وحدت نیوز(سندھ) مجلس وحدت مسلمین صوبہ سندھ کے سیکریٹری جنرل علامہ مقصودڈومکی کی اپیل پر وارثان شہدائے شکارپور سے کیئےگئے سندھ حکومت کے وعدوں اور معاہدوں پر عملدرآمد ناہونے اور حساس مساجد وامام بارگاہوں کی سکیورٹی کلوز کرنے کے خلاف سندھ بھرمیں بعد نمازجمعہ یوم احتجاج منایا گیا،حیدرآباد،سجاول، سانگھڑ ،گھوٹکی ،لاڑکانہ، شکارپور،جیکب آباد،نوشیروفیروز ،تھرپارکر سمیت دیگر شہروں اور قصبوں میں احتجاجی ریلیاں نکالی گئیں اور مظاہرے منعقد ہوئے، اس موقع پر خطاب کرتے ہوئے ایم ڈبلیوایم کے رہنمائوں علامہ مقصودڈومکی، علامہ گل حسن مرتضوی، علامہ ملازم حسین،علامہ سیف علی ڈومکی، علامہ معشوق علی قمی،رحمٰن رضا ، مظفرلغاری، عبدالرزاق جلبانی اور دیگر نے کہاکہ سندھ حکومت نےوارثان شہدائے شکارپور سے کئےگئےوعدوں اور معاہدوں پر چار برس گذرجانے کے باجود عملدرآمد نہیں کیا، وارثان شہداءنے 500کلومیر طویل لانگ مارچ کرکے حکومت کو اپنی مظلومیت سے آگاہ کیا تھا ، اس وقت کے وزیر اعلیٰ قائم علی شاہ نے وارثان شہداءکے تمام مطالبات تسلیم کرنے کا اعلان میڈیا کے سامنے کیا تھا لیکن افسوس سندھ حکومت نےروایتی بے حسی پر قمرباندھ رکھی ہے۔

رہنمائوں نے مزید کہاکہ سندھ کے حالات مزید خرابی کی جانب جاتے دکھائی دے رہے ہیں، تکفیری دہشت گردوں سلیپرسیل آج بھی سندھ کے مختلف شہروں میں قائم ہیں، لیکن ایس ایس پی شکارپور ساجد سدوزئی جن کی شناخت ایک متعصب پولیس آفیسر کی ہے کی جانب سے شکارپورکی حساس مساجد وامام بارگاہوں کی سکیورٹی کلوز کرکے انہیں تکفیری دہشت گردوں کیلئے تر نوالہ بنایاجارہاہے، رہنمائوں نے سندھ حکومت خصوصاًگورنر سندھ عمران اسماعیل، وزیر اعلیٰ مراد علی شاہ اور دیگر حکام سے مطالبہ کیاہے کہ وہ شہدائے شکارپورکے ورثاءسے کیئے گئے وعدوں کو فوری پوراکریں ، ایس ایس پی شکارپور ساجد سدوزئی کافوری تبادلہ کیا جائے جبکہ تمام حساس مساجد، امام بارگاہوں اور رعلمائے کرام کی موثر سکیورٹی فوری بحال کی جائے، بصورت دیگر احتجاج کادائرہ کار مزید وسیع کیا جائے گا۔

وحدت نیوز(سجاول) مجلس وحدت مسلمین ضلع سجاول کی جانب سےضلعی سیکریٹری جنرل حاجی مظفر علی لغاری کی قیادت میں مسجد الحسینی سجاول سے پرانی نیشنل بینک سجاول تک سانحہ شکار پور میں شہداء کمیٹی سے کئیے گئے معاہدوں پر عملدرآمد نا کرنے شیعہ مساجد اور امام بارگاہوں کی سیکورٹی کلوز کرنے کے خلاف صوبائی سیکریٹری جنرل علامہ مقصودڈومکی کی ہدایت پر احتجاجی ریلی نکالی گئی جس میں حاجی مظفر علی لغاری نے اپنے خطاب میں سندھ گورنمنٹ۔وزیراعلی سندھ مراد علی شاہ اور اعلیٰ سیکورٹی اداروں سے مطالبہ کیا کہ شکار پور شہداء کمیٹی سے کئیے گئے وعدوں پر عمل درآمد کرے اور فوری مطالبات تسلیم کرے۔

وحدت نیوز(حیدرآباد) مجلس وحدت مسلمین ضلع حیدرآباد کی جانب سےضلعی سیکریٹری جنرل رحمٰن رضا ایڈوکیٹ کی قیادت میںمسجد قائم آل محمد حسین آباد کے سامنے بعد نماز جمعہ سانحہ شکار پور میں شہداء کمیٹی سے کئیے گئے معاہدوں پر عملدرآمد نا کرنے شیعہ مساجد اور امام بارگاہوں کی سیکورٹی کلوز کرنے کے خلاف صوبائی سیکریٹری جنرل علامہ مقصودڈومکی کی ہدایت پر  احتجاجی مظاہرہ منعقد کیا گیا جس میں ضلعی ترجمان علامہ گل حسن مرتضوی، سیکریٹری تبلیغات علامہ ملازم حسین نے اپنے خطاب میں سندھ گورنمنٹ۔وزیراعلی سندھ مراد علی شاہ اور اعلیٰ سیکورٹی اداروں سے مطالبہ کیا کہ شکار پور شہداء کمیٹی سے کئیے گئے وعدوں پر عمل درآمد کرے اور فوری مطالبات تسلیم کرے،اس موقع پر ضلعی ڈپٹی سید صفدر عباس، رابطہ سیکریٹری شکیل حیدر، سیکریٹری نشرواشاعت عابد علی قریشی کے ساتھ مومنین نے بڑی تعداد میں شرکت کی.

