وحدت نیوز(ملتان) مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری نے کہا ہے کہ شیعہ سنی پاکستان کے باوفا بیٹے ہیں، جو کبھی بھی ملک سے غداری اور بیوفائی نہیں کریں گے، پاکستان کو مستحکم کرنے کے لیے شیعہ سنی اتحاد اشد ضروری ہے، ان خیالات کا اظہار اُنہوں نے ملتان میں مجلس وحدت مسلمین کے زیراہتمام ''وحدت اسلامی کانفرنس'' سے خطاب کرتے ہوئے کیا۔ کانفرنس سے سابق وفاقی وزیر مذہبی صاحبزادہ حامد سعید کاظمی، مشیر وزیراعلیٰ پنجاب حاجی جاوید اختر انصاری، علامہ سید اقتدار حسین نقوی، سید اسد عباس نقوی، علامہ عبدالحق مجاہد، علامہ قاضی نادر حسین علوی، شفقت حسنین بھٹہ، خواجہ مدثر محمود، مہر مظہر جاوید سیال، رانا فراز نون، سلیم عباس صدیقی اور رائو عارف رضوی نے خطاب کیا جبکہ علامہ غلام مصطفیٰ انصاری، مخدوم حسن رضا مشہدی، علامہ ظفر حسین حقانی، مولانا طاہر عباس نقوی، مولانا سلطان نقوی، ثقلین نقوی، مہر سخاوت علی، پیر منظور حسین قادری، کاشف رضا زیدی، مولانا عسکری الہدایت، مولانا تقی دانش، قاری محمد افضل، مظہر عباس کات اور دیگر رہنما موجود تھے۔
علامہ راجہ ناصر عباس جعفری کا مزید کہنا تھا کہ امریکہ، اسرائیل اور انڈیا پاکستان کے استحکام کے دشمن ہیں، اتحاد امت میں ہی پاکستان اور عالم اسلام کی بقا ہے، اگر ہم آپس میں لڑتے رہے تو دشمن اپنی سازشوں میں کامیاب ہو جائے گا، پاکستان میں اہل تشیع اور اہل سنت کو کمزور کیا گیا، کیونکہ وہ پاکستان کے حقیقی وارث تھے۔ اُنہوں نے کہا کہ تسلسل کے ساتھ ہمارے جوانوں کو غائب کیا جا رہا ہے، آج قوم کی مائیں بہنیں، بیٹیاں کراچی میں سڑکوں پر ہیں، اگر ہمیں انصاف نہ ملا تو راست اقدام اُٹھانے پر مجبور ہوجائیں گے۔ اُنہوں نے کہا کہ انڈیا پاکستان سے نفسیاتی جنگ ہار چکا ہے، اگر پاکستان امریکہ کے سامنے کھڑا ہوگیا تو اسے بھی شکست ہوگی، پاکستان میں قاتل اور مجرم پالے جاتے ہیں، ہماری مسلسل نسل کشی جاری ہے۔
وحدت نیوز(ملتان) سابق وفاقی وزیر مذہبی اُمور صاحبزادہ حامد سعید کاظمی نے کہا ہے کہ عالم اسلام کو اس وقت اتحاد کی ضرورت ہے، پاکستان میں اتحاد کی فضا کو عام کرنے میں مجلس وحدت مسلمین کا کردار قابل تعریف ہے، اس وقت پاکستان عالمی طاقتوں کی سازشوں کا مرکز بنا ہوا ہے، عالمی طاقتیں اپنے ایجنڈے کے ذریعے ملک کے حالات کو بگاڑ رہی ہیں، پاکستان میں امن و امان کی صورتحال کو بہتر بنانے کے لئے شیعہ سنی کردار قابل تعریف ہے، عالم اسلام میں پاکستان کا کردار اہم ہے۔ ان خیالات کا اظہار اُنہوں نے ملتان میں مجلس وحدت مسلمین کے زیراہتمام منعقدہ ''وحدت اسلامی کانفرنس'' سے خطاب کرتے ہوئے کیا۔ حامد سعید کاظمی کا مزید کہنا تھا کہ عالمی دہشت گردی کے پیچھے امریکہ اور اس کے حواری ہیں، پاکستان کو بنانے میں شیعہ سنی کردار مشترک ہے اور یہی مل کر پاکستان بچائیں گے، ملتان میں عزاداری اور میلاد کے جلوس امن اور اتحاد کی دعوت دیتے ہیں، شہر اولیاء نے ہمیشہ پورے پاکستان کو امن کا درس دیا ہے۔
