے کہ مہدی شاہ کے رشتہ دار ان کا ساتھ دیتے تو الیکشن میں ان کو منہ کی کھانی نہ پڑتی ہے۔علماء کے حوالے سے مہدی شاہ کا بیان مذہب سے کینہ اور بغض کی علامت ہے اور پچھلے الیکشن میں کھائے ہوئے زخموں کو برداشت کرنے کی ان میں سکت نہیں اور حواس باختگی میں علماء کی شان میں گستاخی کررہے ہیں جبکہ موصوف سیاسی طور پر مکمل ڈمیج  ہوچکے ہیں۔

انہوں نے کہاکہ پارٹی میں ان کی حیثیت ضلعے کی سطح تک محدود ہوچکی ہے اور ان کا پانچ سالہ دور اقتدار ناکام ترین دور میں شمار ہوتا ہے اور اپنے دور اقتدار میں عوام کے ساتھ جھوٹے دعووں پر گزارچکے ہیںاور اب ڈی جی ایف ڈبلیو او سے ملاقات کرکے مسائل بیان کرنے پر ناز کررہے ہیں۔ اپنے پانچ سالہ دور اقتدار میں سکردو روڈ تو نہ بنواسکا ،انہیں عوام کی ترجمانی کا کوئی حق نہیں۔الیاس صدیقی نے مزید کہا کہ احتساب عدالت کا نواز شریف کے خلاف فیصلہ تاریخی ہے اور اس فیصلے کا خیر مقدم کرتے ہیں۔مسلم لیگ نواز اور پیپلز پارٹی کے اقتدار کے سورج غروب ہوچکے ہیں اور آنیوالے الیکشن میں یہ دونوں جماعتیں نشان عبرت بن جائینگے۔انہوں نے کہا کہ عدالتیں اسی طرح فیصلے کرتے رہے تو وہ دن دور نہیں کہ پاکستان دنیا کے نقشے پر ایک امین ریاست کے طور پر مانی جائیگی۔

وحدت نیوز (سکردو) مجلس وحدت مسلمین پاکستان گلگت بلتستان کے سربراہ آغا علی رضوی نے میڈیا کے نمائندوں کو جاری ایک اہم بیان میں کہا ہے کہ کھرمنگ تک طویل لانگ مارچ کا مقصد جی بی آرڈر کے مخالف اور آئینی حقوق کے لیے چلانے والی تحریک کی تیاری اور ایکشن کمیٹی کے رہنماء غلام شہزاد آغا کی عوام کے لیے کی گئی خدمات کو سراہنا مقصود تھا۔انہوں نے کہا کہ اسکردو سے گول تک بغیر کسی تیاری کے ہنگامی صوتحال میں پیدل مارچ کرنے والے جوانوں کی ہمت اور شجاعت قابل تحسین ہے۔ ہم ان سب کا شکریہ ادا کرتے ہیں ۔

 آغا علی رضوی نے کہا کہ بعض مخالفین اور انتظامیہ میں موجود کالی بھیڑو ں نے اس مارچ کو غلط رنگ دینے کی کوشش کی اورعوام کو عدالت سے لڑانے کی پوری کوشش کی۔ جبکہ ہم نے بار کونسل کی مداخلت پر ہی دھرنے کے خاتمے کا اعلان کرکے سازش کاروں کی سازشوں کو خاک میں ملادیا۔ ہماری وفاداری کو غلط رنگ دینے والوں کو بتانا چاہتے ہیں کہ ہم کسی لالچ یا خوف کی وجہ سے پاکستان کے وفادار نہیں بلکہ ایک نظریاتی رشتے کی وجہ سے ہے۔  افسوس کی بات ہے کہ ستر سالہ عرصہ گزرنے کے بعد بھی ہمیں پاکستان کا باقاعدہ آئینی حصہ بننے نہ دینے والے حب الوطنی کی سند بانٹ رہے ہیں۔ ملک جس نہج پہ پہنچا ہے اس کا ذمہ دار حکومتیں ہیں ۔ گلگت بلتستان کے عوام تیار و آمادہ رہیں جی بی آرڈر نامی کالے قانون کے خلاف اور آئینی حقوق کے لیے فیصلہ کن تحریک چلائی جائے گی ۔ اس دوران ہر طرح الزمات لگائے جائیں گے اور مشکلات کھڑی کیے جائیں گے لیکن ہماری تاریخ قربانیوں سے بھری پڑی ہیں ۔ دنیا کو ہم واضح کر دینا چاہتے ہیں کہ حالات کچھ بھی ہو عوامی حقوق اور ظلم کے خلاف اقدام اٹھانے سے دنیا کی کوئی طاقت ہمیں روک نہیں سکتی۔

