وحدت نیوز(مظفرآباد) مجلس وحدت مسلمین ضلع مظفرآباد، تحریک نفاظ فقہ جعفریہ مظفرآباد اور ماتمی دستہ دعائے زہراء ع دومیل سیداں کے زیر اہتمام گزشتہ روز 8 شوال یوم انہدام جنت البقیع کے موقع پر علمدار چوک تا دربار سہیلی سرکار احتجاجی ماتمی جلوس نکالا گیا۔ اس موقع پر عزاداران سیدہ فاطمة الزہراء سلام علیہ نے کثیر تعداد میں شرکت کی۔ نوحہ خوانی کے ساتھ ساتھ آل سعود مردہ باد، امریکہ مردہ باد، اسرائیل مردہ باد، بھارت مردہ باد کے فلک شگاف نعرے لگائے گیے۔

مقررین نے اپنے خطاب میں کہا کہ آج کا دن تاریخ اسلام میں سیاہ باب ہے کہ جس دن آل سعود نے امریکہ و دیگر تاغوتی قوتوں کی ایماء پر مسلمانوں جنت البقیع میں دختر رسول ص کے مزار کو مسمار کر کے تمام امت مسلمہ کی دل آزاری کی۔ آج کا یہ احتجاج اس واقع کی پرزور مزمت کرتا ہے اور ساتھ ہی ساتھ سعودی عرب سے یہ پرزور مطالبہ کرتے ہیں کہ وہ جنت البقیع کے مزارات کی تعمیر کیلئے ہمیں موقع فراہم کرئے ہم خود جنت البقیع کے مزارات تعمیر کریں گے۔

مقررین کا مزید کہنا تھا کہ آج کا یہ احتجاج فلسطین، کشمیر سمیت دنیا بھر کے مظلومین پر جاری مظالم کی بھی پرزور مزمت کرتا ہے۔ آخر میں سیکرٹری جنرل مجلس وحدت مسلمین ضلع مظفرآباد سید غفران کاظمی، صدر تحریک نفاظ فقہ جعفریہ مظفرآباد سید بلاول کاظمی، سالار ماتمی دستہ دعائے زہراء سلام علیہ سید عاقب کاظمی نے تمام شرکاء کو احتجاج میں شرکت کرنے اور ملی بیداری کا ثبوت دینے پر خراج تحسین پیش کیا۔