وحدت نیوز(کچورا) مجلس وحدت مسلمین کے مرکزی رہنما و علماء کونسل کچورا کے سئنیر رہنما علامہ اعجاز حسین بہشتی کا کچورا یوتھ آرگنائزیشن و علماء کونسل کچورا کے زیر اہتمام سہ روزہ مجلس عزا بمناسبت اسد عاشورا کی پہلی مجلس سے جامع مسجد کچورا میں خطاب کرتے ہوئے کہنا تھا کہ سلام ہو ان جوانوں اور بزرگوں پر جنہوں نے اپنی تمام تر مصروفیات کو چھوڑ کر عزاداری اور اسد عاشورا کو زندہ رکھنے کے لئے یہاں جمع ہوئے ہیں اور مجلس عزاء کا اہتمام کیا ہے، جان لیں عزاداری کو برپا کرنے اور فرش عزا پر بیٹھنے کی سعادت ہر کسی کو نصیب نہیں ہوتی سوائے اس خوش نصیب کے جن کو حضرت فاطمہ زھرا سلام علیہا دعوت دیتی ہے، آج آپ خود ملاحظہ کریں کی ساری دنیا سے لوگ گلگت بلتستان میں سیر و تفریح کی غرض سے آئے ہوئے ہیں لیکن ہم نے دنیا سے منہ موڑ کر فرش عزاء بچھایا ہوا ہے تاکہ ہم دین شناسی، امام شناسی اور عقائد کے شکوک و شبہات کو دور کر سکیں اور علوم اسلام و اہلبیت سے سیراب ہو سکیں اور دنیا کو بتا سکیں کی علوم اہلیبیت و عشق اہلیبیت کیا ہے. عزاداری سید شہداء کے بغیر ہماری زندگی ادھوری ہے، عزاداری ہماری حیات ہے اس کے بنا ہماری مثال اس مچھلی جیسی ہے جسے پانی سے نکال دیا جائے۔

انہوں نے مزید کہاکہ ہمیں اپنے آباواجداد پر فخر ہے جنہوں نے ھر مشکل سے گزر کر اس عزاداری کو ہم تک پہنچایا ہے خصوصاً ایام اسد عاشورا کو جس کی مثال دنیا میں اور کہی نہیں ملتی اس وقت ہم سب پر فرض ہے خصوصاً جوانوں پر کہ وہ ایام اسد عاشورا اور محرم کو زندہ رکھیں اور ہر سال مجلس عزا کے دائرے کو بڑھائیں تاکہ ہم درس کربلا سے اپنی اور آئندہ آنے والی نسلوں کی تربیت کر سکیں.علامہ اعجاز حسین بہشتی کا مزید کہنا تھا کہ دین کی تبلیغ کرنا اور اس کی حفاظت کرنا ہم سب پر فرض ہے، اس کار خیر میں آج کچورا کے جوانوں کو آگے دیکھ کر ہمیں خوشی ہوتی ہے کیونکہ یہی جوان ہمارے مستقبل کی امید ہے اور جس معاشرے میں جوان بیدار اور متحرک ہوں وہ معاشرہ ترقی اور خوشحالی کی راہ پر گامزن ہوجاتا ہے، جوان اگر مستقل مزاجی سے کام کریں تو معاشرے سے تمام برائیاں بھی ختم ہوسکتی ہیں اور اتفاق و اتحاد کی فضاء کو بھی قائم کیا جاسکتا ہے۔

وحدت نیوز (کراچی) خوجہ شیعہ مسجد کھارادرکراچی میںنماز جمعہ کے خطبے میںمجلس وحدت مسلمین کے مرکزی ڈپٹی سیکریٹری جنرل علامہ احمد اقبال رضوی نے الیکشن میں موروثی سیاست کے خاتمے ,دہشتگردوں کا راستہ روکنے اور دیگر اہداف کے حصول کو اصل کامیابی قرار دیتے ہوئے کہا کہ تحریک انصاف کو بھاری مینڈیٹ ملا .عوام کے سیاسی شعورمیں اضافہ ہوا ہے . انہوں نے کہا کہ اگر عوام ، سیاستدان  اور علماءاپنے مسائل حل کرنے کے لئے خود کوشش نہ کریں تو پھر بیرونی مداخلت ہوتی ہے اور امریکہ اپنے انداز میں مسئلے حل کرتا ہے۔امریکہ نے عوام کے اعتماد کو ختم کردیا ہے اور ایک مائنڈ سیٹ بنادیا گیا ہے کہ ووٹ ڈالنے کا کوئی فائدہ نہیں. اور ہم چاہیں بھی تو کچھ نہیں کر سکتے ۔