وحدت نیوز (کراچی) مجلس وحدت مسلمین کراچی ڈویژن کے سیکریٹری جنرل علامہ صادق جعفری نے گلگت بلتستان کے مجاہد اور عوام دوست لیڈر اور ایم ڈبلیوایم کے صوبائی سیکریٹری جنرل آغا علی رضوی کو شیڈول فورمیں ڈالنے کی سخت الفاظ میں مذمت کی ہے، وحدت ہائوس کراچی سے جاری اپنے ایک بیان میں انہوں نے کہاکہ آغا علی رضوی گلگت بلتستان میں عوامی حقوق کی توانہ آواز ہیں، انہوں نے ہمیشہ جی بی کے محروم عوام کا مقدمہ سڑکوں پر لڑا ہے،گلگت بلتستان میں گندم سبسڈی تحریک اور اینٹی ٹیکس تحریک کے سرخیل کو عوامی مسائل کے حل کیلئے آواز بلند کرنے کی پاداش میں انتقامی سیاست کا نشانہ بنایاجارہا ہے جوکہ غیر جمہوری اور غیر اخلاقی اقدام ہے۔ انہوںنے کہاکہ مسلم لیگ ن کی گلگت بلتستان حکومت ایم ڈبلیوایم کے خلاف انتقامی کاروائیوں سے باز رہے بصورت دیگر گلگت بلتستان سے لیکر کراچی تک شدید احتجاج کیا جائے گا، انہوں نے حکومت سے مطالبہ کیا کہ آغا علی رضوی اور گلگت بلتستان میں عوامی حقوق کیلئے سرگرداں رہنمائوں کو فوری طور پر شیڈول فور سے خارج کیا جائے ۔

وحدت نیوز (اسلام آباد)  مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے ایم ڈبلیوایم گلگت بلتستان کے صوبائی سیکریٹری جنرل اور عوامی ایکشن کمیٹی بلتستان کے چیئرمین آغا علی رضوی کو شیڈول فورمیں ڈالنےکی سخت مذمت کی ہے ، مرکزی سیکریٹریٹ سے جاری بیان میں انہوں نے کہاکہ آغا علی رضوی کا نام شیڈول فور میں ڈال کر گلگت بلتستان کی آواز کو دبانے کی ناکام کوشش کی جارہی ہے، آغا علی رضوی بلاتفریق گلگت بلتستان کے تمام عوام کے حقوق کی جدوجہد میں مصروف عمل ہیں، جن کا احترام تمام مسالک ، مکاتب اور سیاسی حلقے کرتے ہیں۔

انہوں نےکہاکہ آغا علی رضوی کو گلگت بلتستان کے حقوق کیلئے موثر آواز بلندکرنے کے جرم میں ن لیگی وزیر اعلیٰ گلگت بلتستان حفیظ الرحمٰن سیاسی انتقام کا نشانہ بنا رہے ہیں ۔ علامہ راجہ ناصرعباس جعفری نے کہاکہ آغا علی رضوی کو شیڈول فور جیسےبچکانہ ہھتکنڈو ں سے ڈرایا اور دھمکایا نہیں جاسکتاانہیں جتنا دبایا جائے گا وہ اتنا ہی ابھریں گے اور پہلے سے زیادہ قوت کے ساتھ عوام کے حقوق کیلئے فعال کردار اداکرتے نظر آئیں گے، اس سے قبل بھی ن لیگی حکومت ہمارے متعدد رہنمائوں کو شیڈول فورمیں ڈال کر آزما چکی ہے لیکن ان کے مقدر میں ناکامی کے سوا کچھ نہیں آیا۔

وحدت نیوز(کوئٹہ) کوئٹہ کے علاقے ہزارہ ٹاؤن میں مجلس وحدت مسلمین کی جانب سے اپنے پہلے سیاسی پاور شو کے سلسلے میں انتخابی جلسہ عام کا انعقاد کیا گیا۔ ہزارہ ٹاؤن کے مرکزی علاقے علی آباد میں منعقدہ جلسہ عام میں مجلس وحدت مسلمین شعبہ تربیت کے مرکزی سیکرٹری علامہ اعجاز بہشتی، ایم ڈبلیو ایم کے سابق رکن بلوچستان اسمبلی سید محمد رضا، امام جمعہ کوئٹہ علامہ سید ہاشم موسوی، سابق سیکرٹری جنرل ایم ڈبلیو ایم کوئٹہ سیدعباس موسوی اور صوبائی اسمبلی کے حلقہ پی بی 26 سے ایم ڈبلیو ایم کے امیدوار برکت علی بھیاء سمیت دیگر رہنماؤں نے خصوصی طور پر شرکت کی۔ جلسہ عام میں مرد وخواتین کی کثیر تعداد نے شرکت کی۔ اس موقع پر ایم ڈبلیو ایم کے امیدوار برکت علی بھیاء کا کہنا تھا کہ کوئٹہ شہر میں شیعہ ہزارہ قوم کو اس وقت سب سے پہلے دہشتگردی کا مسئلہ درپیش ہے۔

شیعہ ہزارہ قوم ایم ڈبلیو ایم کے پلیٹ فارم سے پورے پاکستان میں آباد شیعہ ملت و دیگر مظلوم اقوام کیساتھ یکجاء ہوکر دہشتگردی کا بھرپور مقابلہ کر سکتی ہے۔ اس کے علاوہ کوئٹہ میں جس سازش کے تحت شیعہ ہزارہ قوم اور دیگر اقوام میں نفرت کی فضاء کو پروان چڑھایا گیا، اسے ختم کرنا میری اولین ذمہ داری ہوگی۔ پاکستان میں گذشتہ دو دہائیوں سے شیعہ ملت پر جاری مظالم کو فرقہ وارانہ رنگ دینے کی سازش کی گئی، لیکن ایم ڈبلیو ایم کی قیادت نے پورے ملک میں اس تاثر کو ختم کیا۔ آج ریاستی اداروں سے لیکر خود حکومت بھی یہی کہتی ہے کہ یہ یک طرفہ دہشتگردی ہے، جس کا نشانہ پاکستان کی مظلوم شیعہ ملت بنی ہے۔