وحدت نیوز(چنیوٹ) مجلس وحدت مسلمین شعبہ خواتین ضلع چینیوٹ کے زیراہتمام عصر حاضر و دینی تشخص کے عنوان سے سالانہ عظیم الشان کنونشن منعقد ہوا۔ سالانہ کنونشن میں ضلع بھر سے خواتین نے بھرپور شرکت کی اور مختلف علماے کرام اور معلمات نے خطاب کیا۔ کنونشن سے ایم ڈبلیو ایم پاکستان ضلع لاھور کے سیکرٹری جنرل مولانا حسن ہمدانی نے ایم ڈبلیو ایم کے اھداف و مقاصد کے موضوع پر تفصیلی خطاب کیا۔ جامعہ بعثت کے پرنسپل اور ایم ڈبلیو ایم پاکستان کے راہنما مولانا حسن مھدی کاظمی نے مجلس وحدت مسلمین میں شمولیت کے ثمرات اور ظہور امام زمانہ ع کے مقدمات کے عنوان سے گفتگو کی۔
محترمہ معصومہ نقوی نے ولی فقیہ کی محبت و اطاعت کے عنوان سے خطاب کرتے ہوئے کہا کہ اس وقت رہبر معظم سید علی خامنہ ای کی شخصیت دنیا کے تمام با اثر اور ذہین افراد پر حاوی ہے، ہم دیکھتے ہیں دنیا کی تمام اہم شخصیات چاہے وہ علمی ہوں یا سیاسی حتی کہ دشمن بھی، ان کی باصیرت قیادت علوم و افکار اور تمام ظالم اور طاغوتی قوتوں کے مقابل سینہ سپر رہنے کی صلاحیت کے معترف ہیں، وہ جانتے ہیں کہ ہمارے تمام منصوبے جو عالمی سطح پر کنٹرول حاصل کرنے کے لیے بناتے ہیں، ان کا توڑ اس رہبر با بصیرت کے ہاتھ میں ہے۔
انہوں نے کہا کہ دشمن جانتا ہے کہ سید علی خامنہ ائ کہ جن کی زیر سرپرستی نظام ولایت فقیہ قائم دائم ہے، ان کی موجودگی میں ایرانی انقلاب اور ایرانی قوم کا ہم بال بھی بیکا نہیں کر سکتے۔ انہوں نے مزید کہا کہ دشمن ہمارے رہبر کی معرفت رکھتا ہے، ان کے عظمت اور مقام و حیثیت کو پہچانتا ہے اور اگر اپنے ان کی معرفت حاصل کر لیں اور ان کی رہبری کو قبول کرتے ہوے اطاعتِ ولی فقیہ انجام دیں تو یقیناً امامہ زمانہ عج کا ظہور جلد ہوجاے گا۔
محترمہ ڈاکٹر ردا فاطمہ نے ورکنگ وومنز کی راہنمائی کرتے ہوئے بیان کیا کہ وہ کس طرح اپنے شعبے کے ذریعے دین کی خدمات انجام دے سکتی ہیں۔ محترمہ سمیرا نقوی نے ماہ شعبان کی اہمیت و فضیلت اور ولادت امام زمانہ عج کے موضوع پر تفصیلی روشنی ڈالی۔ کنونش میں جامعہ بعثت کی طالبات اور ایم ڈبلیو ایم ضلع چینیوٹ کی خواھران نے ٹیبلو بھی پیش کیا۔ علاوہ از ایں ضلعی سیکرٹری جنرل محترمہ انجم کاظمی نے سالانہ تنظیمی کارکردگی رپورٹ بھی پیش کی۔
وحدت نیوز(ملتان) مجلس وحدت مسلمین جنوبی پنجاب کے صوبائی کنونشن کے موقع پر اکثریت رائے سے سابق صوبائی سیکرٹری جنرل علامہ اقتدار حسین نقوی کو آئندہ تین سال کیلئے سیکرٹری منتخب کرلیا گیا، مرکزی سیکرٹری جنرل علامہ راجہ ناصر عباس جعفری نے نومنتخب سیکرٹری جنرل سے حلف لیا، کنونشن میں مرکزی سیکرٹری سیاسیات سید اسد عباس نقوی اور مرکزی ڈپٹی سیکرٹری جنرل سید ناصر عباس شیرازی نے خصوصی شرکت کی۔ نومنتخب سیکرٹری جنرل نے اپنے خطاب میں کہا کہ ان شاء اللہ پاکستان میں اتحاد اور وحدت کے لیے مزید اپنی جدوجہد جاری رکھیں گے، اُنہوں نے کہا کہ عزاداری سیدالشہداء کو درپیش مشکلات کا تدارک کیا جائے گا۔