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میںایم ڈبلیوایم کوئٹہ ڈویژن کے سیکریٹری جنرل اور سابق کونسلر کربلائی رجب علی نے کہا ہے کہ اتحاد بین المسلمین کو فروغ دیتے ہوئے کہا ہے کہ ہماری جماعت نے ہمیشہ اتحاد و اتفاق کیلئے کام کیا ہے۔اسلام ہمیں آپس میں ہم آہنگی اور یکجہتی کا درس دیتا ہے، ہم نے ہر کام میں اسلامی اقدار کو مد نظر رکھا اور ہمیشہ اتحاد کا مظاہرہ کرتے ہوئے بغیر کسی مذہبی یا قومی تفرقے کے عوام کی خدمت کی ہے، عوام اس بات سے آگاہ ہیں کہ ان کیلئے جتنا ہمارے لئے ممکن تھا ہم نے کام کیا ہے، ہر میدان میں آواز بلند کی اور ہم نے صرف نعروںسے کام لینے کے بجائے عملاً لوگوں کی خدمت کی ۔

 انہوں نے مجلس وحدت مسلمین کے دستور کی وضاحت کرتے ہوئے کہا کہ ایمان، اتحاد اور بھائی چارگی ہمارے مقاصد ہیں۔ ہمارے اندر کبھی بھی لسانی، مذہبی یا قومی بنیاد پر کارکنوں میں تفریق نہیں پایا گیا ، ہماری کوشش رہی ہے کہ تمام اقوام کو یک نگاہ سے دیکھیں کیونکہ ہمارا شعار ہی امت مسلمہ میں وحدت پیدا کرنا ہے ۔ خدمت ہمارا نصب العین ہے اور ہم عوام کی خدمت کیلئے ہی سیاست کے میدان میں اترے ہیں۔

بیان کے آخر میں کہا گیا کہ ہم سمجھتے ہیں کہ کوئی بھی قوم صرف اسی وقت ترقی کر سکتی ہے جب ان میں اتحاد، آپس میں ہم آہنگی اور بھائی چارے کا ماحول پیدا ہوجائے اور ایسا ماحول پیدا کرنے کیلئے ہر فرد کو اپنا کردار ادا کرنا ہوگا. اور ہم اپنے با شعور عوام سے امید رکھتے ہیں کہ وہ ہمارے ساتھ مل کر اتحاد بین المسلمین کو فروغ دیتے ہوئے وطن عزیزمیں محبت ،  اتحاد اور بھائی چارگی کوعملی جامعہ پہنانے میں اقدام کریں گے ۔

وحدت نیوز(لاہور) بھارت کےجنگی جنون کو خاک میں ملانے کے لئے وطن عزیز کے مرد وزن سربکف تیار ہیں،انڈیا کی جانب سے کسی بھی مہم جوئی کا منہ توڑ جواب دینے کے لئے پوری قوم مادر وطن کے محافظوں کے ساتھ ہیں،شہادت ہمارا ورثہ ہے جو ہماری مائوں نے ہمیں دودھ میں پلایا ہے،ان خیالات کا اظہار مجلس وحدت مسلمین پنجاب کے سیکرٹری جنرل علامہ مبارک موسوی نے صوبائی سیکرٹریٹ میں سنٹرل پنجاب کے وفد سے گفتگو کرتے ہوئے کیا۔

 انہوں نے کہا کہ کشمیر کی آزادی نوشتہ دیوار ہے،کشمیری حریت پسندوں کی جدوجہد کی ہم مکمل حمایت کا اعلان کرتے ہیں اور ہم اپنے مظلوم کشمیری بھائیوں کے ساتھ ہیں،انشااللہ بہت جلد ہندوستان کو کشمیر سے ذلت و رسوائی سمیٹ کر بھاگ جائیگا،علامہ مبارک موسوی نے کہا کہ جنگ کی ابتداء انڈیا کریں اور اسکی اختتام ہم کریں گے،بھارت،اسرائیل اور امیریکہ وہ منحوس مثلث ہیں جن کے ہاتھوں پوری دنیا کی امن کو شدید خطرات لاحق ہیں،یہ منحوس مثلث جلد اپنے انجام کو پہنچ جائینگے۔

وحدت نیوز(لاہور) چیئرمین امام خمینی ؒٹرسٹ، سچ ٹی وی اور رکن اسلامی نظریانی کونسل علامہ سید افتخارحسین نقوی نے مجلس وحدت مسلمین پاکستان شعبہ خواتین کی مرکزی سیکریٹری جنرل اوررکن پنجاب اسمبلی سیدہ زہرانقوی سے وحدت ہائوس لاہورمیں ملاقات کی ، اس موقع پر دونوں رہنمائوں کے درمیان قومی وملی صورت حال سمیت قانون وراثت اور شیعہ مکتب میں طلاق کے حوالے سے امور پر تفصیلی گفتگو ہوئی ، علامہ افتخارنقوی نے زہرانقوی کو اسلامی نظریاتی کونسل میں اپنی خدمات سے بھی آگاہ کیا، اس موقع پر علامہ افتخار نقوی نے زہرانقوی کو اپنی کتب قانون وراثت اور دیگر بھی تحفے میں پیش کیں ۔