وحدت نیوز (لاہور) مجلس وحدت مسلمین کے صوبائی سیکرٹری جنرل پنجاب علامہ سید مبارک علی موسوی نے کہا ہےکہ نواز شریف نے ملک کو تباہ کردیا ہے،ملک میں کوئی این آر او نہیں ہورہا،چالیس سال سے ملک تباہ کرنے والے اب سکون سے نہیں بیٹھیں گے،الیکشن پر اس لیے سوال ہیں کہ الیکشن فضل الرحمان جیسے لوگ نہیں جیت سکے۔ان کا مزید کہنا تھا کہ اسی فیصد سیاستدان نیب کی زد میں ہیں،شہباز شریف تیاری کریںانہیں بھی نیب کے ہاتھ آنا ہے۔علامہ مبارک علی موسوی نے کہا کہ عمران خان پر عوام نے بہت بڑی ذمے داری ڈالی ہے،پاکستان کو اب ہمیں غریب کا پاکستان بنانا ہو گا۔نئے پاکستان میں کرپشن کی جڑیں اکھاڑ نی پڑیں گی۔

وحدت نیوز (اسلام آباد)  مجلسِ وحدت مسلمین پاکستان شعبہ خواتین کی مرکزی سیکریٹری جنرل محترمہ سیدہ زہرانقوی نےشہید قائد علامہ سید عارف حسین الحسینیؒکی 30ویں برسی کے موقع پر عظیم الشان حمایت مظلومین کانفرنس میں بھرپور شرکت اور بہترین میزبانی کے فرائض انجام دینے پر ایم ڈبلیوایم شعبہ خواتین کی تمام اراکین مرکزی کابینہ، صوبائی کابینہ اور تمام ضلعی مسئولین کو خراج تحسین پیش کیا ہے اور قائد شھید کی روحانی دختران کی صورت انکے افکار و خیالات کی ترجمانی کرتے ہوئے حق کا پیغام پہنچایا۔اس سلسلے میں بالخصوص ضلع روالپنڈی و اسلام آباد شعبہ خواتین کی تمام مسؤل خواہران اپنی پوری کابینہ کیساتھ انتہائی قابلِ ستائش ہیں، جنھوں نے بھرپور فعالیت کا مظاہرہ کیا اور تمام زمہ داریوں کو احسن طریقہ سے بخوبی سر انجام دیا۔پروردگار عالم آپ سب کی توفیقات میں مزید اضافہ فرمائے اور ہم سب خواہرانِ وحدت، قائد شھید کے افکار کی روشنی میں اپنا بھرپور کردار ادا کریں ۔۔۔آمین

وحدت نیوز (اسلام آباد) مجلس وحدت مسلمین کے مرکزی سیکریٹری تعلیم اور حمایت مظلومین کانفرنس کے چیئرمین نثار علی فیضی نے مرکزی سیکریٹریٹ سے جاری اپنی بیان میں کہاہے کہ پروردگار کا شکر بجا لاتے ہیں کہ محمد و آل محمد ع کے صدقے میں قائد شہید علامہ عارف حسین الحسینی کی برسی شایان شان طریقے سے منعقد ہوئی اور سرزمین پاکستان میں شہید کے نظریاتی فرزندوں نے انکے رستے پر اپنے سفر کو عزم و حوصلے کے ساتھ جاری رکھنے کا عہد و پیمان کیا۔ پروگرام میں ملک بھر سے آئے ہوئے قافلوں جن میں علمائے کرام، زعماۓ ملت، مرد و خواتین نے شرکت کر کے شہید سے اپنی محبت اور عقیدت کا اظہار کیا۔ ہم تمام شرکاء کا تہہ دل سے شکریہ ادا کرتے ہیں۔

