وحدت نیوز(گلگت) پاکستان پیپلز پارٹی کی آل پارٹیز کانفرنس عوام کو گمراہ کرنے کی ناکام کوشش ہے۔پیپلز پارٹی گلگت بلتستان کے عوام کے بنیادی حقوق کیلئے مخلص ہوتی تو اپنی تین باریوں میں مسئلہ حل کرچکے ہوتی۔گلگت بلتستان کے آئینی حقوق کی راہ میں مسلم لیگ اور پیپلز پارٹی ہی سب سے بڑی رکاوٹ بنے ہوئے ہیں۔

مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ گلگت بلتستان میں کانفرنسز کرنے سے قبل اپنے مرکزی رہنماؤں اعتزاز احسن اور رضا ربانی کو قائل کروائیں۔جب یہ دونوں جماعتیں اقتدار میں ہوتی ہیں تو گلگت بلتستان کے بنیادی مسائل سے صرف نظر کرتے ہیں اور جب اقتدار چھن جاتا ہے تو ان کو گلگت بلتستان کے عوام کے حقوق یاد آنے لگتے ہیں۔

انہوں نے کہا کہ اگر پیپلز پارٹی اور نواز لیگ چاہے تو اب بھی اسمبلی میں قرارداد پیش کرکے گلگت بلتستان کو آئینی حقوق دلواسکتے ہیں اور اس وقت گلگت بلتستان کے پارٹی رہنماؤں کا بیانیہ کچھ اور ہوتا ہے اور مرکزی رہنماؤں کا کچھ اور۔پیپلز پارٹی کی گلگت بلتستان کے حقوق کے حوالے سے آل پارٹیز کانفرنس کا انعقاد کھسیانی بلی کھمبہ نوچے کے مصداق ہے ۔

انہوں نے کہا کہ پیپلز پارٹی کے اس کانفرنس کو آل پارٹیز کانفرنس کا نام دینا ہے ایک دھوکہ ہے جبکہ گلگت بلتستان میں موجود اکثریتی سیاسی جماعتوں نے اس کانفرنس کو مسترد کرتے ہوئے شرکت سے انکار کیا ہے۔

انہوں نے مزید کہا کہ ان جماعتوں کا اپنا قبلہ درست نہیں اور ہرمرتبہ یہ ایک نئے نعرے کے ساتھ عوام کو بیوقوف بنانے کی کوشش کرتے ہیں ۔گلگت بلتستان کے عوام اب بیدار ہوچکے ہیں جو اب کھوکھلے نعروں کو ہرگز قبول نہیں کرینگے۔

وحدت نیوز (کوئٹہ) مجلس وحدت مسلمین  کے پی بی 26 کوئٹہ میں مرکزی الیکشن آفس کا افتتاح بدست محترم میجر ریٹائرڈ نادر علی صاحب ہوا،جناب جعفرعلی جعفری نے پروگرام کا آغاز تلاوت کلام پاک سے کیا جناب ذاکر حسین صاحب نے کہا کہ ہمیں درست نمائندے کا انتخاب کرنا چاہیئے جو اسمبلی میں جا کر ہمارے حقوق کا دفاع کر سکے ،جناب امان اللہ نے کہا کہ تمام امیدوار ہمارے دست و بازو ہیں لیکن ان تمام امیدواروں میں سے سب بہترین نمائندہ جناب آغا رضا ہیں ۔

جناب حاجی طاہر نظری نے کہا کہ ہزارہ ٹاون کے مسائل بہت زیادہ ہیں ایسے کسی نمائندے کا انتخاب کریں جو ان مسائل کو حل کرنے کی صلاحیت و قابلیت کا حامل ہو۔ آغا رضا کی گزشتہ کارکردگی کسی سے پوشیدہ نہیں انہوں پانچ سالہ مدت میں بے مثال خدمات انجام دیں ہیں۔

علامہ سید ہاشم موسوی نے کہا کہ ہر کام کیلئے اہلیت کا ہونا ضروری ہے ہزارہ ٹاون کے باشعور عوام جانتے ہیں کہ آغا رضا ان تمام امیدواروں میں سب سے مناسب امیدوار ہیں
مہمان خصوصی جناب میجر ریٹائرڈ نادر علی نے کہا کہ آغا رضا ایک تجربہ کار اور آزمودہ نمائندہ ہیں ان کا انتخاب آپ عوام نے کرنا ہے ہم ان کی قابلیت اور کارکردگی کی بنیاد پر مکمل حمایت کا اعلان کرتے ہیں ۔