انہوں نے کہا کہ پارلیمنٹ میں سب موجود ہیں . مگر شیعہ نمائندگی نہیں ہےبلکہ شیعہ عوام ایک طویل عرصہ تک سیاست کو برا سمجھتے رہے .انہوں نے بتایا کہ طریقہ کار کے برخلاف کوئی بھی کام کیا جائے کامیاب نہیں ہوتا. اگر ہم سیاست میں شرکت نہ کرنے کی بات پر ڈٹے رہے تو کچھ حاصل نہیں ہوگا . انہوں نے کہا کہ عمران خان نے جامع پالیسی پیش کی ہے . خارجہ پالیسی برابری کی سطح پر انجام دینے کی بات کی ہے .انہوں نے کہا کہ عمران خان اگر 50 فیصد بھی ان پالیسیوں پر عمل کرنے میں کامیاب ہوتے ہیں تو ملک میں کافی بہتری آجائے گی.

وحدت نیوز(اسلام آباد) مجلس وحدت مسلمین پاکستان شعبہ خواتین کی مرکزی سیکرٹری سیدہ زہراء نقوی نے کہا ہے کہ ایم ڈبلیو ایم کی خواتین نے ملک بھر میں اپنے تنظیمی برادران کے شانہ بشانہ انتخابی مہم میں حصہ لیکر اپنا فرض منصبی نبھایا ہے جو کہ لائق تحسین ہے ۔ ان خواہران کی فعالیت سے ملک بھر میں ایک مثبت پیغام پہنچا ہے کہ خواتین نہ صرف انتخابی عمل حصہ بن سکتی ہیں بلکہ اس کی کمپین میں بھی اپنا مثبت رول ادا کرسکتی ہیں ۔ اور مجلس وحدت مسلمین پاکستان کی خواہران نے الیکش ۲۰۰۱۸ میں اپنے عملی اقدام یہ ثابت کیا ہے ۔اللہ تعالیٰ ان تمام خواتین کو اپنی حفظ و امان میں رکھے جنہوں انتخابات کے حوالے سے اپنی ، منصبی، اخلاقی ، قانونی اور شرعی ذمہ داری کواحسن طریقے سے نبھایا ہے ۔ ہمارے اس معاشرے میںکچھ ایسےلوگ بھی ہیںجو خواتین کو معاشرے میں ذمہ داری نبھانے سے منع کرتے ہیں اور کچھ لوگ ایسے بھی ہیں جو خواتین کے حق رائے دہی کے خلاف ہیں۔اس ماحول میں ایم ڈبلیو ایم پاکستان شعبہ خواتین کی خواہران کا انتخابات کی مہم میں حصہ لینا کسی جہاد سے کم نہیں تھا ۔ الحمدللہ ہمیں ایک مدبر اور بہترین ویژن کے مالک قیادت کی سرپرستی حاصل ہے جس کے افکار کو قومی سطح پرپذیرائی حاصل ہے اور ساری سیاسی اور مذہبی پارٹیاں اس کا اعتراف بھی کرچکی ہیں ۔ ہماری جماعت کے منشور کو سیاسی حلقوں میں بہت پذیرائی ملی ہے ۔

وحدت نیوز(اسلام آباد) مجلس وحدت مسلمین پاکستان کے مرکزی ترجمان علامہ مختار امامی نے کہا ہے کہ ان کی جماعت پی ایس 89 میں انتخابی نتائج کو مسترد کرتی ہے۔انہوں نے کہا کہ انتخابی عملے کے جانبدارانہ رویے نے انتخابی عمل کو مشکوک بنا دیا ہے۔ مذکورہ حلقے میں تمام پولنگ سٹیشنز سے مصدقہ نتائج موصول سے قبل ہی پاکستان پیپلز پارٹی کی جیت کا اعلان کیا جانا کھلی بددیانتی ہے۔اس حلقے میں کل119 پولنگ سٹیشنز تھے جن میں سے 87پولنگ سٹیشنز سے بھاری اکثریت کے ساتھ ہماری کامیابی کا اعلان کیا گیا تھا۔لیکن بعد میں پیپلزپارٹی نے دیگر پولنگ سٹیشن سے نتائج تبدیل کرنے کے لیے اپنا اثر و رسوخ استعمال کیا۔عوامی مینڈیٹ پر اس طرح ڈاکہ ڈالنے کی کسی کو اجازت نہیں دیں گے۔ اس حلقے کے نتائج کے خلاف ڈسٹرکٹ اینڈ سیشن کورٹ میں ریٹرننگ آفیسر زکائاللہ ابڑوکے روبرو پٹیشن داخل کروادی گئی ہے۔ ہم الیکشن کمیشن آف پاکستان سے آزادانہ تحقیقات کا مطالبہ کرتے ہیں۔