یقینا یہ اجتماع آنے والی نسلوں کو شہید کی ذات اور انکے افکار سے متعارف کرانے میں کلیدی کردار ادا کرے گا۔ میں اس پروگرام کو کامیاب بنانے میں مرکزی سیکرٹری جنرل علامہ راجہ ناصر عباس جعفری، معزز اراکین کابینہ بالخصوص برادر مہدی عابدی، برادر اسد نقوی، علامہ احمد اقبال رضوی، علامہ اعجاز بہشتی، علامہ مختار امامی،برادر اقرار ملک، ڈاکٹر یونس، علامہ عبدالخالق اسدی، برادر علی احمر انکے بعد مرکزی کور کمیٹی کے اراکین بالخصوص برادر ظہیر کربلائی،برادر ارشاد بنگش، مولانا ضیغم، مولانا نیازنقوی، برادر اظہر کاظمی، مولانا علی شیر انصاری،برادر مسرور نقوی، برادر ظفر، برادر مدثر، برادر ظہیر نقوی، برادر ندیم ظفر راولپنڈی اور اسلام اباد ضلع کے مسئولین آقائے غلام محمد عابدی، آقائے محمد حسین شیرازی مرکزی آفس کا عملہ۔

 انکے علاوہ خاص طور پر شکریہ ادا کروں گا یوتھ کی کور کمیٹی کے اراکین جنھوں نے کاموں کو احسن طریقے سے انجام دیا ان میں برادر وفا عباس، برادر یاور، برادر شبیر، برادر علی رضا، برادر ناصر بلتی  اور مخصوصا برادر سجاد نقوی لاہور ، چینوٹ، فیصل اباد، کوہاٹ کے جوان دوست شامل ہیں۔ انکے ساتھ جامعہ ولایہ کے برادر حسن اور طلاب کہ جنھوں نے بے حد اہم زمہ داری یعنی طعام کو اپنے زمہ لیا اور بخوبی انجام دیا۔انکے علاوہ قابل زکر اور قابل ستائش کردار میڈیا کے دوستوں نے ادا کیا اور پروگرام کے انعقاد کو سوشل میڈیا، پرنٹ و الیکٹرانک میڈیا میں بھرپور طریقے سے نشر کیا برادر مظاہر شگری، برادر شجاعت، برادر وسیم، برادر احسن عباس اور دیگر کی کاوشیں بے حد نمایاں تھیں۔

انکے علاوہ صوبائی مسئولین علامہ اقبال بہشتی، علامہ مبارک موسوی اور انکی کابینہ بالخصوص ڈاکٹر افتخار، ملک ملازم حسین، برادر رائے ناصر اور برادر زاہد، اسی طرح علامہ اقتدار نقوی اور انکی ٹیم، علامہ مقصود ڈومکی اور انکی ٹیم غرض یہ کہ تمام احباب کا رول بے حد اہم تھا۔اسی طرح بے حد مشکور ہوں خیرالعمل فاؤنڈیشن کے احباب کا کہ جنھوں نے ماوی اور آل عمران کے ساتھ ملکر میڈیکل کی سہولیات فراہم کیں۔ آخر میں شعبہ خواتین کا بھی شکریہ ادا کرنا چاہوں گا کہ جنھوں نے کم وقت میں بھرپور کام کیا۔ممکن ہے کسی برادر کا نام یہاں بیان کرنے سے رہ جاؤں اسکے لیے معذرت خواہ ہوں پروردگار تمام دوستوں کو جنھوں نے جو بھی درمے دامے سخنے اپنا کردار ادا کیا سب کو اجر عظیم عطا فرمائے اور ہم سبکو شہید قائد کی یاد انکے افکار انکی سیرت پر چلتے ہوئے اس قوم کی خدمت کرنے اور اسی طرح ظہور امام زمان ع کی زمینہ سازی کرنے کی توفیق عطا فرمائے۔

وحدت نیوز(پشاور) کالعدم جماعتوں کو قومی دھارے میں لانے والےقومی مجرم ہیں، ڈیرہ اسماعیل خان میں تکفیری دہشت گردوں کے محفوظ ٹھکانے ملکی استحکام کیلئے شدید خطرہ ہیں،ان خیالات کا اظہار سیکرٹری جنرل مجلس وحدت مسلمین خیبر پختونخواہ علامہ اقبال بہشتی نے ڈی آئی خان میں جاری مسلسل ٹارگٹ کلنگ پر میڈیا سیل سے مذمتی بیان میں کیا ان کا کہنا تھا کہ آئی جی خیبرپختونخواہ کی سپریم کورٹ میں ڈی آئی خان ٹارگٹ کلنگ واقعات کے سپریم کورٹ کے سوموٹو ایکشن پر پیش کردہ رپورٹ سے واضع ہو چکا ہے کہ ڈی آئی خان میں ہونے والی دہشتگردی میں خود پولیس اور انتظامیہ کی کالی بھیڑیں بھی سہولت کار ہیں۔ایسی صورت حال میں امن کیسے قائم ہو سکتا ہے جب امن قائم کرنے کے ذمہ دار ادارے پر سوالیہ نشان لگ چکے ہیں۔ کچھ لوگ اب بھی دہشتگردوں کو قومی دھارے میں لانے کے لئے لابنگ اور پلان جاری کر رہے ہیں ان کی یہ کوششیں اسی ہزار پاکستانی شہدا ء4 کے لہو سے غداری کے مترادف ہے۔ہم ان کے اس اقدام کی بھر پور مخالفت اور مذمت کرتے ہیں۔