وحدت نیوز(پشاور) علامہ سید وحید عباس کاظمی مجلس وحدت مسلمین خیبر پختونخوا کے نئے سیکرٹری جنرل منتخب ہوگئے ہیں۔ اس سلسلے میں ایم ڈبلیو ایم کی صوبائی شوری کا دو روزہ اجلاس بنعوان جانثاران امام عصر عج کنونشن جامعہ شہید عارف حسین الحسینی رح میں منعقد ہوا۔
اجلاس کے دوسرے روز انٹرا پارٹی الیکشن ہوئے، اجلاس میں مجلس وحدت مسلمین کے مرکزی سیکرٹری مالیات علامہ محمد اقبال بہشتی، مرکزی سیکرٹری تربیت ڈاکٹر علامہ یونس حیدری، مرکزی معاون سیکرٹری تنظیم سازی برادر آصف رضا ایڈووکیٹ، مرکزی کوآرڈینیٹر سید عدیل عباس زیدی اور مرکزی معاون مسئول دفتر برادر ارشاد حسین بنگش نے شرکت کی۔ جبکہ صوبائی کابینہ کے اراکین سمیت تمام اضلاع سے تنظیمی مسئولین کی نمائندگی تھی۔
اس موقع پر صوبائی شوری نے علامہ سید وحید عباس کاظمی کو بھاری اکثریت سے نیا صوبائی میر کاررواں (سیکرٹری جنرل) منتخب کرلیا۔ اس موقع پر علامہ اقبال بہشتی نے نومنتخب سیکرٹری جنرل سے حلف لیا۔
وحدت نیوز (لاہور) آل سعود کے مظالم آئے روز بڑھتے جارہے ہیں، شہر قطیف میں حکومتی پالیسیوں پر تنقید کے عوض شیعہ علما ، جوانوں اور بچوں کو موت کے گھاٹ اتار دیا جاتا ہے لیکن امت مسلمہ اور عالمی انسانی حقوق پر واویلا کرنے والی تنظیمیں مجرمانہ خاموشی کا شکار ہیں، جس سے ان کی منافقت اور جھوٹی ہمدردی کے نعروں کا پول کھل چکا ہے ان خیالات کا اظہار مجلس وحدت مسلمین شعبہ خواتین ضلع لاھور کی ڈپٹی سیکرٹری جنرل محترمہ عظمی نقوی نے جعفریہ کالونی میں خواتین کا یونٹ قائم کرتے ہوئے کیا۔اس موقع پر یونٹ کابینہ کی حلف برداری بھی کی گئی
محترمہ عظمی نقوی نے اپنے خطاب میں مزید کہا کہ آل سعود اسلام کے نام پر دھشت گردی اور ظلم و بربریت کی نئی تاریخ رقم کر رہے ہیں امریکی اور اسرائیلی حمایت سے یہ اپنے ہی ہم مذہب ممالک پر جنگ مسلط کر چکے ہیں یمن میں سعودی مظالم اور جارحیت انتہا کو پہنچ چکی ہے اور غزائی قلت سےاب تک پچاسی ہزار بچے جاں بحق ہوچکے ہیں۔ انشاءالله وہ وقت دور نہیں جب بے گناھوں اور معصوم لوگوں کا خون ناحق سعودی بادشاہت اور تخت و تاج کو خس و خاشاک کی طرح بہا کے جائے گا بے شک حق چھا جاے گا اور باطل مٹ کر رہے گا۔
انہوں نے مجلس وحدت مسلمین کا تعارف بیان کرتے ہوئے کہا کہ اس الہی تنظیم کا یہی خاصہ ہے کہ یہ مظلومین کی جماعت ہے اور انشاءالله آنے والے وقت میں مزید طاقت بن کر ابھرے گی۔ اس موقع پر جعفریہ کالونی کی خواتین نے ایم ڈبلیو ایم کی کارکردگی کو سراہتے ہوے اس الہی پلیٹ فارم میں شمولیت اختیار کرنے کا اظہار کیا۔