انہوں نے کہا کہ چارروز گزر جانے کے باوجود ابھی تک تمام پولنگ سٹیشنز سے مکمل نتائج امیدواروں کے حوالے نہیں کیے گئے جو انتخابی عملے کی نا اہلی کا ثبوت ہے۔غیر تربیت یافتہ عملے نے پولنگ کے دوران عام شہریوں کے لیے شدید مشکلات پیدا کی ہیں جس کی تمام تر ذمہ داری الیکشن کمیشن پر عائد ہوتی ہے۔پولنگ کے اختتام پر سیاسی جماعتوں کے پولنگ ایجنٹس کو گنتی سے قبل ہی پولنگ اسٹیشن سے زبردستی باہر نکالا گیا۔امیدواروں کی جانب سے بھرپور تقاضے کے باوجود بھی فارم 45 ان کے حوالے نہ کیا گیا۔ بعض پولنگ اسٹیشنز سے موصول شدہ انتخابی نتائج کے اعداد وشمار میں رد وبدل کی گئی جو باعث تشویش ہیں۔ ووٹرز کی تعداداور گنتی میں ہیرپھیر کے واضح ثبوت بھی موجود ہیں۔ بعض پولنگ اسٹیشنز پر پاکستان پیپلز پارٹی کے کارکنان نے خواتین اور بزرگوں کے نام پر بوگس ووٹ کاسٹ کرواکر دھاندلی کی اور انتخابی نتائج پر اثر انداز ہوئے۔انہوں نے کہاکہ حلقہ پی ایس89 میں ووٹوں کا تقدس پائمال نہیں ہونے دیں گے،ہمارے مینڈیٹ پر ڈاکہ ڈالا جارہاہے جس کیلئے ہر صورت قانونی جنگ لڑیں گے۔

وحدت نیوز (کراچی)   پی ایس 89پر آر او کی جانب سے جاری نتائج کو تسلیم نہیں کرتے، تمام پولنگ اسٹیشنز سے تاحال فارم 45 کی عدم وصولی کے باوجود حتمی نتیجے ا علان بدیانتی پر مبنی عمل ہے، عوامی مینڈیٹ پر نقب زنی کسی صورت تسلیم نہیں کریں گے، پی ایس 89 پرجاری غیر حتمی انتخابی نتائج کو چیلنج کردیاہے، الیکشن کمیشن آزدانہ تحقیقات کے ذریعے پی ایس 89کے عوام کے حقیقی مینڈیٹ کا تحفظ یقینی بنائے، ان خیالات کا اظہار مجلس وحدت مسلمین اور پاکستان تحریک کے مشترکہ نامزد امیدوار برائے حلقہ پی ایس 89 سید علی حسین نے ڈسٹرکٹ اینڈ سیشن کورٹ ملیر کے باہر میڈیا سے گفتگو کر ت ہوئے کیا۔

تفصیلات کے مطابق مجلس وحدت مسلمین اور پاکستان تحریک انصاف کے مشترکہ نامزد امیدوار سید علی حسین نے پی ایس 89 کے غیر حتمی نتائج کو چیلنج کردیاہے، سید علی حسین نے ایم ڈبلیوایم اور پی ٹی آئی کے درجنوں کارکنان کے ہمراہ ریٹرننگ آفیسر زکا ءاللہ ابڑوکے روبروحتمی نتائج کے خلاف پٹیشن داخل کروادی ہے،اس موقع پر عدالت کے باہر موجود میڈیا نمائندگان سے گفتگو کرتے ہوئے انہوں نے کہاکہ ریٹرننگ آفیسرکی جانب سے تمام119پولنگ اسٹیشنزسے فارم 45 کی تاحال عدم وصولی کے باوجود غیر حتمی نتیجے کےاجراء اور پاکستان پیپلز پارٹی کے امیدوار کی کامیابی کا اعلا ن قابل مذمت اور ناقابل قبول ہے، تیسرا روز گذرجانے کے باوجود حلقہ پی ایس 89کے تمام پولنگ اسٹیشنز کا مکمل نتیجہ امیدواروں کے حوالے نہیں کیا گیا۔