انہوں نے مزید کہاکہ اس وقت ڈی آئی خان میں فرقہ وارانہ کلنگ کے باعث کئی علاقوں سے لوگ نقل مکانی کر چکے ہیں۔مقامی انتظامیہ پولیس ہر ٹارگٹ کلنگ پر دلاسے تسلیاں دلا تے ہیں مگر دوسرے روز ہی پھر ٹارگٹ کلنگ کی واردات ہو جاتی ہے ابھی تک کوئی ایک قاتل دہشتگرد پکڑا نہیں جا سکا پولیس انتظامیہ دہشگردوں کے سامنے بے بس اور تماشائی بنی ہوئی ہے ہم سپریم کورٹ آف پاکستان سے اپیل کرتے ہیں کہ ڈی آئی خان میں فرقہ وارنہ ٹارگٹ کلنگ کیس کی ترجیحی بنیادوں پر سماعت کی جائے اور ان واقعات کی تحقیقات کے لئے اعلی سطحی فیکٹ فائنڈنگ کمیٹی تشکیل دی جائے۔

وحدت نیوز (اسلام آباد) ڈیرہ اسماعیل خان دہشتگروں کی جنت بنا ہوا ہے سپریم کورٹ کے سوموٹو ایکشن کے باوجود ہر دوسرے دن ٹارگٹ کلنگ کے واقعات سوالیہ نشان ہیں کالعدم جماعتوں کو قومی دھارے میں لانے والے مجرم ہیں ان خیالات کا اظہار ایم ڈبلیو ایم کے سربراہ جنرل علامہ راجہ ناصر عباس جعفری نے ڈی آئی خان میں جاری مسلسل ٹارگٹ کلنگ پر میڈیا سیل سے مذمتی بیان میں کیا ان کا کہنا تھا کہ آئی جی خیبرپختونخواہ کی سپریم کورٹ میں ڈی آئی خان ٹارگٹ کلنگ واقعات کے سپریم کورٹ کے سوموٹو ایکشن پر پیش کردہ رپورٹ سے واضع ہو چکا ہے کہ ڈی آئی خان میں ہونے والی دہشتگردی میں خود پولیس اور انتظامیہ کی کالی بھیڑیں بھی سہولت کار ہیں۔ایسی صورت حال میں امن کیسے قائم ہو سکتا ہے جب امن قائم کرنے کے ذمہ دار ادارے پر سوالیہ نشان لگ چکے ہیں۔ کچھ لوگ اب بھی دہشتگردوں کو قومی دھارے میں لانے کے لئے لابنگ اور پلان جاری کر رہے ہیں ان کی یہ کوششیں اسی ہزار پاکستانی شہدا ء4 کے لہو سے غداری کے مترادف ہے۔ہم ان کے اس اقدام کی بھر پور مخالفت اور مذمت کرتے ہیں۔