مجلس وحدت مسلمین پاکستان کے نامزد امیدوار سید محمد رضا (آغا رضا ) نے جملہ حاضرین اور حمایت کرنے والے معتبرین اور کارکنوں کا شکریہ ادا کرتے ھوئے کہا کہ ہزارہ ٹاون بروری کے با شعور عوام اپنی ووٹ کی طاقت سے مخلص نمائندے کا انتخاب کریں گے انہوں نے کہا کہ ہم نے ماضی میں بھی ہر میدان میں عوام کی نمائندگی کی ہے اور آئندہ بھی اپنی قومی ذمہ داریوں کو بہ طریق احسن انجام دیتے رہیں گے ۔

وحدت نیوز(لاہور) مجلس وحدت مسلمین کے صوبائی سیکرٹری جنرل پنجاب علامہ سید مبارک علی موسوی نے کہا ہے کہ دسمبر 2014 میں ہونے والے سانحہ آرمی پبلک اسکول کا غم آج بھی قوم کے دل میں زندہ ہے، اے پی ایس سمیت تمام شہداء کے اہلخانہ کو سلام پیش کرتے ہیں، علامہ مبارک موسوی نے سانحہ اے پی ایس کے چارسال مکمل ہونے پر پیغام میں کہا کہ معصوم بچوں کا لہو بہا کر ظلم وبربریت کا سفاک باب لکھا گیا۔انہوں نے کہا کہ دہشت گردی کیخلاف کامیابی سے لڑنے پر پاک فوج، تمام سیکیورٹی فورسز کی قربانیوں کے معترف ہیں۔علامہ مبارک علی موسوی نے مزید کہا کہ سانحہ اے پی ایس قومی المیہ ہونے کے ساتھ تجدید عہد کا بھی دن ہے، قوم آج یہ عہد کرے کہ اپنے شہدا کے خون کے رائیگاں نہیں جانے دیا جائے گا اور ملک میں انتہاپسندی اور دہشتگردی کے خلاف متحد رہیں گے۔

وحدت نیوز(اسلام آباد) مسئلہ فلسطین پر دنیا کی خاموشی مجرمانہ ہے ،قبلہ اول کی آزادی میں سب سے بڑی رکاوٹ خود مسلم امہ کے حکمران ہیں جو غاصب اسرائیل کے ساتھ یارانہ بنانے کے لئے سرگراداں ہیں، ان خیالات کا اظہار سربراہ مجلس وحدت مسلمین علامہ راجہ ناصر عباس جعفری نے ملی یکجہتی کونسل کے زیر اہتمام اسلام آباد میں منعقدہ حمایت فلسطین کانفرنس سے خطاب کرتے ہوا کیا انہوں نے کہ پاکستانی عوام کے دل فلسطین کے مظلومین کے ساتھ ہیں اور پاکستانی عوام کسی بھی صورت اسرائیل کے غاصبانہ قبضے کو قبول نہیں کرئے گی پاکستانی قوم گذشتہ ستر سال سے زیادہ عرصے سے مسئلہ فلسطین پر اپنے فلسطین بھائیوں کے موقف کی تائید کرتی رہی ہے اور اپنے قائد حضرت محمد علی جناح کے فرمان کے مطابق اسرائیل کو غاصب قرار دیتی ہے ۔مسئلہ فلسطین ایک سلگتا ہوا المیہ ہے جس کے حل کے لئے اب تک کی جانے والی کوششیں کسی صورت سنجیدہ نہیں کہی جاسکتیں کیونکہ اب تک فلسطینی مسلمانوں نا صرف مظالم میں اضافہ ہواہے بلکہ وہ دھیر ے دھیرے اپنے علاقے سے محروم ہوتے چلے گئے ہیں ۔امریکہ اور اس کے حواریوں کے مسلط کردہ ناسور نے دنیاکے امن کو برباد کر رکھا ہے ۔ فلسطینوں کے قتل میں امریکہ اور اسے کے حواری برابر کے شریک ہیں ۔عرب حکمرانوں کی خیانتوں نے مسئلہ فلسطین کو گھمبیر بنا دیا ہے۔مظلوم فلسطینوں کی استقامت اور حوصلے ہی غاصب اسرائیل کی نابودی کا سبب بنیں گے مجلس وحدت مسلمین پاکستان ہر پلٹ فارم پر اپنے مظلوم فلسطینی بھائیوں کی حمایت جاری رکھے گی ۔