انہوں نے مزید کہاکہ الیکشن ڈے پرغیر تربیت شدہ عملہ انتخابی عمل کی روانی میں شدید مشکلات کا سبب بنا، پولنگ کے اختتام پر پولنگ ایجنٹس کوجبری طورپر اسٹیشنوں سے باہر نکالاگیا اور متعدد پولنگ اسٹیشنزپر تعینات پریذائڈنگ افسران اور اسسٹنٹ پریذائڈنگ آفسران نے پرزور مطالبے پر بھی فارم 45پولنگ ایجنٹس کے حوالے نہیں کیئے،بعض پولنگ اسٹیشنز سے موصول شدہ انتخابی نتائج میں اعداد وشمار میں انتہائی درجے کی بے ضابطگیاں بھی ملاحظہ کی گئی ہیں، جن میں کل ووٹرز کی تعداد اورووٹوں کی گنتی میں ہیرپھیر کے واضح ثبوت موجود ہیں۔علی حسین کا کہناتھاکہ بعض پولنگ اسٹیشنز پر پاکستان پیپلز پارٹی کے کارکنان نے خواتین کے بوتھ میں بوگس ووٹ کاسٹ کرواکر دھاندلی کی اور انتخابی نتائج پر اثر انداز ہوئے، انہوں نے کہاکہ حلقہ پی ایس89کے ووٹرز کے ووٹوں کا تقدس پائمال نہیں ہونے دیں گے،ہمارے مینڈیٹ پر ڈاکہ ڈالا جارہاہےجس کیلئے ہم ہر صورت قانون جنگ لڑیں گے۔

وحدت نیوز (اسلام آباد)  پرامن اور ترقی یافتہ پاکستان کی جدوجہد میں عمران خان کی حکومت کا ساتھ دیں گے، عوام نے تبدیلی کو ووٹ دیا عمران خان کو مبارکباد پیش کرتے ہیں، قوم دھمکیو ں اور دھماکوں کے باوجود گھروں سے باہر نکلی ن لیگ اور پی پی پی کا بنایا ہوا چیئر مین الیکشن کمیشن نااہل ثابت ہوا، استعفی کا مطالبہ کرتے ہیں پی بی 27اور پی ایس89پر دوبارہ ووٹوں کی گنتی کے لئے درخواست دی ہے ان خیالات کا اظہار مجلس وحد ت مسلمین پاکستان کے سربراہ علامہ راجہ ناصر عباس جعفری نے پریس کانفرنس سے خطاب کرتے ہوئے کیا۔

 انہوں نے کہا کہ عمران خان کی پہلی تقریر کے بعد ہی ڈالر کی قیمت میں کمی آنا خوش آئند ہے عوام نے تبدیلی کو ووٹ کرتے ہوئے تحریک انصاف کے امیدوراوں پراعتماد کیا پاکستان کے امن اور خوشحالی کی جدوجہد میں تحریک انصاف کی حکومت کے ساتھ شانہ بشانہ کھڑے ہیں۔55فیصد سے زیادہ عوام اپنے حق رائے دہی کے لئے باہر نکلی جبکہ کئی خوفناک دھماکے بھی ہوئے الیکشن کمیشن آف پاکستان نے مکمل تیاری کے بغیر الیکشن کروائے چیئرمین الیکشن کمیشن جو کہ ن لیگ اور پاکستان پیپلز پارٹی کا بنایا ہوا ہے نااہل ثابت ہوااس سے استعفی کامطالبہ کرتے ہیں پولنگ ایجنٹس کو وقت سے قبل باہر نکالنے اور فارم 45کی فراہمی میں تاخیر نے الیکشن عمل پر سوالات اٹھادئے ہیں الیکشن کمیشن آف پاکستان کے اس عمل سے الیکشن کو نقصان ہو اہے ہم شفاف تحقیقات کا مطالبہ کرتے ہیں ہم نے قانونی راستہ اختیار کیا ہے اور باقی جماعتوں سے بھی قانونی رستے اختیار کرنے کے لئے کہتے ہیں اگر عدالتیں برقت فیصلے دینے میں تاخیر کریں تو اس صورت میں عوام کے پاس جائیں ہم سپورٹ کریں گے۔

انہوں نے مزید کہاکہ پی بی 27اور پی ایس89پر دوبارہ ووٹوں کی گنتی کے لئے درخواست دی ہے شفاف تحقیقات ہونی چاہیں ان کا مذید کہنا تھا کہ ملک کو اس وقت انتہا پسند ی سے شدید خطرات لاحق ہیں قومی سلامتی کے اداروں کو اس طرف سنجیدگی سے سوچنا ہوگا دیکھنا ہوگا کہ کہیں یہ شدت پسند عناصر سیاسی شیلڑ لے کرنا آجائیں پاکستان مذید کسی بھی قسم کی شدت پسندی کا متحمل نہیں ہو سکتاامید کرتے ہیں تحریک انصاف کی حکومت ملک کو بحرانوں سے نکالنے کے لئے سنجیدہ کوششیں کرئے گی آزادداخلہ اور خارجہ پالیسی کو اپناتے ہوئے ملکی وقار کو دوبارہ قائم کرئے گی، ہم پاکستانی عوام کو بھی مبارک باد پیش کرتے ہیں جنہوں نے پاکستان کی ترقی کے لئے دھمکیوں اور دھماکوں کے باوجود بھرپور انداز میں الیکشن عمل حصہ لیا ۔