انہوں نے مزید کہاکہ ایم ڈبلیو ایم پاکستان ڈی آئی خان میں جاری مسلسل ٹارگٹ کلنگ کے سوموٹو کیس میں فریق ہے۔اس وقت ڈی آئی خان میں فرقہ وارانہ کلنگ کے باعث کئی علاقوں سے لوگ نقل مکانی کر چکے ہیں۔مقامی انتظامیہ پولیس ہر ٹارگٹ کلنگ پر دلاسے تسلیاں دلا تے ہیں مگر دوسرے روز ہی پھر ٹارگٹ کلنگ کی واردات ہو جاتی ہے ابھی تک کوئی ایک قاتل دہشتگرد پکڑا نہیں جا سکا پولیس انتظامیہ دہشگردوں کے سامنے بے بس اور تماشائی بنی ہوئی ہے ہم سپریم کورٹ آف پاکستان سے اپیل کرتے ہیں کہ ڈی آئی خان میں فرقہ وارنہ ٹارگٹ کلنگ کیس کی ترجیحی بنیادوں پر سماعت کی جائے اور ان واقعات کی تحقیقات کے لئے اعلی سطحی فیکٹ کمیٹی تشکیل دی جائے۔شہدا کے ورثاکی داد رسی کی جائے۔

وحدت نیوز(ڈی آئی خان) ڈیرہ اسماعیل خان کی تحصیل پروآمیں دہشتگردی کے واقعات میںتین افراد شہید،مجلس وحدت مسلمین کے کارکنان اورورثاء نے شہید کا جسد خاکی انڈس ہائی وے پرببرموڑروڈ پررکھ کراحتجاج دھرنا دی دیا،ٹائر جلاکرروڈ بلاک کردی،ماس موقع پر ایم ڈبلیوایم کے رہنما اسدعلی زیدی اور دیگر مظاہرین نے قاتلوں کی فوری گرفتاری کا مطالبہ کیا،اسد علی زیدی نے کہاکہ تکفیری دہشت گرد پورے علاقے میں دھندناتے پھر رہے ہیں جبکہ سکیورٹی ادارے انہیں گرفتار کرنےمیں ناکام ہیں، سپریم کورٹ کے ازخود نوٹس کیس کے بعد دس کے قریب افراد کو ڈیرہ اسماعیل خان میں نشانہ بنایا گیا ہے، جبکہ شہید باقر حسین کے بھائی نے ایک صحافی کے سوال کے آپ کے بھائی کو کیوں مارا گیاکہ جواب میں کہاکہ لبیک یاحسین ؑ کہنے کے جرم میں،انہوں نے کہاکہ یہ ہمیں بے شک مارتے رہیں مگرلبیک یاحسین ؑتو نہیں رکنے والا، یہ صداہر صدی کی ہے، چاہے ہماری نسلیں بھی ختم ہوجائیں ۔واقعے کی اطلاع پر ڈی پی او ظہوربابرآفریدی موقع پرپہنچ گئے اورمظاہرین سے مزاکرات شروع کردیے ۔ ڈی پی اوظہوربابرآفریدی نے میڈیاسے گفتگوکے دوران کہاکہ دہشتگردی کے واقعات کافی عرصے سے چل رہے ہیں ۔سرچ آپریشن جاری ہیں ۔ دہشتگردوں سے چن چن کر بدلہ لیں گے ۔ہم ڈرنے والے نہیں ۔ دہشتگردسیکورٹی اداروں کامورال کم نہیں کرسکتے ۔

واقعہ کی اطلاع پرڈی پی او ظہوربابرآفریدی پولیس نفری کے ہمراہ موقع پر پہنچ گئے ۔تفصیلات کے مطابق تحصیل پروآ میں دہشتگردی کے واقعات میںتین اہل تشیع شہری شہید کردیے گئے ۔پہلاواقعہ چودھوان موڑعربی مسجدکے قریب رونماہواجس میں تکفیری دہشتگردوں نے فائرنگ کرکے باقر حسین ولد ہاشم حسین سکنہ ببرپکہ کوشہید کردیادوسرے واقعے میں ماہڑہ اڈہ پرکالوولد غلام حیدر سکنہ چڑاپولادکوفائرنگ کرکے شہید کیاگیاجبکہ تیسرے واقعے میں سفیدہ مائنرپرفائرنگ کرکے حفاظت حسین ولداللہ ڈیوایاسکنہ پروآکوشہید کردیاگیا۔ تینوں واقعات دوگھنٹے سے کم وقت میں ہوئے ۔ اس دوران شہداءکے ورثاءاور ایم ڈبلیوایم کے کارکنان نے باقرحسین کی نعش انڈس ہائی وے پرببرموڑ پر رکھ کرروڈ بلاک کردیا۔ ٹائر جلائے اوراحتجاج شروع کردیا۔