وحدت نیوز(کوئٹہ) مجلس وحدت مسلمین کے نامزد امیدوار سابق وزیر قانون سید محمد رضا (آغا رضا) نے کہا ہے کہ وطن عزیز پاکستان کی دفاع اور سالمیت کیلئے قربانی دینے کیلئے تیار ہے 71 سالون میں ہماری قربانیاں تاریخ کا حصہ ہے جسے مسخ نہیں کیا جا سکتا۔ انہوں نے حلقہ پی بی 26 کے مختلف قبائلی، سیاسی و سماجی شخصیات سے ملاقوں اور خطابات کے دوران کہا کہ ہزارہ ٹاون کے غیور عوام ملکی ترقی میں اپنا کردار ادا کرتے رہیں گے۔

آغا رضا نے کہا کہ کوئٹہ کے ہزارہ مومنین دنیا بھر سے سالانہ اربوں روپے زر مبادلہ کما کر پاکستان بھیجتے ہے۔حلقہ پی بی 26 کے عوام کا  مجلس وحدت مسلمین پاکستان پر اعتماد قابل تحسین ہے حمایت اور تعاون کامیابی کی نویدہے کا رنر میٹنگ میں مختلف محلوں اہلیان ہزارہ ٹاون، علی آباد، مری کالونی، کرنل یونس روڑ، بشیر ٹاون  اور حسین آباد کی طرف سے بھر پور حمایت کا اعلان انکے اعتماد کی دلیل ہے۔

سید محمد رضا نے علاقہ عمائدین سماجی شخصیات کی حمایت کا شکریہ ادا کرتے ہوئے کہا کہ اگر اللہ نے چاہا اور آپ باشعور عوام نے ہم پر اپنے قمتی ووٹ کے ذریعے بھر پور اعتماد کا اظہار کیا تو انشاء اللہ تمام تر مسائل کے حل کیلئے ہر ممکن اقدامات کریں گے۔

وحدت نیوز(کراچی) ملیر کے عوام بنیادی سہولیات سے محروم ہیں ، ضلع ملیر کا شمارشہر قائد کے کثیر آبادی والے ضلع میں ہوتاہے، برسراقتدار جماعتوں نے عوام کو صرف دھوکا دیا ہے، تبدیلی کا راگ الاپنے والوں نے کامیابی کے تین ماہ گذرجا نے کے باوجود نا ہی کوئی خاطر خواہ کارنامہ انجام دیا نا ہی کسی ترقیاتی منصوبے کا آغاز کیا، 23دسمبر کے دن یوسی 11کے باشعور عوام روٹی کپڑا اور مکان کے جھوے نعرے لگانے والوں اور چوروں، لٹیروں اور بھتہ خوروں کو مسترد کردیں گے،ان خیالات کا اظہار مجلس وحدت مسلمین کے نامزد اور حمایت یافتہ امیدوار برائے وائس چیئرمین یوسی 11جعفرطیار سید عارف رضا زیدی نے مختلف مقامات پر کارنرمیٹنگز اور مختلف شخصیات سے ملاقاتوں کے موقع پرگفتگو کرتے ہوئے کیا۔

دریں اثناءعارف رضازیدی نے ایم ڈبلیوایم کے وفد کے ہمراہ عماریاسر سوسائٹی میںمعروف اہل سنت عالم دین مولانا سلیم اللہ سے ملاقات کی یوسی 11کے ضمنی انتخاب کے حوالے سے تبادلہ خیال کیا، مولانا سلیم اللہ نے عارف رضا زیدی کی انتخابی حمایت کا اعلان کیا اور اور اپنے مکمل تعاون کا یقین دلایاہے، عارف رضا زیدی نے جعفرطیار سوسائٹی کی مختلف ماتمی انجمنوں اور سنگتوں سے بھی ملاقات کی اور انہیں اپنی انتخابی ترجیحات سے آگاہ کیا، ملیر جعفرطیار کی ماتمی انجمن لشکر عباس ماتمی سنگت کے بانی ندیم بھائی ،انجمن تنظیم امامیہ کے صدر قیصر جعفری اور فقرہ کمیٹی ماتمی سنگت باب الحوائج غازی ٹاون کے فیصل بھائی نےبھی عارف رضازیدی کے وژن اور ان کی قائدانہ صلاحیتوں سے متاثرہوکر ضمنی بلدیاتی انتخاب 2018 میں مجلس وحدت مسلمین کے حمایت یافتہ امیدواربرائےوائس چیئرمین یونین کونسل 11جعفرطیار سوسائٹی ملیر سید عارف رضا زیدی کی مکمل حمایت کا اعلان کیااور اہلیان یوسی 11سے نڈر، انسان دوست ،بے لوث ،مخلص ، ایماندار، پہاڑ جیسے عزم وحوصلے کے حامل , عوامی خدمت کے جذبے سے سرشار سید عارف رضاز یدی کوپہاڑ کے نشان پر ووٹ ڈال کر کامیاب بنانے کی اپیل کی ہے۔